Simone Segouin
Simone Segouin (Thivars,, Eure-et-Loir, 1925eko urriaren 3a – Courville-sur-Eure, 2023ko otsailaren 21a), Nicole Minet izenez ere ezaguna, Frantziako Erresistentziako borrokalaria izan zen, frankotiratzaile eta partisanoen taldekoa. Erresistentziako lehen ekintzen artean, Alemaniako administrazio militar baten bizikleta bat lapurtu zuen, gero mezuak eramateko erabili zuena. Eskala handiko misio arriskutsuetan parte hartzen jarraitu zuen, hala nola, tropa alemanak harrapatzen, trenak errailetik ateratzea eta zubiak lehertzen.
| Simone Segouin | |
|---|---|
 | |
| Bizitza | |
| Jaiotzako izen-deiturak | Simone Denise Segouin |
| Jaiotza | Thivars, 1925eko urriaren 3a |
| Herrialdea |  Frantzia |
| Heriotza | Courville-sur-Eure, 2023ko otsailaren 21a (97 urte) |
| Hezkuntza | |
| Hizkuntzak | frantsesa |
| Jarduerak | |
| Jarduerak | Frantziako Erresistentziako kidea eta pediatric nurse (en)  |
| Jasotako sariak | ikusi
|
| Kidetza | Francs-tireurs et partisans |
| Zerbitzu militarra | |
| Gradua | sub-lieutenant (en) |
| Parte hartutako gatazkak | Bigarren Mundu Gerra |
1944ko abuztuaren 23an Chartresen askapenean egon zen, eta bi egun geroago Parisen askapenean. Teniente gradura igon eta Croix de guerre saria jaso zuen. Gerraren ondoren, erizain bihurtu zen. Courville-sur-eure hiriko kale batek haren izena darama.[1]
Biografia
aldatuNekazarien alaba zen Simone Segouin, hiru nebaz inguratuta. Bigarren Mundu Gerra hasi zenean, familiaren landetxean ari zen lanean. Baina 1944an, hemezortzi urterekin, Frantziako Erresistentziarekin bat egin zuen.
Haren aitak, udal-zinegotzi eta erresistentziaren borrokalari aktiboak, herriko gazte langabeen zerrenda bat eman behar izan zien alemanei, Château de Spoir-en, Mignières herrian. Alaba erreklutatu ez zezaten, jostuna zela esatea erabaki zuen. Baina goiz batean, alemanak arropa pila batekin iritsi ziren landetxera. Bere tranpan harrapatuta, Simonek Thivars utzi egin behar izan zuen, eta izebarekin Parisko Bon Marchén lan egingo zuela sinetsarazi zien ingurukoei.
Orduan sartu zen Chartresko erresistentzian lagun izango zuenarekin, Boursier tenientearekin, aitaren urratsei jarraitzeko gogo bereziarekin.
“Aita 14 urte zituela egon zen gerran, eta 18 urte zituela sartu zen Erresistentzian. Borrokalari handia izan zen”. “Ez dugu horretaz hitz egin baina berak parte hartu zuen Voves zelaia askatzen… erresistentziaren borrokalari garrantzitsua izan zen benetan! ""
Aitarekiko konplizitatea bakarra zen, hiru nebetariko inork ez baitzuen bat egin erresistentziarekin. Badirudi txikitatik egon zela patriotismoan:
“Alemanak etsaiak ziren… Gu frantsesak ginen! ""
Nicole Minet ezizenarekin eman zion hasiera bizitza berriari. Fanc-tireurs et partisans taldean sartu zen (FTP) eta baliozko nortasun txartela eman zioten. Dunkerque bonbardatu ondoren, erresistentziako beste borrokalari ugari bezala, Dunkerquear bihurtu zen.
Alemaniako mezulari bati bizikleta lapurtzea izan zen bere lehenbiziko ekintza. Mezularia'Chartresko posta-bulegoan zegoen bitartean, Nicolek bizikleta hartu zuen eta, berriz pintatu ondoren, loturako ibilgailu bihurtu zuen. Châteaudun, Dreux eta Chartresen arteko misio askoren ondoren, FTPk berehala eskaini zion armak hartzea.
Ondoren, armak erabiltzeko oso entrenamendu zorrotza egiten zuen. “Norbere adorea eta zure iritziak erakutsi behar ziren". Kaleko borroketan parte hartu zuen emakume bakarretakoa izan zen, eta horrek ezohiko lekua eman zion Erresistentziaren barruan. Chartres eta haren inguruak askatzen aktiboki parte hartu zuen. Gero hogei bat lagunekin abiatu zen Paris askatzeko. “Delirioa izan zen! dio gogo onez.
Ausardia eta dedikazioagatik, 1946an Croix de Guerrerekin kondekoratu zuten eta bigarren tenientearen maila lortu zuen. Hala ere, ohoreak ez ziren haren motibazioen parte: “Ni erresistentziaren borrokalaria nintzen, hori da dena! ""
Gerra amaitu ondoren, medikuntza ikasi eta erizain pediatriko bihurtu zen.
Simone Segouin nortasundun emakumea izan zen, inoiz ez zen ezkondu eta bere sei seme-alabei bere deitura eman zien. Beti egon zen adi gaurkotasunari eta politikari, "gazteak beren bizitzako garai honekiko axolagabeak ez zirela jakiteagatik pozik" agertu zen eta behin eta berriz esan zuen "beren iritziez harro egon behar dela". Gaur egun, bere bizitzako aldi hori oso urrun dagoela dirudien arren, Simone Segouinek hau aitortu zuen:
““Berriro egin beharko banu, berriro egingo nuke, ez bainaiz damutzen… Ez, ez naiz damutzen. *
Erreferentziak
aldatu- ↑ Proces Verbal de la Seance du Conseil Municipal du 12 Julliet 2011. Commune de Courville sur Eure 2011-12-07.
Kanpo estekak
aldatu- "La résistance : Simone Segoin". La résistance : Simone Segoin. Romain Deshailes 2009-05-21.: Simone Segoin". Romain Deshailes. 2009-05-21. 14 berreskuratua.
- "La jeune résistante armée de Chartres". Résistance Fondation, Frantz Malassis. La jeune résistante armée de Chartres. Fondation de la Résistance, Frantz Malassis. recuperado 14.
- "Paris - Liberation 1944ko abuztuan (koloretan eta HD)". YouTube/Youtube. Kodachrome George Stevensen "gerraren eguneroko bisuala" ren irudiak. Segouin 5:17an agertzen da.
Datuak: Q3484613
Multimedia: Simone Segouin / Q3484613