Aguiúlfo

Aguiúlfo
Biografía
Nacemento	século V
Morte	457 (Gregoriano) ; Porto, Portugal
Gobernador Reino Suevo
	456 – 457 ; ← Requiario – Maldras →
Datos persoais
Grupo étnico	Varnos
Descrito pola fonte	Paulys Realenzyklopädie der klassischen Altertumswissenschaft

Aguiúlfo (tamén: Agiulfo, Achiuulf, Agriwulf, Agilulf, Aiulf e en latín: Aioulfus ou Aiulfus) foi feito gobernador do Reino Suevo de Galicia por Teodorico II no 456 trala morte de Requiario. Goberno que chegou a ser real só na parte sur do reino e durante un curto período de tempo ata o ano 457, cando falece asasinado no castro do Porto.

Traxectoria

Execución de Censorio

No ano 448, previamente ao seu reinado, executa a Censorio en Hispalis, tras pasar 8 anos en cativerio dende que o apreixoara Requila en Emerita. Isto dá lugar á sublevación e disconformidade tanto de suevos como de galaico-romanos xa que fora un dos firmantes do acordo imperial que fixera a Gallaecia un foedus.

Goberno do reino

Aguiúlfo que posiblemente fose pertencente a tribo dos varnos, orixinarios do Báltico occidental era lugartenente do rei visigodo Teodorico II e probablemente participara na guerra contra os suevos.

Trala morte de Requiario no 456, Teodorico II pon en Emerita a Aguiúlfo como gobernador, para defenderse das posibles invasións suevas e para loitar contra os cántabros e vascóns mentres Teodorico marcha cara ao norte para protexer o reino visigodo dos romanos dirixidos polo novo emperador Maioriano imposto por Ricimer.

Guerra civil

Aguiúlfo, quizais pola ausencia de Teodorico, deserta e únese aos suevos do sur do reino, subindo dende Emerita ata Porto, esperando ser o seu rei. Durante o seu mandato o reino vive en caos, nun período de desgoberno no que se suceden asaltos e saqueos. Finalmente, unha parte dos suevos proclaman rei a Maldras, provocando unha revolta contra Aguiúlfo. Durante o conflito Aguiúlfo é asasinado no castro do Porto, no mes de xuño do 457 probablemente a mans do mesmo Maldras.^[1]

Guerra civil sueva na Gallaecia

Títulos Reais
Aguiúlfo Varno Nacemento: ? Falecemento: 457
Precedido por Requiario	Rei de Galicia Só no sur 456–457	Sucedido por Maldras Só no sur de Galicia

Notas

↑ Peres Vigo, Alexandre (2022-09-06). "Reis dunha Gallaecia dividida. A monarquía galega entre o 456 e o 459". Nós Diario. Consultado o 2022-09-07.

Véxase tamén

Bibliografía

López Carreira, A; Fernández Cal, T. Os reis de Galicia. A Nosa Terra. Vigo, 2003. ISBN 84-96203-27-1.

Outros artigos

[1] Peres Vigo, Alexandre (2022-09-06). "Reis dunha Gallaecia dividida. A monarquía galega entre o 456 e o 459". Nós Diario. Consultado o 2022-09-07.

[1]