Austria

Republik Österreich

Austria lipp Austria vapp'
Riigi tunnuslausõq: olõ-i
Riigikiil'	s'aksa kiil
Pääliin	Viin
President	Alexander Van der Bellen
Pääministri	Liidokantslar' Karl Nehammer
Suurus  - Kokko  - % vett	maailma maiõ hulgan 114 83 879 km² 1,7%
Rahva hulk  - Kokko (2005)  - Tihehüs	maailma maiõ hulgan 98. 9 027 999 (2022) 107,6/km²
Hindäperi	27. hainakuu 1955
Raha	Õuro
Aovüü  - suvõaig	Kesk-Õuruupa aig (UTC+1) Kesk-Õuruupa suvõaig (UTC+2)
Riigihümn'	Land der Berge, Land am Strome
Internetitunnus	.at
Telefonikuud'	43

Austria Vabariik (s'aksa keelen Republik Österreich) om Õuruupa riik. Meilt kaiaq om tä lõuna ja õdagu vaihõl. Austria naabõrriigiq ommaq Liechtenstein ni Sveits õdagun, Itaalia ni Sloveeniä lõunan, Ungari ni Slovakkia hummogun, S'aksamaa ni Tšehhi põh'an.

Austria pindala om 83 879 km² ja 2022. aastaga mahlakuun elli sääl 9 027 999 inemist. Ammõtlik kiil, midä Austrian koolõn ja as'aajamisõn tarvitõdas, om Austria saksa kiil (Österreichisches Deutsch), a inemiseq kõnõlõsõq inämbüisi s'aksa keele alemanni ja baieri murdit. Rahvast ommaq austõrlasõq 80,8%, s'akslasõq 2,6%, bosnialasõq 1,9%, türkläseq 1,8%, serbläseq 1,6%, rumeenläseq 1,3%, tõisi vähämbit veidembüisi om kokko üle 10%.

Austria pääliin ja kõgõ suurõmb om Viin. Tõõsõq suurõq ja tähtsämbäq liinaq ommaq näütüses Graz, Linz ja Salzburg.

1995. aastagast om Austria Õuruupa Liido liigõq. 2002. aastagast võeti pruukmistõ õuro.

Austriast juusk läbi Doonau jõgi.