Nadine Labaki
| Nadine Labaki | |
|---|---|
.jpg) (2012) | |
| Bizitza | |
| Jaiotzako izen-deiturak | نادين أنطوان لبكي |
| Jaiotza | Baabdat (en)  , 1974ko otsailaren 18a (50 urte) |
| Herrialdea |  Libano |
| Lehen hizkuntza | arabiera |
| Familia | |
| Ezkontidea(k) | Khaled Mouzanar (2007 - |
| Haurrideak | ikusi
|
| Hezkuntza | |
| Heziketa | Saint Joseph University of Beirut (en) |
| Hizkuntzak | arabiera |
| Jarduerak | |
| Jarduerak | aktorea, film-zuzendaria, gidoilaria eta zinema aktorea |
Parte-hartzailea
| |
| Jasotako sariak | ikusi
|
| nadinelabaki.com | |
        | |
Nadine Labaki (arabieraz: نادين لبكي; Baabdat, 1974ko otsailaren 18a) libanoar aktore eta zinema-zuzendaria da.
Aktore lanetan hasi zen eta 2007an zuzendu zuen aurreneko filmea, Caramel, Cannesko Zinemaldian aurkeztu zena. 2018ko Capharnaüm filma Oscar sarietarako izendatua izan zen[1], hori lortzen duen lehenengo emakumezko zuzendari arabiarra izan zen Nadine Labaki.
Biografia
[aldatu | aldatu iturburu kodea]Gaztaroa eta hastapenak
[aldatu | aldatu iturburu kodea]Labaki Libano Mendiko eskualdean jaio zen maronita familia batean. Gaztaroan Libanoko Gerra Zibila ezagutu zuen 1991an amaitu zenean 17 urte baitzituen[2]. Osaba hakawatia zuen, ipuin kontalaria, eta aitonak antzoki txiki bat zuen eta han zaletu zen Labaki zinemarekin. Libanoko Studio El Fan talent showean abiatu zuen aktore ibilbidea eta Beiruteko Saint Joseph Unibertsitatean ikus-entzunezko ikasketak egin zituen. Graduatzeko 11 Rue Pasteur film laburra zuzendu zuen 1997an eta Parisko Arabiar Munduko Institutuak antolatzen zuen Zinema arabiarreko biurtekoan film labur onenaren saria eskuratu zuen.
1998an Parisen ezarri zen Caroline Labaki ahizparekin, hura ekoizlea[3], eta Ekialde Hurbileko abeslarien bideoklipak eta iragarkiak egin zituen, eta hainbat sari eskuratu zituen. 2003rako ezaguna zen arabiar komunikabidetan eta Nancy Ajram abeslari libanoarraren bideoklipak zuzendu zituen. Bideotako batek polemika sortu zuen, "Akhasmak ah" ("Bai, borrokatuko dut zure aurka") bideoklipak, dantza sexualki iradokitzaileak agertzen zirelako[4].
Zuzendari lanetan
[aldatu | aldatu iturburu kodea]2005ean Cannesko Zinemaldian izan zen sei hilabetez eta Caramel filmea idatzi zuen bitartean. 2007an atera zen, Labaki zuzendari eta protagonista zela. Cannesen egin zuen estrenoa eta mundu mailan hainbat sari jaso zituen.
2011n Et maintenant, on va où ? zuzendu zuen. Ekialde Hurbileko herrixka batean gerra garaian musulmanak eta kristauak daude, eta alde bietako emakumezkoak ahalegintzen dira gizonezkoak borrokan hasi ez daitezen[5]. Torontoko Zinemaldian film irabazlea izan zen[6] eta Donostiako Zinemaldian film europar onenaren saria jaso zuen, besteak beste[7].
Nadine Labakiren film arrakastatsuena Capharnaüm (euskaraz: «kaosa») izan zen. Oscar Sarietarako izendatua izan baitzen Nazioarteko film onenaren atalean[8]. Filmerako musika Khaled Mouzanar senarrak konposatu zuen[9].
Aktore lanetan
[aldatu | aldatu iturburu kodea]Laburmetraietan agertzen hasi zen eta 2006an Bosta komedian aritu zen. Aktore lan garrantzitsuenak berak zuzenduriko filmetan egin ditu.
Filmografia
[aldatu | aldatu iturburu kodea]Zuzendari lanetan
[aldatu | aldatu iturburu kodea]- Caramel edo Sukkar Banat (2007)
- Et maintenant, on va où ? (2011)
- Rio, I Love You (2014)
- Capharnaüm (2018)
- Homemade (2020) - 18 zuzendarietako bat
Aktore lanetan
[aldatu | aldatu iturburu kodea]| Urtea | Filma | Pertsonaia | Zuzendaria | Oharrak |
|---|---|---|---|---|
| 2003 | Ramad | Joanna Hadjithomas eta Khalil Joreige | Laburmetraia | |
| 2003 | The Seventh Dog | Zeina Durra | Laburmetraia | |
| 2003 | Non métrage Libanais | Nina | Wissam Smayra | Laburmetraia |
| 2005 | Bosta | Alia | Philippe Aractingi | |
| 2007 | Caramel | Layale | Nadine Labaki | aktorea eta zuzendaria |
| 2010 | Stray Bullet | Noha | Georges Hachem | |
| 2010 | The Father And The Foreigner | Ricky Tognazzi | ||
| 2011 | Et maintenant, on va où ? | Amale | Nadine Labaki | aktorea eta zuzendaria |
| 2013 | Rock The Casbah | Miriam | Laïla Marrakchi | |
| 2014 | Mea Culpa | Alice | Fred Cavayé | |
| 2014 | Rio, I Love You | Bere burua | Nadine Labaki | aktorea eta zuzendaria |
| 2014 | La Rançon de la gloire | Noor Bricha | Xavier Beauvois | |
| 2015 | The Idol | Hany Abu-Assad | ||
| 2018 | Capharnaüm | Nadine | Nadine Labaki | aktorea eta zuzendaria |
| 2019 | 1982 | Yasmine | Oualid Mouaness | |
| 2021 | Costa Brava, Lebanon | Soraya | Mounia Akl | |
| 2022 | Perfect Strangers | May | Wissam Smayra |
Erreferentziak
[aldatu | aldatu iturburu kodea]- ↑ (Ingelesez) Sullivan, Corinne. (2019-01-23). «Best Foreign Film Is a Hot Oscar Category This Year — Here's What to Know» POPSUGAR Entertainment UK (Noiz kontsultatua: 2023-07-13).
- ↑ (Ingelesez) Armes, Roy. (2015-01-29). New Voices in Arab Cinema. Indiana University Press ISBN 978-0-253-01528-0. (Noiz kontsultatua: 2023-07-13).
- ↑ (Ingelesez) «Using the camera to see beyond war» thestar.com 2008-02-22 (Noiz kontsultatua: 2023-07-13).
- ↑ Nancy Ajram - Akhasmak Ah (Official Music Video) / نانسي عجرم - أخصمك آه. (Noiz kontsultatua: 2023-07-13).
- ↑ (Ingelesez) Simon, Alissa. (2011-05-18). «Where Do We Go Now?» Variety (Noiz kontsultatua: 2023-07-13).
- ↑ «Toronto International Film Festival (2011)» IMDb (Noiz kontsultatua: 2023-07-13).
- ↑ «San Sebastián International Film Festival (2011)» IMDb (Noiz kontsultatua: 2023-07-13).
- ↑ (Ingelesez) Baughan2019-02-13T08:55:00+00:00, Nikki. «Nadine Labaki on how Oscar contender 'Capernaum' can "ignite some kind of change"» Screen (Noiz kontsultatua: 2023-07-13).
- ↑ (Ingelesez) Keslassy, Elsa. (2018-05-10). «Sony Pictures Classics Nabs Nadine Labaki’s Palme d’Or Contender ‘Capernaum’» Variety (Noiz kontsultatua: 2023-07-13).
Kanpo estekak
[aldatu | aldatu iturburu kodea]
Datuak: Q266539
Multimedia: Nadine Labaki / Q266539