Fenotipo

Inprimatzeko bertsioa dagoeneko ez dago onartuta, eta baliteke errepresentazio erroreak izatea. Egunera itzazu zure nabigatzaileko laster-markak, eta horren ordez erabil ezazu nabigatzaileko inprimatze funtzio lehenetsia.

Fenotipoa edozein organismoren ezaugarri behagarriak dira: morfologia, garapena, ezaugarri biokimiko edo fisiologikoak edo portaera. Fenotipoan organismoaren genotipoaren adierazpena eta ingurumen faktoreen eragina batzen da, bai eta bi horien arteko elkarrekintzak ere. Genotipo bera daukaten bi izaki bizidunek ez daukate zertan fenotipo bera eduki beharrik. Genotipoaren eta fenotipoaren arteko bereizketa hau Wilhelm Johannsenek proposatu zuen 1911n, organismoen herentzia genetikoa eta herentzia horrek ekoizten duena ez direla gauza bera nabarmentzeko^[1]^[2].

Fenotipoaren definizioak aski argia dirudien arren, baditu zenbait alde ezkutu. Esaterako, material genetikoaren kodetik eratorritako molekula eta egitura gehienak ezin dira ikusi organismoen itxuran, baina beste metodo batzuk erabiliz beha daitezke eta, beraz, fenotipotzat hartzen dira. Honen adibide dira gizakien odol taldeak. Beste batzuek portaera ere fenotipoaren barruan sartzen dute, hark ere genotipoaren eta ingurumen faktoreen eragina baitu.

*Biston betularia* morpha *typica*, urkiaren geometra sitsaren aldaera argi estandarra.

*Biston betularia* morpha *carbonaria*, urkiaren geometra iluna.

Fenotipoa ez da genotipo hutsaren emaitza; ingurumenak ere, gehiago edo gutxiago, eragina du hartan.

Erreferentziak

↑ Churchill F.B. 1974. William Johannsen and the genotype concept. J History of Biology 7, 5-30.
↑ Johannsen W. 1911. The genotype conception of heredity. American Naturalist 45, 129-159

Ikus, gainera

Genotipo

Kanpo estekak

Datuak: Q104053
Multimedia: Phenotypes / Q104053

[1] Churchill F.B. 1974. William Johannsen and the genotype concept. J History of Biology 7, 5-30.

[2] Johannsen W. 1911. The genotype conception of heredity. American Naturalist 45, 129-159

[1]

[2]