Skiermûntseach (plak)

It doarp Skiermûntseach, ek wol Easterbuorren (Eilanners: Aisterbun of Darp), is it ienige doarp op it lyksa neamde Waadeilân Skiermûntseach.

Skiermûntseach Easterbuorren
Sicht op de Langestreek
Bestjoer
provinsje	Fryslân
gemeente	Skiermûntseach
Sifers
Ynwennertal	985 (1 jannewaris 2023)
Oar
Postkoade	9166
Tiidsône	UTC +1
Simmertiid	UTC +2
Koördinaten	53° 29' NB, 6° 11' EL
Kaart

Mei de lizzing fan 53°29' NB is it it noardlikste plak fan Fryslân en Nederlân.

It doarp hat 985 ynwenners (1 jannewaris 2023, boarne: CBS).

Skiednis

It doarp Skiermûntseach is as Easterbuorren yn opdracht fan de famylje Stachouwer boud yn 1719, omdat it oarspronklike doarp Westerbuorren, stadichoan troch de see ferswolge waard.

Nei de Twadde Wrâldoarloch ferriisde oan de súdkant fan it doarp in nije wyk, dy't troch de bewenners Nij-Dokkum neamd wurdt. Yn dizze wyk stiet in vmbo-skoalle en in sporthal.

As neitins oan de muontsen fan Klaarkamp is yn 1961 yn it doarp in stânbyld fan in muonts ûntbleate. Nei 1995 is in nije wyk boud oan de eastkant fan it doarp.

Strjitten

Yn 1758 wienen de Foarstreek en Middenstreek op Skiermûntseach klear. Twa jier letter waard oan de noardside fan it doarp begûn mei de bou fan de Langestreek. Boeren rieden eartiids mei hynder-en-weinen oer de Reeweg it waad op nei de skippen. De boeren fan Skiermûntseach brochten sa harren passazjiers by de postskippen.

Tsjerken

De eardere herfoarme tsjerke fan Skiermûntseach, oan it Dû. Hundlungiuspaad, is de Got Tjark ("Grutte Tsjerke"), dy't yn 1866 boud is. De eardere grifformearde tsjerke, oan 'e Langestreek, dy't datearret fan 1962, is no it Kultureel Moetingssintrum Skiermûntseach. Beide gebouwen binne sûnt 2005 yn it besit fan 'e Protestantske Tsjerke yn Nederlân. Fierders stiet oan 'e Badwei de roomske Sint-Egbertuskapel út 1915, dy't de status fan ryksmonumint hat.

• 
  Got Tjark
• 
  Sint-Egbertuskapel Badwei 69
• 
  Eardere herfoarme evangelisaasjefan 1929, hjoed-de-dei jongereinsintrum Kittiwake

Fjoertuorren

• 
  Sudertoer Toerstreek 22
• 
  Sudertoer Toerstreek 22
• 
  Noardertoer Fjoertoerpaad 28
• 
  Noardertoer Fjoertoerpaad 28

Ferskaat

• Begjin juny fynt elts jier yn Skiermûntseach it Muzyk- en Sangfestival Skiermûntseach plak, organisearre troch de Organisaasje fan Muzykferienings yn Fryslân.

Sjoch ek

• Beskerme steds- en doarpsgesichten yn Fryslân

Keppeling om utens

• Offisjele webstee fan Skiermûntseach
• VVV Skiermûntseach

Boarnen, noaten en referinsjes

Boarnen, noaten en/as referinsjes: