ETB 1
ETB 1 é a primeira canle de Euskal Telebista, a televisión pública do País Vasco. Esta canle emite integramente en éuscaro e a súa programación é de carácter xeralista.
| ETB 1 | |
|---|---|
| |
| Inicio das emisións | 31 de decembro de 1982 |
| Propiedade de | Euskal Telebista |
| Formato da imaxe | 1080i HDTV |
| Datos de audiencia | 2,4% (xullo de 2013, TNS) |
| País |  España
|
| Lingua | Éuscaro |
| Área de emisión |  País Vasco NavarraPireneos Atlánticos |
| Canle/s irmá(s) | ETB 2 ETB 3 ETB 4 ETB HD ETB Sat Canal Vasco |
Na rede
| |
| www.eitb.eus | |
Historia
editarSaíu ao aire o 31 de decembro de 1982, en modo de probas, e normalizáronse as emisións o 16 de febreiro de 1983 e foi a primeira canle que emitiu ETB ao amparo das competencias que emanaban do Estatuto de Autonomía coñecido como Estatuto de Gernika, co apelativo de cuarta canle para diferenciarse das terceiras canles que posteriormente se crearían para as autonomías.
Esta canle, como embrión da televisión do Grupo, naceu para contribuír á normalización do éuscaro, tal como recolle a lei de creación do Ente EITB.
Ámbito
editarA súa área de recepción é toda a comunidade autónoma do País Vasco pero tamén se pode ver en toda Navarra, País Vasco francés e provincias limítrofes.
Programación
editarA súa oferta televisiva conta con programas, magazines, entrevistas, teleseries, cinema en éuscaro, documentais, retransmisións deportivas, programas infantís e xuvenís etc. Facendo gran fincapé no deporte e a programación infantil e xuvenil.
A serie Goenkale, emitida entre 1994 e 2015, foi un dos seus grandes éxitos de audiencia, ademais de ser a serie máis lonxeva de Euskadi e tamén de España. Wazemank 3.0, programa humorístico, tamén se converteu nun dos programas con máis audiencia en ETB 1.