Udal

Udala estatuaren administrazio maila beherena da, udalerri bat administratzen duten pertsonen multzoa, alkateak eta zinegotziek osatua. Udalak oso txikiak direnean, biltzar bidezko funtzionamendua dute, kontzeju ireki izenekoa. Bere egoitzak udaletxe du izena.

Askotan, administrazio maila beherena da baina udal handien kasuan, badaude beheko banaketa administratiboak: auzoak, barrutiak, alkate-auzoak, eta abar.

Euskal Herrian

Euskal Herriko hainbat tokitan, bereziki ekialdeko euskalkiak mintzatzen diren lurraldeetan, udalari eta udaletxeari “herriko etxe” deritze, alkatea “auzapez” izendatzen da eta zinegotzia “hautetsi”.

Erronkaribarreko udalerrietan udalari "aiza bulgu" deitzen zaio, udala izendatzeko erronkarierazko hitza.

Kanpo estekak

• Datuak: Q6501447
• Multimedia: Local government / Q6501447

Artikulu hau politikari buruzko zirriborroa da. Wikipedia lagun dezakezu edukia osatuz.