Sint-Ludgerustsjerke (Balk)

	Sint-Ludgerustsjerke
	Lokaasje
provinsje	Fryslân
gemeente	De Fryske Marren
plak	Balk
adres	Riedhûsstrjitte 44
koördinaten	52° 53' N 5° 34' E
	Tsjerklike gegevens
tsjerkegenoatskip	Roomsk-Katolike Tsjerke
bisdom	Grins-Ljouwert
patroanhillige	Liudger
	Arsjitektuer
arsjitekt	Alfred Tepe
boujier	1883
boustyl	Neogotyk
monumintale status	ryksmonumint
monumintnûmer	513656
	Webside
	Hiemside parochy ; FB-side fan de tsjerke
	Kaart
	;

De Sint-Ludgerustsjerke is een trijeskippige roomske pseudobasilyk yn Balk. Patroanhillige is Sint-Ludger (ek Ludgerus of Liudger).

Skiednis

It neogoatyske bouwurk út 1883 waard ûntwurpen troch de arsjitekt Alfred Tepe, dy't fjouwer tsjerken yn Fryslân boude. It is ien fan de tsjerken fan de Hillige Kristoffelparochy, dêr't roomsk Bakhuzen, De Jouwer, De Lemmer, Sint-Nyk, Sleat en Wâldsein by oansletten binne.^[2]

Lykas de tsjerke is ek de oanbuorjende pastorij in ryksmonumint. De pastorij wurdt tsjintwurdich brûkt foar de opfang fan pjutten.

Ynterieur

It neogoatyske heechalter (1899) komt út it atelier fan de byldhouwer Friedrich Wilhelm Mengelberg en stie oant 1963 yn de Sint-Michaeltsjerke yn Swol. De sydalters binne oan Marije en it Hillich Hert wijd. De brânskildere ramen komme út it atelier Kocken yn Utert.

Jacob Michiel Ydema skildere de krúswei yn 'e Twadde Wrâldkriich. Ek yn de kapel is wurk fan de skilder te sjen (de doop fan Jezus en de úttocht yn Egypte).

Yn de toer hingje twa klokken út 1947 en út 1995.

Oargel

It oargel út 1910 is fan Adema en is boud mei ien manuaal en oanhongen pedaal. Yn de rin fan de tiid binne der in pear feroarings útfierd oan de disposysje. Adema restaurearre it oargel yn 1985, dat sân registers teld. In skilderij fan Sint-Sesilia, beskermhillige fan de tsjerkemuzyk, fersierd de oargelkas.