Determinismo

O determinismo é unha doutrina filosófica que sostén que todo acontecemento físico, incluíndo o pensamento e accións humanas, está causalmente determinado pola irrompible cadea causa-consecuencia, e polo tanto, o estado actual "determina" nalgún sentido o futuro. Existen diferentes formulacións de determinismo, que se diferencian nos detalles das súas afirmacións. Para distinguir as diferentes formas de determinismo convén clasificalas de acordo co grao de determinismo que postulan:

• O determinismo forte sostén que non existen sucesos xenuinamente aleatorios, e en xeral, o futuro é potencialmente predicible a partir do presente. O pasado tamén podería ser "predicible" se coñecemos perfectamente unha situación puntual da cadea de causalidade. Pierre-Simon Laplace defendía este tipo de determinismo.
• O determinismo feble sostén que é a probabilidade o que está determinado polos feitos presentes, ou que existe unha forte correlación entre o estado presente e os estados futuros, aínda admitindo a influencia de sucesos esencialmente aleatorios e impredicibles.

Cómpre salientar que existe unha diferenza importante entre a determinación e a predictibilidade dos feitos. A determinación implica exclusivamente a ausencia de azar na cadea causa-efecto que dá lugar a un suceso concreto. A predictibilidade é un feito potencial derivado da determinación certeira dos sucesos, pero esixe que se coñezan as condicións iniciais (ou de calquera punto) da cadea de causalidade.

Véxase tamén

Bibliografía

• Huntington, Ellsworth. Civilization and Climate. Publisher: Yale University Press, 1915. Dispoñible en liña en [1], Universidade de Harvard.