300 (filme)

Para outras páxinas con títulos homónimos véxase: 300 (homónimos).

300 é un filme épico estadounidense dirixido por Zack Snyder que se estreou en 2007. Baséase na novela gráfica 300 de Frank Miller e Lynn Varley. A historia é unha adaptación fantasiosa da batalla das Termópilas. Foi rodado en gran parte mediante a técnica do croma para axudar a recrear a imaxenería da novela gráfica orixinal.

300
Ficha técnica
Título orixinal	300
Director	Zack Snyder
Produtor	Gianni Nunnari Mark Canton Bernie Goldmann Jeffrey Silver
Guión	Zack Snyder Kurt Johnstad
Baseado en	300 de Frank Miller
Intérpretes	Gerard Butler Lena Headey David Wenham Dominic West Vincent Regan Rodrigo Santoro Michael Fassbender
Música	Tyler Bates
Fotografía	Larry Fong
Montaxe	William Hoy
Distribuidora	Warner Bros.
Estrea	9 de marzo de 2007 21 de abril de 2010 (TVG)
Duración	117 minutos
Orixe	Estados Unidos
Orzamento	$65 000 000
Recadación	$456 068 181
Filme seguinte	300: A orixe dun imperio
Na rede
https://www.warnerbros.com/movies/300 e http://300themovie.warnerbros.com/

O argumento conta a historia do Rei Leónidas (Gerard Butler), que lidera a 300 soldados espartanos nunha batalla contra o "rei-deus" persa Xerxes (Rodrigo Santoro) e o seu enorme exército de 300 000 soldados. Como a vitoria é imposible, a Raíña Gorgo (Lena Headey) tenta conseguir o apoio de Esparta para o seu marido. A historia é contada pola voz narrativa do soldado Dilios (David Wenham). ó longo do filme, son introducidas varias criaturas fantásticas, situando a 300 dentro do xénero de fantasía histórica.

300 estreouse nos Estados Unidos nos cinemas convencionais e IMAX o 9 de marzo de 2007, e en DVD, Blu-ray, e HD DVD o 31 de xullo de 2007. O filme recibiu críticas diversas, sendo aclamado polo seu estilo e orixinalidade, mais foi criticado polo uso excesivo de efectos visuais e pola controvertida representación dos persas. Porén, o filme foi un éxito de recadación, gañando $450 millóns, cunha das mellores acollidas na estrea en toda a historia do cine.

Estreouse en galego na TVG o 21 de abril de 2010.

Sinopse

O filme comeza contando a infancia do rei Leónidas I, aos sete anos, comeza o seu adestramento como espartano. Unha vez Leónidas xa é rei de Esparta chega un día un mensaxeiro persa comunícalle o desexo de Xerxes I en dominar a rexión, pero que podía someter voluntariamente o seu pobo e seguir sendo rei. Leónidas, ofendido por semellante feito, mata toda a comitiva persa e decide comezar enfrontarse a Xerxes. Porén, como Esparta estaba a celebrar a festa relixiosa da Carneia, Leónidas non pode entrar en guerra, polo que reúne 300 guerreiros como a súa garda persoal e marcha ao encontro dos invasores persas.

Personaxes

• Gerard Butler como Leónidas I, Rei de Esparta.
• Lena Headey como Gorgo, Raíña de Esparta.
• Giovani Cimmino como Pleistarco, fillo de Leónidas e Gorgo.
• Dominic West como Theron, un político corrupto (ficticio) espartano.
• David Wenham como Dilios, Narrador e soldado espartano.
• Vincent Regan como capitán Artemis.
• Tom Wisdom como Astinos, fillo máis vello de Artemis.
• Andrew Pleavin como Daxos, o líder arcadio que loita xunto a Leónidas.
• Andrew Tiernan como Efialtes.
• Rodrigo Santoro como Xerxes I, Rei de Persia.
• Stephen McHattie como un político espartano.
• Michael Fassbender as Stelios, un xove soldado espartano.
• Peter Mensah como o mensaxeiro persa.
• Kelly Craig como Pythia, a oráculo dos éforos.
• Tyler Neitzel como xove Leónidas.
• Robert Maillet como Uber Immortal (xigante).
• Patrick Sabongui como o xeneral persa.
• Leon Laderach como Executador.

Véxase tamén

Outros artigos

• 300 (novela gráfica)
• Batalla das Termópilas