Espainiako geografia

Espainiako geografiak estatuaren azalera aztertzen du, batez ere orografia, hidrografia eta klimatologia.

Hego-mendebaldeko Europan kokatua dagoen Iberiar penintsula gehiengoa hartzen du, baita ere bi uhartedi (Kanariak eta Balearrak), bi hiri (Zeuta eta Melilla) eta Afrika iparraldeko hainbat uhartetxo (Chafarinak, Alhucemetako haitza, Vélez de la Gomera haitza eta Perejil uhartea).

Europako laugarren estatua luze-zabalena da Errusia, Ukraina eta Frantziaren atzetik, eta Europar Batasuneko bigarrena.

Mugak

Espainiako muga fisikoak hauek dira: mendebaldean Portugal eta Ozeano Atlantikoa, ekialdean Mediterraneoa, hegoaldean Gibraltarko itsasartea eta Maroko eta iparraldean Pirinioak eta Bizkaiko golkoa.

Lehorreko mugak 1.920 km. luze dira:

Portugal ( 1.214 km.)
Frantzia ( 623 km.)
Andorra ( 65 km.)
Maroko ( 15,9 km.)
Gibraltar ( 1,2 km.)

Orografia

Sakontzeko, irakurri: «Espainiako mendien zerrenda»

Azaleraren gehiengoa goi ordokiak hartzen du (gaztelaniaz meseta), estatuaren erdialdean kokatua eta mendilerroz inguratua. Espainia penintsularreko mendi garaiena Mulhacen da ( 3482 m.) hegoaldean kokatua Sierra Nevada mendilerroan. Estatu osoa hartzen baldin badugu kontuan, ordea, mendi garaiena Teide da ( 3718 m.), Tenerifen kokaturik dagoena. Kostaldean, iparraldean bereziki, ibarrak estuak eta laburrak dira, mendi arteko ibaiak direlako. Ordoki edo lur lauak hegoaldean daude batez ere, Guadalquivir ibaiaren inguruan.

Espainiako mendilerroak:

- Sierra Nevada
- Kantauriar mendilerroa (Europako Mendiak) (2.648 m.)
- Cordillera Ibérica
- Sierra Morena
- Sistema Central
- Sierra de Ayllón
- Somosierra
- Sierra del Guadarrama
- Gredos
- Sierra de Béjar
- Peña de Francia
- Sierra de Gata
- Montes de Toledo
- Macizo Galaico
- Sierra de la Demanda

- Cebollera
- Picos de Urbión
- Moncayo (2.313 m.)
- Sierra de Albarracín
- Montañas de Cuenca
- Maestrazgo (2.024 m.)
- Sierra Madrona (1.323 m.)
- Despeñaperros
- Pirinioak : Aneto (3.404 m.), Posets (3.375 m.), Estats (3.115 m.)
- Mendilerro Betikoa
- Cordillera Penibética
- Cordillera Subbética
- Sierra de Grazalema
- Sierra de Cazorla
- Sierra de Segura (1.967 m.)

Balearrak :
- Mallorca : Serra de Tramuntana ; Serras de Levant
Kanariak :
- Tenerife : Teide (3.718 m.)
- La Palma : Roque de los Muchachos (2.456 m.)
- Kanaria Handia : Pico del Pozo de las Nieves (1.800 m.)

Kostaldea

Espainiako alde penintsularrak 3.167 kilometroko ertzea du. Portugalek dituen 956 gehituta, Iberiar penintsulakoak lortzen dira. Kostaldeak hiru itsasoek sortua da: