Sent-Alban-dus-Velârs

Sent-Arban-des-Velârs

Cél articllo ’l est ècrit en arpetan velarenc / ORB sarrâye.

Por los articllos homonimos, vêde Sent-Arban.

Sent-Alban-dus-Velârs
[sɛ̃t al.ˈbɑ̃ du vlɑːʁ]
La valâ dus Velârs que Sent-Alban sè trôve dedens.
Gentilyiço	Bân, Bâna Velarenc, Velarenche(por tot lo payis dus Velârs)
Noms arpetans
En ORB lârge	Sent-Arban-des-Velârs [sɛ̃t aʁ.ˈbɑ̃ de vlɑːʁ]
En CFLL	Sint-Alban-dou-Vlâr Sint-Arban-dé-Vlâr(por la grafia lârge)
Noms ètrangiérs
Nom latin (racena)	Sancti Albani de Villariis
Nom francês	Saint-Alban-des-Villards
Administracion
Règion culturâla	Arpetania
Règion historica	Savouè(en Môrièna)
Payis	France
Règion	Nom de règ·ion ou de colèctivitâ mâl-rèdigiê ou ben absent por nen savêr més cllicâd-ique ou ben por l’outre-mar cllicâd-ique. Per dèfôt, la mapa de g·eolocalisacion est cela de la France mètropolitana.
Dèpartament	Savouè-d’Avâl
Arrondissement	Sent-Jian
Entèrcomunalitât	CC du canton de La Chambra
Sendeco Mandat	Jacqueline Dupenloup 2014-2020
Code postâl	73130
Code comena	73221
Dèmografia
Populacion municipâla	99 hab. (2014)
Densitât	4,1 hab./km2
Geografia
Coordonâs	45° 18′ 36″ bise, 6° 14′ 53″ levant
Hôtior	Min. 667 m Max. 2 727 m
Supèrficie	24,02 km2
Èlèccions
Dèpartamentâles	Sent-Jian
Localisacion
Geolocalisacion sus la mapa : France Sent-Alban-dus-Velârs Geolocalisacion sus la mapa : France Sent-Alban-dus-Velârs
Lims
Seto Vouèbe	saint-alban-des-villards.fr

Sent-Alban-dus-Velârs [CFLL : Sint-Alban-dou-Vlâr] (Saint-Alban-des-Villards en francês) ou ben més simplament Sent-Alban [CFLL : Sint-Alban] ’l est na comena francêsa et arpetanna de Môrièna, que sè trôve en vâr Gllandon dens lo dèpartament de la Savouè-d’Avâl en règ·ion Ôvèrgne-Rôno-Ârpes.

Los habitents du velâjo sont apelâs los Bâns et les Bânes ou ben, ensemblo avouéc celos de Sent-Colomban, los Velarencs et les Velarenches.

G·eografia

Localisacion

Sent-Alban ’l est placiêe dedens la valâ dus Velârs en Môrièna, que sè trôve u sud-ouèste de la Savouè. L’adrêt de la comena ’l est dedens la chêna de Bèladona.

Endrêts et cârros

La comena de Sent-Alban rassemble cetos velârs :

• Lo Bessê (Le Bessay en francês)
• Lo Bochèt (Le Bouchet en francês)
• Bon-Molâr (Bon Mollard en francês)
• L’Égllése (L’Église en francês)
• Lo Frègno (Le Frêne en francês)
• Lo Molâr (Le Mollard en francês)
• Lo Pied-de-les-Voutes (Le Pied des Voûtes en francês)
• Lo Planchamp (Le Planchamp en francês)
• Lo Premiér-Velâr (Le Premier-Villard en francês)
• Los Revâls (Le Rivaud en francês)

Comenes vesenes

Lo tèrritouèro de Sent-Alban est vesin de celos de huét ôtres comenes :

de Sent-Alban

Alevârd (Isera)	Cuéna
Pinçôt (Isera)		Senta-Maria Jarriér
Sent-Colomban	Fontcuvèrta	Sent-Pèx

G·eologia et relièf

La vâr Gllandon ’l est gratâye per l’égoua du Gllandon, que ’l at na longior de 20,4 kilomètros, avouéc per la moyenna na largior de 10 a 12 kilomètros en vôlo d’usél. Les plés grantes égoues de Sent-Alban sont lo nant du Mèrlèt et lo Gllandon.

Toponimia

Lo nom de la comena ’l est ècrit « Saint-Alban-des-Villards » en francês, « Sent-Alban-dus-Velârs » en arpetan velarenc (que sè prononce Sint-Alban-dou-Vlâr) et pués en arpetan supradialèctâl « Sent-Arban-des-Velârs » (que sè prononce Sint-Arban-dé-Vlâr). Vint du nom latin SANCTI ALBANI DE VILLARIIS.

U comencement, cen fét ben grant-temps, les doves comenes velarenches érant ben rèunies dedens ren qu’un tèrritouèro d’amont Cuéna. La vielye égllése de Sent-Colomban ’l ére vêr la solèta. Ples târd, avouéc lo dèsacôrd de la populace, l’èluegnement et pués les dificultâts de les comunicacions, fesiant la crèacion de les doves paroches en vâr Gllandon. Cen fét vêr l’origina dus noms : Sent-Alban et Sent-Colomban, pués châque paroche avêt son prôpra égllése.

Lo nom Velârs vôt dére « un cârro avouéc un mouél de mêsons ; un velâjo ».

Dus côps, ensemblo avouéc Sent-Colomban, ’l est asse-ben apelâye tot simplament Los Velârs [CFLL : Lo Vlâr].

Pendent la Rebênâda francêsa en 1793, la comena s’apelâve Merlet en francês, cen que ’l est Mèrlèt en arpetan, coment lo nom de l’égoua principâla de la comena.

Populacion et sociètât

Los habitents du velâjo sont apelâs los Bâns et les Bânes (Bans et Bannes en francês) ou ben, ensemblo avouéc celos de Sent-Colomban, los Velarencs et les Velarenches (Villarins et Villarinches en francês).

Vêre avouéc

Articllos liyês

• Payis dus Velârs.

Lims de defôr

• Seto oficièl de la comena de Sent-Alban.
• Sent-Alban sur lo seto de l’Enstitut g·eografico nacionâl.