Axuda:Historial

Esta é unha páxina informativa da Galipedia.
Describe prácticas editoriais establecidas da comunidade nalgún aspecto concreto, ou detalla aspectos das normas e usos habituais dentro da Galipedia.

Toda páxina da Wikipedia ten un historial de revisións asociado que contén unha lista coas revisións previas da páxina, xunto á data e mais a hora, o nome de usuario ou enderezo IP do usuario que fixo a modificación e o resumo de edición que deu. Pódese acceder ao historial mediante a lapela "historial" que aparece na parte superior da páxina.

Uso do historial

Nun historial:

Todos os cambios feitos na páxina aparecen en orde cronolóxica inversa.
Para ollar unha versión específica, cómpre premer na data.
Para comparar unha versión vella coa actual, cómpre premer "actual".
Para comparar unha versión coa anterior, cómpre premer "anterior".
Para comparar dúas versións específicas, cómpre marcar a caixa da columna esquerda da versión máis vella e o da dereira da versión máis nova e logo premer no botón "Comparar as versións seleccionadas".
As edicións pequenas indícanse mediante un "m".

Volver á páxina de axuda.