Anfiteatro de Tarraco

Anfiteatro de Tarraco
Tipo	anfiteatro romano; estrutura romana
Parte de	Conxunto arqueolóxico de Tarraco; Tarraco
Localización
División administrativa	Tarragona, España
Localización	Cidade de Tarragona
	41°06′52″N 1°15′32″L / 41.11457, 1.2588
Características
Ben de interese cultural
Data	5 de agosto de 1924
Identificador	RI-51-0000298
Ben Cultural de Interese Nacional
Tipo	Monumentos do patrimonio histórico de España
Codi BCIN	208-MH
Codi BIC	RI-51-0000298
Id. IPAC	225
Id. IPAPC	13135

O anfiteatro de Tarraco é un edificio romano construído preto do mar, tras a muralla da cidade de Tarraco (actual Tarragona), capital da provincia romana Hispania Citerior Tarraconensis. Constitúe, xunto con outras localizacións, o conxunto arqueolóxico de Tarraco, que forma parte do Patrimonio da Humanidade dende o ano 2000, sendo o seu código de inscrición 875-007.

A función do anfiteatro

Nel tiñan lugar todo tipo de espectáculos, coma a munera (loita de gladiadores), as venationes (loitas con animais) e as execucións públicas. Construíuse preto do mar na parte baixa da cidade para proporcionar un aceso doado ao público asistente as funcións e facilitar o desembarco na praia dos animais empregados. No ano 259, Fructuoso de Tarragona e os seus diáconos foron martirizados neste lugar, feito que foi conmemorado no século VI mediante a construción dunha basílica visigoda adicada a estes mártires na propia situación do anfiteatro.

Características técnicas

Detalle das bancadas.

Data de construción: século II d.C.
Capacidade: 14.000 persoas
Forma arquitectónica: elipse
Dimensións: 109,5 x 86,5 metros (en forma elíptica)
Estancias: Baixo a area onde tiñan lugar os espectáculos atopábanse as fossae ou estancias subterráneas para os animais e os gladiadores, que contaban cun montacargas para erguelos ata a area do anfiteatro. A cavea era a bancada e estaba dividida en tres maenianae ou sectores, separados por muros e corredores para distribuír aos espectadores segundo a súa clase social. Un podium de 3,25 metros de altura separaba a area das bancadas.

Anfiteatro de Tarragona.

Véxase tamén

Outros artigos

Ligazóns externas

Páxina web do Concello de Tarragona
Páxina do Museo de Historia de Tarragona Arquivado 08 de abril de 2018 en Wayback Machine.
Tarragona - Información histórica e cultural de Tarraco, capital da Hispania Citerior na época de dominación romana
Información Foro Romano de Tarragona en España é cultura, Ministerio de Cultura Arquivado 28 de decembro de 2016 en Wayback Machine.
Páxina turística de Tarragona (en catalán)

Información relacionada

Páxina sobre o anfiteatro de Mérida (en castelán) Arquivado 29 de novembro de 2009 en Wayback Machine.