Godofredo VI de Anjou
Godofredo VI Plantagenet, nado en Rouen o 1 de xuño de 1134 e finado en Nantes o 27 de xullo de 1158, foi conde de Anjou, do Maine e de Nantes de 1156 a 1158, fillo de Godofredo V Plantagenet e Matilda de Inglaterra (emperatriz Matilda).
| Biografía | |
|---|---|
| Nacemento | 1 de xuño de 1134  Ruán, Francia |
| Morte | 27 de xullo de 1158 (24 anos) Nantes, Francia |
| Lugar de sepultura | Nantes |
| Actividade | |
| Ocupación | aristócrata |
| Outro | |
| Título | Conde de Anjou Count of Nantes (en)  Conde de Maine |
| Familia | Casa de Plantagenet |
| Pais | Godofredo V de Anjou e Matilde de Inglaterra |
| Irmáns | Hamelin de Warenne, Earl of Surrey Guillaume FitzEmperesse Henrique II de Inglaterra |
 | |
Traxectoria
editarNo seu testamento, Godofredo V Plantagenet (m. 1151) estipulara que o seu segundo fillo, Godofredo, sería conde de Anjou e Maine se o seu fillo máis vello Henrique fose rei de Inglaterra. Mentres agardaba, recibiu os feudos dos castelos de Chinon, Loudun e Mirebeau, e Henrique foi conde de Anjou e Maine. En 1154 Henrique converteuse en rei de Inglaterra, e parece que vai obedecer o testamento paterno pero, pola contra, xa que casara con Leonor de Aquitania e os condados de Anjou e Maine partan en dúas as sas posesións: dunha parte ao sur o ducado de Aquitania co condado de Poitiers, e doutra ao norte, o ducado de Normandía (e Inglaterra ao outro lado da canle). En 1156 Henrique cedeu os condados ao seu irmán e no mesmo ano os de Naoned expulsaron o conde Hoel III da Bretaña e aclamárono como conde. O condado de Nantes incorporouse entón a Anjou (situación que persistiu ata a morte de Henrique II en 1189).
Godofredo VI morreu en Nantes o 27 de xullo de 1158 sen casar nin ter fillos. O seu irmán Henrique II, que se consideraba o seu herdeiro, recuperou o condado de Anjou (co condado anexo de Nantes) e o do Maine.