Gojira

Gojira
	Gojira 2006an, Finlandiako Tuska Open Air Metal Festivalen.
Datuak
Jatorria	Baiona aldea ( Lapurdi),; Ondres (Landak, Okzitania)
Musika mota	death metal; metal progresiboa
Urteak	1996tik
Produkzioa
Diskoetxea(k)	Listenable Records; Mon Slip (diskoetxe independentea)
Taldekideak
	Joseph (Joe) Duplantier (kantaria, gitarra); Mario Duplantier (bateria); Christian Andreu (gitarra); Jean-Michel Labadie (baxua)
Lehengo taldekideak
	Alex Cornillon (baxua)
Informazio gehigarria
	www.gojira-music.com

Ez nahasi Godzillarekin.

Gojira death metal progresiboa egiten duen musika talde bat da, 1996an sortua eta Baiona^[1] inguruko herri batzuetako kideek osatua. Ingelesez kantatzen dute.

Musika estilo horren barruan nazioartean ospe handia lortu du. 2017ko Grammy Sarietarako izendatu zuten, eta 2024ko Udako Olinpiar Jokoetako hasiera ekitaldian jo zuten.

Ezaugarriak

Gojiraren hitzetako gaiak bizitza eta heriotza, espiritualtasuna eta ingurumenaren babesa dira. Natura eta amalurraren alde taldekideek duten interesa^[2] jaio diren ingurumen eta kostaldean inspiratuta dago.

Taldearen izena Godzillaren japonierazko bertsioa da; taldearen lehen izena Godzilla bera izan zen, baina eskubide arazoak zirela kausa 1999an aldatu behar izan zuten.^[3] Bere musikak Morbid Angel, Tool, Meshuggah eta Death taldeek egiten dutenarekin antzekotasuna du.

Historia

Gojira Baiona-Ondres inguruan sortu zen 1996an.

Joseph eta Mario Duplantier Empalot taldean ere aritzen dira baina hau geldirik dago 2003tik. Joseph Joek beste talde batzuekin (Manimal, Klone, Apocalyptica) kolaboratu du eta Cavalera anaiek (Sepultura, Soulfly) duten Cavalera Conspiracy proiektuan ere bai.

2003ko The Link diskoarekin Europan zehar ezagunak izaten hasi ziren eta azken urteotan metalaren munduan duen ospea izugarri handitu da; The Way of All Flesh beren azken diskoa, From Mars to Sirius aurrekoa eta The Link Alive DVDarekin Ipar Amerikarako jauzia eman dute. Jaialdi eta bira garrantzitsu batzuetan esku hartu dute:

Download Festival Parisko Bercyn 2006ko azaroaren 7an. Unholy Alliance Tour biraren barruan, non talde nagusia Slayer zen eta frantses estatuan zehar ehun kontzertu baino gehiago eta Ingalaterran urrian bira eman eta gero.
2007ko apirilean AEB eta Kanadan kontzertu sorta luzea eman zuen Lamb Of God, Machine Head eta Trivium taldeekin.
AEBetan 2007ko urriaren 18tik azaroaren 18 arte Radio Rebellion Tour biran ere parte hartu zuen Job for a Cowboy, Behemoth eta Beneath the Massacre taldeekin.
2008ko abuztuaren 14an Metallica taldearen aurrean jo zuten estrainekoz Arrasen (Pas-de-Calais). Kaliforniarrek Gojira 2009ko irail-urrietan AEB eta Quebecen egin zuten biran parte hartzera gonbidatu zuten, Lamb of Godekin batera.

2010ari dagokionez, Alemaniako Wacken Open Air^[4] jaialdi mitikoan abuztuan eta Schlettstadteko (Alsazia) Lez'arts sceniques uztailaren 30ean egon dira. Euskal Herria Zuzenean^[5] ere aritzekoak ziren Heletan baina eguraldia dela medio egun horretako jaialdia bertan behera geratu zen.

Azken urteetan nazioartean sona handia hartu du. 2016ko abuztuan BBC Radio 1 hedabiderako The Shooting Star abestia grabatu zuten,^[6] eta 2017ko Grammy Sarietarako izendatu zuten Gojira bi ataleta: metal abestirik onena (Silvera kantua) eta rock diskorik onena (Magma).^[7] 2024ko uztailean, 2024ko Parisko Olinpiar Jokoak irekitzeko ekitaldian jo zuten.^[8]

Taldekideak

Oraingoak

Kide-ohia

Alexandre Cornillon – Baxua.

Lanak

Diskografia

Victim, 1996. 4 kantako EPa.
Possessed, 1997. 5 kantako EPa.
Saturate, 1999. 4 kantako EPa.
Wisdom Comes, 2000. 7 kantako EPa.
Terra Incognita, 2001. 14 kanta.
The Link, 2003. 11 kanta.
The Link Alive, 2004. Zuzenean grabatuta, 14 kanta.
From Mars To Sirius, 2005. 12 kanta.
The Way of All Flesh, 2008. 12 kanta. Taldearen nortasuna mantentzen bada ere, metal estatubatuarraren eragina du
L'Enfant Sauvage 2012. 11 kanta. 2 zuzeneko bonus track edizio berezian.
Magma 2016. Grammy Sarietarako izendatua.
Fortitude, 2021.

Bideo musikalak

Bost bideo musikal eginak dituzte 2010erako:

Deliverance (1999), Saturate demotik aterata eta The Link Alive DVDan dagoena.
Love (2001), Terra Incognita diskotik eta DVD berean dagoena.
To Sirius (2005), From Mars to Sirius diskotik.
Vacuity (2008), The Way of All Flesh diskotik.
All the tears (2009), The Way of All Flesh diskotik.
Live at Les Eurockéennes 2009, L'Enfant Sauvage diskotik.

Erreferentziak

↑ Taldeak berak kokalekutzat Lapurdiko hiriburua aipatzen du; ikus taldearen webgunea MySpacen. Beste batzuetan "Hego Landetakoak" direla aipatzen da.
↑ Elkarrizketa Joe Duplantierri.
↑ The Gauntlet. Gojira Biography. .
↑ Gojira jaialdiaren webgunean.
↑ EHZren webgunea.
↑ «Gojira BBC Radio1 Rock Show» Metal Euskadi 2016-11-20.
↑ «Gojira lapurtarrak Grammyetarako bi izendapen lortu ditu» Naiz.eus 2016-12-14.
↑ (Gaztelaniaz) «Conoce a Gojira, la banda metalera que tocó en la inauguración de París 2024» CNN 2024-07-26 (Noiz kontsultatua: 2024-07-29).

Ikus, gainera

Kanpo estekak

(Ingelesez) (Frantsesez) Webgune ofiziala.
(Ingelesez) Taldea MySpacen.
(Ingelesez) Elkarrizketa Metalstorm webgunean.
(Gaztelaniaz) Gojira Friki.neten.

Datuak: Q1011412
Multimedia: Gojira / Q1011412

[1] Taldeak berak kokalekutzat Lapurdiko hiriburua aipatzen du; ikus taldearen webgunea MySpacen. Beste batzuetan "Hego Landetakoak" direla aipatzen da.

[2] Elkarrizketa Joe Duplantierri.

[TGGB-3] The Gauntlet. Gojira Biography. .

[4] Gojira jaialdiaren webgunean.

[5] EHZren webgunea.

[6] «Gojira BBC Radio1 Rock Show» Metal Euskadi 2016-11-20.

[7] «Gojira lapurtarrak Grammyetarako bi izendapen lortu ditu» Naiz.eus 2016-12-14.

[8] (Gaztelaniaz) «Conoce a Gojira, la banda metalera que tocó en la inauguración de París 2024» CNN 2024-07-26 (Noiz kontsultatua: 2024-07-29).

[1]

[2]

[3]

[4]

[5]

[6]

[7]

[8]