Location via proxy:   [ UP ]  
[Report a bug]   [Manage cookies]                
Edukira joan

Ashley Johnson

Gehitu loturak
Wikipedia, Entziklopedia askea

Ashley Suzanne Johnson (1983ko abuztuaren 9an jaioa) aktore estatubatuarra da. Haur aktore gisa ezaguna izan zen Growing Pains (1990–1992) sitcom-ean Chrissy Seaver pertsonaia antzezteagatik. Heldutan, The Killing-eko (2011-2012) Amber Ahmed eta Blindspot-eko (2015-2020) Patterson telesailetako pertsonaiak dira bere ezagunenetarikoak. Besteak beste, What Women Want (2000), Fast Food Nation (2006), The Help (2011), eta Mucho Ado About Nada (2012) filmetan agertu da, eta Dungeons & Dragons-en Critical Role (2015-egun) websailean paper bat antzezten du. Websailaren karitate saileko, Critical Role Fundation, presidente izendatu zuten 2020ean, sortua izan zenean. Horrez gain, The Avengers (2012) filmean kameo bat dauka.

Ahots aktore gisa, Johnson ezaguna da The Last of Us (2013), The Last of Us: Left Behind (2014) eta The Last of Us Part II (2020) ahotsa eta mugimendu-harrapaketa emateagatik. Telebistako pertsonaia animatuei ere ahotsa eman zien. Adibide esanguratsuenak Recess-eko (1997-2001) Gretchen Grundler, Teen Titans (2004-2006) eta Teen Titans Go!-ko (2013-egun) Terra, Super Robot Monkey Team Hyperforce Go!-ko (2004-2006) Jinmay, Ben 10 frankiziako (2008-2014) Gwen Tennyson, Teenage Mutant Ninja Turtles-eko (2012) Renet Tilley, Naruto: Shippuden-eko (2015) Shiseru, Infinity Train-eko (2019-2020) Tulip Olsen eta Lake, eta The Legend of Vox Machina-ko (2022-egun) Pike dira. Horrez gain, beste bideojoko batzuetan parte hartzen du, Tales from the Borderlands-eko (2014) Gortys eta Minecraft: Story Mode (2015-2016) eta bere sekuelako (2017).

Johnsonek bi BAFTA Games Awards for Permormer sari irabazi ditu The Last of Us eta The Last of Us: Left Behind-en izandako antzezpenengatik, saria behin baino gehiagotan irabazi izan duen pertsona bakarra izanez. Horrez gain, The Last of Us Part II-n izandako antzezpena gatik hainbat izendapen jaso zituen.

Bizitza goiztiarra

[aldatu | aldatu iturburu kodea]

Ashley Suzanne Johnson Camarillon (Kalifornia) jaio zen, 1983ko abuztuaren 9an,[1][2] bere gurasoak Nancy (né Spruiell) probetako pilotu[3] eta Cliff Johnson esplorazio-ontzi kapitania izanda.[4] Bi anai-arreba nagusi ditu: Chris eta Haylie, Johnny Lang abeslari eta musikariarekin ezkondu zena.[5] Aita hilabetetan urrun egoten zen maiz, eta Japonia bezalako herrialdeetako oroitzapenak ekartzen zituen.[4] Johnson jaio eta bederatzi egunera aitak lan berria hasi zuen, eta horregatik Franklinera (Michigan) mugitu behar izan zuten. Hemen urte batzuk igaro zituzten azkenean Los Angelesen finkatu zirenera arte.[4] Johnsonek Burbaneko eskolan ikasi zuen bere aktore-karrerak uzten zion bitartean, baina bestela grabaketetan ikasle pertsonal bat zeukan. Geroago, biolina eta pianoa ikasi zituen Glendaleko Nazioarteko Musika Eskolan.[4] 16 urte zituenean, C hepatitisak eta gibeleko eta biriketako minbiziak eragindako konplikazioen ondorioz hil zitzaion aita.[6][7] Johnsonek bizkarreko kortse bat behar zuen hiru urtez, eskoliosiaren eta zifosiaren ondorioz, eta horrek bigarren hezkuntzako urteetan eragin zion.[8]

Karrera

[aldatu | aldatu iturburu kodea]

Johnsonen karrera sei urte zituela hasi zen, 1990etik 1992ra Growing Pains sitcom-ean Chrissy Seaverren rola antzeztu zuenean. Pertsonaiaren adina denboraldien artean aldatu zuten argumentuaren eskaerengatik haur txiki batengandik. 12 urte zituenerako, zortzi telesailetan agertu izan zen Johnson. Gerora, Chrissyren papera The Growing Pains Movie eta Growing Pains: Return of the Seavers filmetarako berreskuratu zuen. Phenom (1993-1994) denboraldi bateko telesailean, gorantz zihoan tenis-izar nerabe baten ahizpa gazte maltzurraren papera antzeztu zuen. 1994ko All-American Girl sitcom-eam agertu zen, eta horrek ere denboraldi bat iraun zuen bakarrik. DJ-ren neskalagun larderiatsuaren papera antzeztu zuen Roseanne telesailaren "The Blaming of the Shrew" atalean. 1995-1996 bitartean ABC-ren Maybe This Time sitcom-ean Gracie Wallace izan zen. 2000ko komedia What Women Want-en Alex Marshall antzeztu zuen. 2008an Dirt telesai dramatikoaren pertsonaietako bat izan zen, Sharlee Cates. 2009an Johnson Joss Wheadonen Dollhouse telesailaren lehenengo denboraldiaren azkenengo atalean, "Omega", agertu zen.[9]

2012an, Beth bezala agertu zen The Avengers filmean (Whedonek zuzenduta hau ere), Amerika Kapitainak salbatutako zerbitzaria. Hasiera batean etorkizuneko pelikuletan agertuko zen berriro Steve Rogersen interes erromantiko berria bezala, baina hau bertan behera utzi zen Emily VanCampen Sharon Carter pertsonaiari sarrera emateko.[2]. Bere papera txikia zen arren, The Avengers-en Blu-ray edizioak ezabatutako eszena batzuk ditu, filmean bere papera zabaltzen dutenak eta Rogersekin elkarrekintzak jarraitzen dituztenak.[10][11] 2015etik 2020ra Johnsonek NBC-ko Blindspot telesailean FBI ajente Pattersonen papera antzeztu zuen.[12]

Ahots aktore gisa Johnsonen hainbat paper izan ditu: The First Snow of Winter filmaren ingeleserako bikoiztean Sean izan zen, Disney-ren Reccess-en Gretchen Grundler, Teen Titans-en bigarren eta bosgarren denboraldietan Terra, Super Robot Monkey Team Hyperforce Go!- Jinmay eta Ben 10 frankizian Gwen Tennyson.[1] Hala ere, bere paperik garrantzitsuena The Last of Us PlayStation-en akzio-abentura bideojokoaren Ellie izan zen, arrakasta komertzial eta kritikoa izan zena.[13] Best Performer-entzako BAFTA-k banatutako bideojokoen sari bat irabazi zuen aktuazio onenagatik, bai eta VGX sari bat eta D.I.C.E. sari bat bere paperagatik.[14] 2015eko martxoaren 12an, beste BAFTA bat irabazi zuen aktore onenaretzat jokoaren eduki deskargagarrian paper berdina egiteagatik, The Last of Us: Left Behind.[15] 2015ean, Mojang eta Telltale Games-en Minecraft: Story Mode jokoan Petra Gerlariari ahotsa eman zion. 2016an, Tulip Olseni ahotsa jarri zion Infinity Train telesailaren pilotuan, eta hemen jarraitu zuen 2019an, horrez gain Lake eta Stewardi ahotsak jarriz.[1]

2020ean Johnsonek Ellieren papera berreskuratu zuen The Last of Us Part II egiteko. Bere aktuazioagatik The Game Awards 2020-rako izendapena jaso zuen aktuazio onenagatik, bai eta 24th Annual D.I.C.E. Awards-en pertsonai baten lorpen azpimarragarriagatik eta 17th British Academy Awards-en protagonista baten aktuazio onenagatik.[16][17][18] Horrez gain, Ellieren ama, Anna, izan zen The Last of Us telesailaren moldaketan.[19] The Daily Beast-ek esan zuen, moldaketan izandako paperagatik, "10 minutu baino gutxiagoko denbora izanda, Johnsonek The Last of Us-en eszenarik onenetariko bat eman digu".[20]

Johnson Geek & Sundry kanalaren hainbat ataletan agertu da, hauen Spooked websailaren Morgan espezialistaren papera eginez, bai eta TableTop mahai-jokoen inguruan hitz egiten duen websailaren Alhambra eta Dead of Winter ataletan.[21][22] 2015ean Dungeons & Dragons-en Critical Role joku-programan Pike Trickfooten papera izan zuen, eta 2018an Yasha Nydoorinena programaren bigarren kanpainan.[23] Crtitical Role-k 2019ko "Jokoak (Bideosailak eta Kanalak)" Webby sariak lortu zituen Webby eta Pertsonen Ahotsaren kategorietan, eta Audientziaren Ohorearen Irabazle kategoriaren finalista izan zen 2019ko Shorty Awards-etan.[24][25] Arrakasta handia izan ondoren, Critical Role-ko taldeak Geek & Sundry utzi zuen bere ekoizpen konpainia propioa sortzeko 2019an.[26][27][28][29] Handik eta gutxira, Kickstarter-ren 750.000$ biltzeko saiakera bat egin zuten, baina azkenean 11 milioi dolar baino gehiago bildu zituzten.[30] 2019ko azaroan, Amazon Prime Video-k haien telesailaren eskubideak erosi zituela iragarri zuen, orain The Legend of Vox Machina deituz.[31] Hemen Johnsonek bere pertsonaia Pike Trickfootekin jarraitu zuen.[32] 2020ko amaieran Critical Role Fundation-eko presidente izendatu zuten, estudioaren karitate fundazioa.[33][34] 2021eko ekainean Exandria Unlimited telesai antologikoaren parte izango zela iragarri zen, Critical Role-n spinoff bat.[4][35][36] Hiru hilabete geroago Critical Role kanalaren The Nautilus Ark atalaren gamemaster-a izan zen. 2021eko urrian, Johnsonen Exandria Unlimited pertsonaia itzuli zen Critical Role-n hirugarren kanpainan.[37]

Johnsonek argazkilaritza enpresa bat sortu zuen, Infinity Pictures, bere haurtzaroko lagunik onenarekin, Mila Shah. Hau produkzio-laguntzailetan aritzen da, eta noizean behin aktore bezala. Nahiz eta aldaketarik ez egon hurrengo urteetan, 2022an oraidik erregistratua mantendu izan da.[38] Johson eta Shahk Wildly Hoy & Bothered deituriko podcast bat eraman zuten 2012 eta 2014 bitartean, 13 atal grabatuz.[39] 2015ean YouTube-ko minisail bat sortu zuten, Little Things, Los Angelesen bizitako bi lagunen inguruan eta hauen jarrera arraroek nola haien eguneroko bizitza okertzen duten. Saila ez zen 2018ra arte argitaratu.[40]

Bizitza pertsonala

[aldatu | aldatu iturburu kodea]

Critical Role-n lehenengo kanpaina une baterako proiektu bat bezala hasi zen telesailaren hasiera baino bi urte lehenago, Liam O'Briani haien urtebetetzean oparitutako Dungeons & Dragons-en sinplifikazio gisa.[41] Jokalariek hainbeste gozatu zuten partida non jokatzen jarraitu baitzuten beste lagun batzuk ekarriz, Johnson barne, bigarren partidarako batu zena.[41][42] Johnsonek Felicia Dayri partidaren inguruan hitz egin zion, eta honek streaming bitartez botatzeko proposatu zuen Greek & Sundry-rentzat.[43]

Johnsonek abesten gozatzen du, eta gitarra, pianoa, biolina eta txeloa jotzen daki. Noizbehinka abestien bertsioak bere SoundCloud kontura igotzen zituen 2012 amaierara arte.[44] The Last of Us Part II-rako bere antzezpenak gehitu ziren Pearl Jam-en "Future Days", A-ha-ren "Take On Me", New Order-en "True Faith" eta Shawn James-en "Trough the Valley" abestien bertsioekin.[45] Troy Bakerrekin batera (Ellie eta Joel pertsonaiak bezala) Johnny Cashen "Wayfaring Stranger" abestiaren bertsioa grabatu zuen jokoaren bukaerako kredituetan jotzeko.[46] Geroago, Critical Role-n "Your Turn to Roll" eta "It's Jueves Night" abestietarako ahotsak eskaini zituen.[47][48]

2012an Johnson Brian W. Foster idazle eta musikariarekin ateratzen hasi zen, zeina Critical Role sailaren osteko saila Talks Machina aurkezten hasi zen.[49] Troy Bakerrek aurkeztu zion Foster The Last of Us-en lan egiten ari zirela, biak pisukideak baitziren.[50] Bikoteak 2018ko abenduan iragarri zuen konpromisoa.[51][52] 2023ko maiatzean, Johnson Fosterrengandik banandu eta haren aurkako murrizketa agindua aurkeztu zuela jakinarazi zuten, abusuak eta mehatxuak aipatuz.[53][54] Fosterren bideo eta aipamen guztiak Critical Role-n profiletatik ezabatu ziren.[55] 2023ko urrian Johnsonek eta beste sei emakumek (bere arreba eta Critical Role-ko bi langile barne) salaketa aurkeztu zuten Fosterren aurka, erasoa, etxeko indarkeria, genero indarkeria, eraso sexuala, zelatatzea, eskubide zibilen urraketak eta nahita eragindako sufrimendu emozionala argudiatuta.[56][57][58]

Filmografia

[aldatu | aldatu iturburu kodea]

Filmak

[aldatu | aldatu iturburu kodea]
Urtea Izenburua Papera Oharrak
1990 Lionheart Nicole Gaultier
1995 Nine Months Shannon Dwyer
1998 Dancer, Texas Pop. 81 Josie Hemphill
The First Snow of Winter Sean McDuck (ahotsa) Bikoizketa ingelesez; film laburra
1999 Anywhere but Here Sarah
2000 What Women Want Alex Marshall
2001 Reccess: School's Out Gretchen Grundler (ahotsa) [59]
Reccess Christmas Gretchen Grundler (ahotsa) Zuzenean bideora
Rustin Lee Wolford[60]
2003 The Failures Lilly Kyle
Reccess: All Growned Down Gretchen Grundler (ahotsa) Zuzenean bideora[59]
Reccess: Taking the Fifth Grade Gretchen Grundler (ahotsa) Zuzenean bideora[59]
2004 Killer Diller Angie
King of the Corner Elena Spivak
2005 Nearing Grace Mernaren errautsak
2006 Fast Food Nation Anbarra
Grad Night Ikaslea
2007 The Brothers Solomon Patricia
2008 Columbus Day Alana
Otis Riley Lawson
2009 Spread Eba
2011 The Help Mary Beth Caldwell
2012 The Avengers Beth
Much Ado About Nothing Margaret
2015 When Marnie Was There Emily, Miyoko (ahotsa) Bikoizketa ingelesa
2016 Punching Henry Danielle
2018 All You Can Eat Liza

Telebista

[aldatu | aldatu iturburu kodea]
Urtea Izenburua Papera Oharrak Ref.
1990–1992 Growing Pains Chrissy Seaver Funtzio nagusia (6-7 denboraldiak)
1992 Kids Incorporated Neska audientzian Kreditu gabe; atala: "The Boy of La Mancha"
1993 Men Don't Tell Cindy Telebistako filma
The Town Santa Forgot Biloba (ahotsa) Telebistako saio berezia
Timmy's Special Delivery: A Precious Moments Christmas Holly, ahots gehigarriak Telebistako saio berezia
1993–1994 Phenom Mary Margaret Doolan Paper nagusia
1994 All-American Girl Casey Emmerson Paper nagusia
1995 Annie: A Royal Adventure! Annie Warbucks Telebistako filma
Roseanne Lisa Atala: "Matxinadaren errua"
What a Cartoon! Mina (ahotsa) Atala: "The Blaming of the Shrew" [59]
1995–1996 Maybe This Time Gracie Wallace Paper nagusia
1996–1999 Jumanji Peter Shepherd (ahotsa) 40 atal
1997 Moloney Kate Moloney 3 atal
Wings Sarrioa Atala: "Mrs. Write"
1997–2001 Reccess Gretchen Grundler (ahotsa) 129 atal
1998 ER Dana Ellis 2 atal
Kelly Kelly Maureen Kelly Paper nagusia
2000 The Growing Pains Movie Chrissy Seaver Telebistako filma
2001 What About Joan Jody Bradford Atala: "It's a Mad, Mad, Mad Joan"
2002 Ally McBeal Serena Feldman Atala: "Heart and Soul"
The Guardian Betsy Fortunato Atala: "Sacrifice"
Lloyd in Space Bioleta (ahotsa) 4 atal
Providence Daphne Wallace 3 atal
Roswell Eileen Burrows 2 atal
Touched by an Angel Natalie Tate Atala: "Bring On the Rain"
2003–2004 Married to the Kellys Shari 2 atal
2004 Growing Pains: Return of the Seaver Chrissy Seaver Telebistako filma
2004–2006 Super Robot Monkey Team Hyperforce Go! Jinmay (ahotsa) 12 atal [59]
Teen Titans Terra (ahotsa) 7 atal [59]
2004–2010 King of the Hill Emily, Jamie (ahotsa) 7 atal
2005 The X's Kimla (ahotsa)
2006 Lilo & Stitch: The Series Gretchen Grundler (ahotsa) Atala: "Lax"
2007 Heartland Rebecca Colton Atala: "Mother & Child Reunion"
Monk Susie the Maid Atala: "Mr. Monk Is at Your Service"
2007, 2014 CSI: Crime Scene Investigation Dreama Little, Brothel Girl 2 atal
2008 Dirt Sharlee Cates Paper errepikaria (2. denboraldia)
The Mentalist Clara Tennant Atala: "Seeing Red"
The Middleman Eleanor Draper Atala: "The Ectoplasmic Panhellenic Investigation"
Raising the Bar Elise Denton Atala: "Hang Time"
2008–2010 Ben 10: Alien Force Gwen Tennyson, ahots gehigarriak 45 atal [59]
2009 Cold Case Graces Stearns (1966) Atala: "The Crossing"
Dollhouse Wendy, Caroline, Hayden Leeds 2 atal
2010 Funny or Die Presents Emaztegaia 1. atala
Lie to Me Balerie Atala: "Beat the Devil"
2010–2018 Drunk History Beste batzuk 3 atal
2010–2012 Ben 10: Ultimate Alien Gwen Tennyson, ahots gehigarriak 52 atal [59]
2011 In Plain Sight Sarah Collins, Sarah Peterschwim Atala: "Something A-mish"
2011–2012 The Killing Amber Ahmed Paper errepikaria (1. denboraldia); gonbidatu berezia (2. denboraldia)
2011–2013 Pound Puppies Amelia, Toyo, Gina, Giblet, Haur #1 (voice) 6 atal
2012 Drop Dead Diva Veronica Kramer Atala: "Road Trip"
Private Practice Kelly Atala: "The Time Has Come"
2012–2014 Ben 10 Omniverse Gwen Tennyson, ahots gehigarriak 21 atal [59]
2013 Masters of Sex Flora-bankuak Atala: "Fallout"
2013–2019 Teen Titans Go! Terra (ahotsa) 6 atal [59]
2014 Garfunkel and Oates Jane Atala: "Speechless"
2015 Naruto: Shippuden Shiseru (ahotsa) Bikoizketa ingelesez; 6 atal [61]
Stalker Stephanie Beekman Atala: "My hero"
2015–2017 Teenage Mutante Ninja Turtles Renet (ahotsa) 6 kapitulu [59]
2015–2020 Blindspot Patterson Paper nagusia
2019–2020 Infinity Train Tulip Olsen, Mirror Tulip / Lake, Steward (ahotsa) 20 atal [59]
2021 Close Enough Kristen (ahotsa) Atala: "Where'd you go, Bridgette?"
Family Guy Lisa (ahotsa) Atala: "Customer of the Week"
2022–egun The Legend of Vox Machina Pike Trickfoot (ahotsa) Paper nagusia; ekoizle exekutiboa [62][63][59]
2023 The Last of Us Anna Atala: "Look for the Light" [64]
TBA Among Us Purpura (ahotsa) [65]
TBA Mighty Nein Yasha Nydoorin (ahotsa Ekoizpenean [66]

Bideojokoak

[aldatu | aldatu iturburu kodea]
Urtea Izenburua Papera Oharrak
2005 Teen Titans Terra [59]
2008 Ben 10: Alien Force Gwen Tennyson [59]
2009 Ben 10: Alien Force: Vilgax Attacks Gwen Tennyson [59]
2010 Ben 10 Alien Force: The Rise of Hex Gwen Tennyson
Ben 10 Ultimate Alien: Cosmic Destruction Gwen Tennyson
2011 Cartoon Network: Punch Time Explosion Gwen Tennyson
2013 Marvel Heroes Emakume berria / Gwen Stacy Kreditu Gabe
The Last of Us Ellie Ahotsa eta mugimendua.[59] VGX, BAFTA Games eta D.I.C.E. sariak
2014 The Last of Us: Left Behind Ellie BAFTA saria
Infamous First Light Jenny [59]
Tales from the Borderlands Gortys, Hyperion System "Hyperion System" "ahots gehigarri" gisa izendatzen da
Final Fantasy Explorers Ahots gehigarriak Ingelesezko bertsioa
2015 Skylanders: SuperChargers Gadfly Glades bildumagilea / ahots gehigarriak
Lego Dimensions Terra Kreditu gabeak
Minecraft: Story Mode Petra [59]
2016 The Witness Ahots gehigarriak
Lego Marvel's Avengers Beth Zerbitzaria
2017 Minecraft: Story Mode - Season Two Petra [59]
2018 Pillars of Eternity II: Deadfire Narratzailea, Pike Trickfoot, Ydwin DLC paper kritikoa[67][68]
2020 The Last of Us Part II Ellie Ahotsa eta mugimendua. The Game Awards, BAFTA eta D.I.C.E. sarietarako izendatua
2023 Stray Gods: The Roleplaying Musical Kalliope [69]

Websailak

[aldatu | aldatu iturburu kodea]
Urtea Izenburua Funtzioa Oharrak
2013–2015 Tabletop Bera 2 atal
2015–egun Critical Role Pike Trickfoot (1. kanpaina)

Yasha Nydoorin (2. kanpaina) Fearne Calloway eta Trist (3. kanpaina)

Talde nagusia[70][71]
2020 Animal Talking with Gary Whitta Bera (ahotsa) 1. atala[72]
2021 Exandria Unlimited Fearne Calloway 8 atal[4][35][36]
2023 Candela Obscura Auggie James 3 atal[73][74]

Audio-liburuak

[aldatu | aldatu iturburu kodea]
Urtea Izenburua Papera Oharrak
2022 Critical Role: The Mighty Nein - The Nine Eyes of Lucien Yasha Nydoorin [75]

Erreferentziak

[aldatu | aldatu iturburu kodea]
  1. ↑ a b c Behind The Voice Actors. .
  2. ↑ a b (Ingelesez) «Former ‘Growing Pains’ child star has small-but-important ‘Avengers’ role» Yahoo Entertainment 2012-05-04 (Noiz kontsultatua: 2024-11-24).
  3. ↑ Suzanne, Ashley. (2012-06-25). «Ashley Suzanne: Saint Barts Family Vacation! (Our Way-More-Fancy-Than-We-Usually-Take-Vacation Vacation)» Ashley Suzanne (Noiz kontsultatua: 2024-11-24).
  4. ↑ a b c d e f «Between the Sheets: Ashley Johnson - YouTube» web.archive.org 2022-04-24 (Noiz kontsultatua: 2024-11-24). Aipuaren errorea: Invalid <ref> tag; name ":0" defined multiple times with different content
  5. ↑ Knopper, Steve. (March 7, 2013). «Jonny Lang: No looking back for blues guitarist» chicagotribune.com.
  6. ↑ «Local actress has far outgrown her 'Growing Pains' start» www.vcstar.com.
  7. ↑ «Jonny Lang: Finding Peace in Amazing Grace» CBN.com – The Christian Broadcasting Network October 17, 2013.
  8. ↑ Marshman, Liz. (2020). The World of Critical Role. Ten Speed Press, 27-108 or. ISBN 9780593157435..
  9. ↑ (Ingelesez) «Ashley Johnson | Actress, Producer, Soundtrack» IMDb (Noiz kontsultatua: 2024-11-24).
  10. ↑ «Former 'Growing Pains' child star has small-but-important 'Avengers' role» Movies.yahoo.com May 4, 2012.
  11. ↑ «The Avengers deleted scene sees Captain America as a man out of time» Flickeringmyth.com August 30, 2012.
  12. ↑ Petski, Denise. (March 10, 2015). «Rachel DiPillo To Star In NBC Pilot 'Cuckoo'; Ashley Johnson Joins 'Blindspot'» Deadline Hollywood.
  13. ↑ Hussain, Tamoor. (June 5, 2013). «The Last of Us review round-up: 'Easily Naughty Dog's finest moment'» Computer and Video Games (Future plc).
  14. ↑ «2014 Awards Category Detail Outstanding Character Performance» interactive.org (Academy of Interactive Arts & Sciences).
  15. ↑ Harradence, Michael. (March 13, 2015). «The Last of Us voice actress Ashley Johnson's BAFTA speech in full» Psu.com.
  16. ↑ Stedman, Alex. (December 10, 2020). «The Game Awards 2020: Complete Winners List» Variety (Penske Media Corporation).
  17. ↑ «2021 Awards Category Details Outstanding Achievement in Character» interactive.org (Academy of Interactive Arts & Sciences).
  18. ↑ 2020 BAFTA Games Awards: The Nominations. BAFTA March 3, 2020.
  19. ↑ (Ingelesez) Simons, Roxy. (January 15, 2023). «'The Last of Us' boss teases Troy Baker, Ashley Johnson's roles in HBO show» Newsweek.
  20. ↑ O’Connor, Shannon. (March 13, 2023). «The Last of Us Season Finale: Big Little Lies» The Daily Beast.
  21. ↑ «Alhambra: Ashley Johnson, Shane Nickerson, and Dodger Leigh Join Wil on TableTop, episode 17» Geek and Sundry January 3, 2013.
  22. ↑ «TableTop: Dead of Winter» Geek and Sundry February 19, 2015.
  23. ↑ (Ingelesez) Duncan, Emily A.. (March 9, 2021). «An Introduction to Critical Role: Prepare Your Emotions» Tor.com.
  24. ↑ Critical Role. The Webby Awards.
  25. ↑ «Critical Role – The Shorty Awards» ShortyAwards.com.
  26. ↑ (Ingelesez) «Why Critical Role's D&D Streams Are So Popular» Screen Rant September 12, 2020.
  27. ↑ Hoffer, Christian. (June 18, 2018). «Critical Role Teases New Content With Opening of New Studio, Twitch and Youtube Channel» ComicBook.com.
  28. ↑ (Ingelesez) Phillips, Jevon. (November 6, 2019). «They started out playing Dungeons & Dragons. Now they're coming to Amazon Prime» Los Angeles Times.
  29. ↑ (Ingelesez) Whitten, Sarah. (March 14, 2020). «How Critical Role helped spark a Dungeons & Dragons renaissance» CNBC.
  30. ↑ (Ingelesez) Whitten, Sarah. (April 19, 2019). «'Dungeons and Dragons' Kickstarter breaks record with $11.3 million campaign» CNBC.
  31. ↑ Spangler, Todd. (November 5, 2019). «Amazon Orders Two Seasons of Critical Role's Animated D&D Series» Variety.
  32. ↑ (Ingelesez) Burton, Bonnie. (March 7, 2019). «New Dungeons & Dragons animated series breaks Kickstarter record» CNET.
  33. ↑ «Critical Role Foundation Information Page» Critical Role – Foundation September 24, 2020.
  34. ↑ (Ingelesez) Puc, Samantha. (September 24, 2020). «Critical Role Announces 501(c)(3) Nonprofit Foundation» CBR.
  35. ↑ a b (Ingelesez) King, Chris. (June 10, 2021). «Critical Role's next campaign launches this month with a new Dungeon Master» Polygon. Aipuaren errorea: Invalid <ref> tag; name ":02" defined multiple times with different content
  36. ↑ a b (Ingelesez) «Critical Role's next show is Exandria Unlimited» VentureBeat June 10, 2021. Aipuaren errorea: Invalid <ref> tag; name ":1" defined multiple times with different content
  37. ↑ (Ingelesez) «Critical Role's New Campaign Features Some Surprising Characters» ComicBook.com October 23, 2021.
  38. ↑ «Infinity Pictures, Inc.» opencorporates.com.
  39. ↑ «Wildly Hot & Bothered | a podcast by Ashley Johnson and Mila Shah» mazandthegoodgirl.podbean.com.
  40. ↑ «Little Things – YouTube» YouTube.
  41. ↑ a b Furniss, Zack. (February 26, 2016). «Inside Critical Role: The Live D&D show led by voices you might recognize» Destructoid.
  42. ↑ Gallagher, Brian. (August 2016). «Critical Role Cast Talk D&D, World Building & Stranger Things» MovieWeb.
  43. ↑ Burlingame, Russ. (September 29, 2016). «With Critical Role, Geek & Sundry Score A Hit By Bringing Friends Together For D&D» ComicBook.
  44. ↑ «AshleySuzanne» SoundCloud.
  45. ↑ (Ingelesez) Beresford, Trilby. (June 19, 2020). «Becoming Ellie: Ashley Johnson Navigates Grief and Guilt in 'The Last of Us Part II'» The Hollywood Reporter.
  46. ↑ «Ellie & Joel - Wayfaring Stranger (from The Last of Us Part II) - YouTube» web.archive.org 2021-05-18 (Noiz kontsultatua: 2024-11-24).
  47. ↑ Critical Role. (2019-03-26). The Making of "Your Turn to Roll" | The Legend of Vox Machina. (Noiz kontsultatua: 2024-11-24).
  48. ↑ Critical Role. (2021-12-10). Campaign 3 Opening Title 2021 | It’s Thursday Night (Critical Role Theme). (Noiz kontsultatua: 2024-11-24).
  49. ↑ «Brian W. Foster on Instagram» Instagram October 22, 2015.
  50. ↑ Marshman, Liz. (2020). The World of Critical Role. Ten Speed Press, 27-108 or. ISBN 9780593157435..
  51. ↑ «Ashley Johnson on Instagram» Instagram December 17, 2018.
  52. ↑ Mason, Aiden. (2018). «10 Things You didn't Know about Ashley Johnson» www.tvovermind.com.
  53. ↑ (Ingelesez) Segarra, Edward. (May 23, 2023). «'The Last of Us' actress Ashley Johnson files restraining order against ex-boyfriend» USA Today.
  54. ↑ (Ingelesez) Panella, Chris; Teh, Cheryl. (May 23, 2023). «'The Last of Us' and 'Critical Role' star Ashley Johnson filed a restraining order against her ex-boyfriend, saying she's endured 'many acts of terror' over years of abuse» Insider.
  55. ↑ (Ingelesez) Smith, Ed. (May 23, 2023). «The Last of Us star files domestic violence order against ex-boyfriend» PCGamesN.
  56. ↑ (Ingelesez) White, Abbey. (October 6, 2023). «'The Last of Us' Star Ashley Johnson and Six Other Women Allege Sexual, Physical Abuse by Brian Foster» The Hollywood Reporter.
  57. ↑ (Ingelesez) Hoffer, Christian. (October 4, 2023). «The Last of Us Star Ashley Johnson and Six Others Sue Brian W. Foster for Abuse» ComicBook.com.
  58. ↑ (Ingelesez) Vary, Adam B.. (October 6, 2023). «'Critical Role' Star Ashley Johnson, Six Other Women Allege Physical and Verbal Abuse By Brian Foster» Variety.
  59. ↑ a b c d e f g h i j k l m n o p q r s t Ashley Johnson (visual voices guide). Behind The Voice Actors. A green check mark indicates that a role has been confirmed using a screenshot (or collage of screenshots) of a title's list of voice actors and their respective characters found in its credits or other reliable sources of information. Aipuaren errorea: Invalid <ref> tag; name "btva2" defined multiple times with different content
  60. ↑ Koehler, Robert. (July 17, 2001). «Rustin (review)» Variety.
  61. ↑ «"Naruto Shippuden Set 23": The Allure of Power» ToonZone.com January 19, 2016.
  62. ↑ (Ingelesez) Spangler, Todd. (October 8, 2021). «Critical Role's 'Legend of Vox Machina' Series Premiere Date Set on Amazon Prime Video» Variety.
  63. ↑ (Ingelesez) «WATCH: Critical Role Performs a Scene from The Legend of Vox Machina» CBR October 8, 2021.
  64. ↑ (Ingelesez) «The Last Of Us season 1 comes to a shattering conclusion» The A.V. Club March 13, 2023.
  65. ↑ (Ingelesez) Otterson, Joe. (2024-03-15). «'Among Us' Animated Series Casts Randall Park, Yvette Nicole Brown, Elijah Wood, Ashley Johnson» Variety.
  66. ↑ (Ingelesez) Romano, Nick. (August 22, 2024). «'The Legend of Vox Machina' first look: 'Season 3 is going to leave a mark' (exclusive)» Entertainment Weekly.
  67. ↑ «Obsidian sur Twitter : "Oh hello @CriticalRole cast. And welcome to #Deadfire! #CriticalRole + #Deadfire… "» web.archive.org 2021-05-20 (Noiz kontsultatua: 2024-11-24).
  68. ↑ Sawyer, Josh. (May 8, 2018). Pillars of Eternity II: Deadfire. .
  69. ↑ Hunt, Aimee. (April 13, 2023). «Stray Gods: The Roleplaying Musical reveals star-studded cast - Gayming Magazine» Gayming Magazine.
  70. ↑ Knox, Kelly. (January 16, 2018). «Your First Look at the Official Art for the Second Critical Role Campaign» Geek & Sundry.
  71. ↑ «Check Out Matt Mercer's New D&D Show | Force Grey: Giant Hunters» Geek and Sundry July 11, 2016.
  72. ↑ «Animal Talking - Selena Gomez, Cory Barlog, Laura Bailey, Ashley Johnson, Shannon Woodward! (S02E07) - YouTube» web.archive.org 2021-08-04 (Noiz kontsultatua: 2024-11-24).
  73. ↑ (Ingelesez) Codega, Linda. (May 9, 2023). «Critical Role Teases a Spooky New Game—and a New System, Too» Gizmodo.
  74. ↑ (Ingelesez) «Hype! Candela Obscura – Our New Horror Ttrpg Show Premieres May 25th!» Critical Role May 9, 2023.
  75. ↑ (Ingelesez) McCauley, Tara. (2022-09-28). «Critical Role Cast Reprise Their Mighty Nein Roles for New Audiobook» CBR.
"https://eu.wikipedia.org/w/index.php?title=Ashley_Johnson&oldid=9979027"(e)tik eskuratuta