Cardedeu
Cardedeu é un municipio español, pertencente á provincia de Barcelona, en Cataluña. Forma parte da comarca do Vallès Oriental e está situado a 37 km de Barcelona e a 7 km de Granollers.
Localización | |||||
---|---|---|---|---|---|
| |||||
Estado | España | ||||
Comunidade autónoma | Cataluña | ||||
Provincia | provincia de Barcelona | ||||
Ámbito funcional territorial | Ámbito metropolitano de Barcelona | ||||
Comarca | Vallès Oriental ![]() | ||||
Capital | Cardedeu (en) ![]() ![]() | ||||
Poboación | |||||
Poboación | 19.023 (2023) ![]() | ||||
Número de fogares | 88 (1553) ![]() | ||||
Lingua oficial | lingua catalá ![]() | ||||
Xeografía | |||||
Superficie | 12,1 km² ![]() | ||||
Bañado por | río Mogent ![]() | ||||
Altitude | 193 m ![]() | ||||
Comparte fronteira con | |||||
Organización política | |||||
• Alcalde ![]() | Josep Quesada (pt) ![]() ![]() | ||||
Orzamento | 21.113.717,73 € (2019) ![]() | ||||
Identificador descritivo | |||||
Código postal | 08440 ![]() | ||||
Fuso horario | |||||
Código INE | 08046 ![]() | ||||
Código territorial IDESCAT | 080462 ![]() | ||||
Páxina web | cardedeu.cat ![]() |
Xeografía
editarA cidade atópase en plena depresión Prelitoral Catalá, entre a cordilleira Litoral e o macizo do Montseny. O termo municipal está travesado polo arroio de Vallforners, coñecido popularmente como arroio de Cànoves, afluente do río Mogent, que á súa vez o é do Besòs. O punto máis elevado do municipio, de 305 metros sobre o nivel do mar, atópase preto da ermida de Sant Hilari, no noroeste do termo municipal. O punto de menor altitude, de 193 metros, atópase no val do río Mogent, ao sur do municipio. A altitude media da poboación é de 193 m. O termo municipal ten unha extensión de 12,89 km², a lonxitude máxima de norte a sur é de 6,3 km, e de leste para oeste de 3,7 km.
A localidade limita ao norte cos municipios de Cànoves i Samalús e con Sant Pere de Vilamajor, ao leste limita con Sant Antoni de Vilamajor, ao sueste con Llinars del Vallès, ao sur con La Roca del Vallès e ao oeste con les Franqueses del Vallès.
Demografía
editarA poboación de Cardedeu creceu enormemente desde a década de 1960, ata chegar a quintuplicar a poboación. A mellora das infraestruturas e as comunicacións con Barcelona permitiu que moita xente que traballaba na capital situase a súa residencia en Cardedeu.
1900 | 1930 | 1950 | 1970 | 1981 | 2000 | 2010 |
---|---|---|---|---|---|---|
1.533 | 2.477 | 2.619 | 5.017 | 7.240 | 12.078 | 16.897 |
Lugares de interese
editarAlgúns monumentos e lugares de interese son: A Creu do Terme, a Igrexa de Cardedeu (século IX), a Capela románica de Sant Corneli, a Torre Lligé, actualmente sede do concello, o cemiterio, que ten mostras de arte modernista, o museo-arquivo Tomàs-Balvey, a Torre Granés Espinach (1891) e o Teatro Esbarjo.
Destaca con todo o dolmen megalítico de Pins Rosers que se atopaba no antigo chairo de Pins Rosers ou chairo Marsell, á beira do antigo Camiño Real. Agora forma parte da decoración dos xardíns dunha empresa. O monumento forma un círculo irregular e no seu interior atópase o dolmen central. Está formado por nove monólitos que inicialmente estaban verticais. No Costumari Català de Joan Amades pódese ler unha lenda relativa á orixe deste monumento, na que se conta que as pedras proveñen dun antigo hostal, onde cada noite asasinábase aos clientes cunha guillotina. Un mozo e a criada do local lograron escapar con vida e contar aos gardas o que sucedía, tras o que o edificio foi derruído.
-
Praza de Sant Joan e Concello
-
Capela de Sant Corneli