Mycena arcangeliana
| Mycena arcangeliana | ||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||||||||
| Sailkapen zientifikoa | ||||||||||||||||||||||||||||
| Erreinua | Fungi | |||||||||||||||||||||||||||
| Klasea | Agaricomycetes | |||||||||||||||||||||||||||
| Ordena | Agaricales | |||||||||||||||||||||||||||
| Familia | Mycenaceae | |||||||||||||||||||||||||||
| Generoa | Mycena | |||||||||||||||||||||||||||
| Espeziea | Mycena arcangeliana Bres., 1904 | |||||||||||||||||||||||||||
| Mikologia | ||||||||||||||||||||||||||||
| ||||||||||||||||||||||||||||
Mycena arcangeliana Mycenaceae familiako onddo espezie bat da.[1] Zapore meleka gordinik. Bere usainak ez du kontsumitzera gonbidatzen.
Sinonimoa: Mycena oortiana.
Deskribapena
[aldatu | aldatu iturburu kodea]Kapela: 1 eta 2,5 cm arteko diametrokoa, konikotik lau-ganbilera zahartzean, erdian titi handi eta kamuts batekin eta gardentasunagatik ildaskatua erradioaren ¾ etan. Bere ertza soberakinekin egon daiteke edo ez, hasieran makurra da eta gero laua, eguraldi hezean oso nabarmen ildaskatua. Azal leuna, matea eta higrofanoa, zuri-horixkatik hori grisaxkara doan kolorekoa, erreflexu oliba kolorekoekin, titi aldera tonu ilunagoekin eta argiagoak ertzera.
Orriak: Estu samar, itsatsiak edo bihurritu samarrak, tartean orritxoekin, kolore zurixkakoak, baina ale helduetan isla arrosa arinekin eta ertza kolore berdinekoa.
Hanka: 4 -9 x 0,1 - 0,4 cm-koa, zilindrikoa, barnehutsa, elastikoa, zuzenetik kurbatu-inklinatura, ilegabea eta distiratsua ia denean, baina ile tenteekin oinarrian, bertan errizoide zurixkak ditu; zurixka-grisaxka kolorekoak edo kapelaren kolorekoak, puntara tonu argiagoak ditu eta grisaxkak isla urdinekin oinarrirantz.
Haragia: Hauskorra, gutxi eta mehea, urtsua eta zurixka kapelarena eta grisaxka oinarena, errefrau usain arinarekin eta iodoformo usainarekin lehortzen denean, eta zaporea apur bat gozoa.[2]
Etimologia: Mycena terminoa latinetik dator, perretxikoa, onddoa, "vitis" hitzetik, xirmendu esan nahi du. Oin luze mehe eta malguari egiten dio erreferentzia.
Jangarritasuna
[aldatu | aldatu iturburu kodea]Sukaldaritzarako inolako interesik gabeko espeziea.
Nahasketa arriskua
[aldatu | aldatu iturburu kodea]Mycena metata eta Mycena filopes delakoekin nahas liteke, biek antzeko usaina baitute, batez ere lehortzean, Mycena oortiana bereizten da oliba islak dituelako eta beste biek ez.
Sasoia eta lekua
[aldatu | aldatu iturburu kodea]Udan eta udazkenean hazten da, eta normalean oinaren oinarritik elkartutako taldeetan, hostozabal basoetan, motzondoetan eta adarretan, oro har, haritzetan eta pagoetan.[3]
Banaketa eremua
[aldatu | aldatu iturburu kodea]Europa, Alaska, Txile eta Australia.
Erreferentziak
[aldatu | aldatu iturburu kodea]- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Palacios Quintano Daniel. (2014). Disfrutando con las setas. Leitzaran, Grafikak S.L. Andoain, Gipuzkoa, 272 or. ISBN 978-84-617-0196-4..
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona,, 182 or. ISBN 84-282-0865-4..
Kanpo estekak
[aldatu | aldatu iturburu kodea]
Datuak: Q6946863
Multimedia: Mycena arcangeliana / Q6946863