Gotthold Ephraim Lessing
Gotthold Ephraim Lessing (Kamnez, Saxonia, 1729 - Brunswick, 1781) alemaniar idazlea, kritikaria eta filosofoa izan zen. Frantses klasizismoaren joera eten zuen, eta alemaniar antzerkigintza klasikoari eman zion hasiera. Hala, bere garaiko joera estetikoa aldatu zuen eta Alemaniako estilista ospetsuenetakoa izan zen. Laokoon, oder über die Grenzen der Malerei und Poesie (1766, Laokoon, edo margolaritzaren eta poesiaren mugak) saiakera ospetsuagatik da batez ere ezaguna. Antzerki-lan aipagarriak ditu, besteak beste: Miss Sara Sampson (1755), lehen alemaniar tragedia burgesa) tragedia; Emilia Galotti (1772) tragedia; Minna von Barnhelm (1767), komedia. Nathan der Weise (1779, Natham jakintsua) draman, erlijio-ikuspegi zabal baten aldeko agertu zen. Bestelako filosofia-lanak: Das Christentum der Vernunft (1753, Arrazoiaren kristautasuna); Die Erziehung des Menschengeschlechts (1780, Gizakien hezkuntza).
Erreferentziak
 |
Wikimedia Commonsen badira fitxategi gehiago, gai hau dutenak: Gotthold Ephraim Lessing  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.