Güyük
Güyük Khan. Nado en 1206 e finado en 1248, fillo e sucesor de Ögödei e neto de Xenxis Kan.
| Nome orixinal | (mn) ᠭᠦᠶᠦᠭ ᠬᠠᠭᠠᠨ (mn) Гүюг хаан  |
|---|---|
| Nome de templo | 定宗 |
| Nome póstumo | 簡平皇帝 |
| Biografía | |
| Nacemento | (mn) ᠭᠦᠶ᠋ᠦᠭ 19 de marzo de 1206 Camague Mongol (pt)  |
| Morte | 20 de abril de 1248 (42 anos) Imperio Mongol |
 3º Khan do Imperio mongol Imperio Mongol | |
| 24 de agosto de 1246 – 1248 ← Töregene Khatun (pt) , Ögödei – Mongke, Ogul Caimis (pt) → | |
| Datos persoais | |
| País de nacionalidade | Imperio Mongol |
| Relixión | Tengrismo |
| Actividade | |
| Ocupación | monarca |
Familia | |
| Familia | Chingissid (en) |
| Cónxuxe | Wuwuerheimishi Ogul Caimis Naimanzhen |
| Fillos | Khoja (en) (  ) Ogul Caimis (pt) Babahaer (pt) ( ) Khokhoo (en) ( ) Naqu (en) ( ) Ogul Caimis (pt) Yelimishi (pt) ( ) |
| Pais | Ögödei e Töregene Khatun (pt) |
| Irmáns | Sürkhakhan (pt) , Godan Khan (pt) , Khadan (pt) , Mieli (pt) , Khochu (pt) , Khorachar (pt) e Khashi (pt) |
 | |
Traxectoria
editarEn 1233 conquistou o reino de Dongxia limítrofe con Corea. Participou na grande invasión do Leste e Centroeuropa dirixida polo xeneral Subotai onde se enemistou con Batu Khan, fillo de Jochi, o primoxénito de Xenxis Kan. Trala rexencia da súa nai, Törgene Khatun, durante cinco anos e contra os desexos do seu pai, e unha vez neutralizada a manobra militar do irmán máis novo de Xenxis Kan, Temuge, foi elixido e entronizado por un multitudinario kurultai o 24 de agosto de 1246. Asistiron príncipes europeos, armenios, xeorxianos, representantes dos selxúcidas, e do propio Califa de Bagdad; pero faltou seu curmán Batu, que estaba consolidando un enorme poder territorial con grande autonomía nas estepas rusas coa súa Horda de Ouro. Nese kurultai estivo tamén o franciscano Xoán de Plano Carpini como embaixador do papa Inocencio IV. Este embaixador solicitoulle que detivese os ataques contra Europa e os reinos cristiáns.
Aumentou os impostos, executou a altos oficiais do anterior goberno que lle resultaron sospeitosos, expresou aos embaixadores europeos as súas pretensións de dominio mundial, autorizou operacións de saqueo en Corea e puña e quitaba reis en reinos como o de Xeorxia, que acabou dividindo, e no Sultanato de Rum. Rodeouse para os labores de goberno de cristiáns nestorianos. Organizou un gran censo nos seus dominios e fixo do reino armenio de Cilicia o seu vasalo.
Resolto a recompoñer a unidade do imperio do seu pai co fin de dominar Europa e preparar un grande ataque mortal ao Imperio Abasida, chamou ao seu encontro a Batu. Este foi advertido de que podía caer nunha trampa, polo que se achegou a Asia central co seu grande exército. Güyük fixo o propio e marchou ao seu encontro. Cando o gran choque parecía inevitable, Güyük morreu en circunstancias pouco claras, parece ser que dunha chea.
Batu conseguiu impoñer ao seu candidato Mongke, fillo de Tolui.