Lingua francoprovenzal

A lingua francoprovenzal ou arpitano (arpitan ou patouès) é unha lingua románica que se fala nalgunhas partes de Francia, Italia e Suíza. A súa zona de distribución autóctona é coñecida como Arpitania.

Francoprovenzal Arpitan
Outros nomes:	Patouès
Falado en:	Italia, Suíza e Francia
Rexións:	Europa
Total de falantes:	aproximadamente 77.000
Posición:	Non está entre as 100 máis faladas.
Familia:	Indoeuropea  Itálico   Románico    Italo-occidental     Galoibérico      Galorrománico       Francoprovenzal
Escrita:	Alfabeto latino
Status oficial
Lingua oficial de:	Protexido en: Italia Val de Aosta
Regulado por:	Non ten regulación oficial
Códigos de lingua
ISO 639-1:	--
ISO 639-2:	roa
ISO 639-3:	frp
Mapa
Status
O francoprovenzal está clasificado como definitivamente en perigo polo Libro Vermello das Linguas Ameazadas da UNESCO

Ethnologue estima que o seu número de falantes rolda os 77.000. Non ten status oficial en ningún país, máis é lingua protexida en Italia, especialmente no Val de Aosta. A Unesco declarouno lingua en perigo.

Territorio

O territorio de fala francoprovenzal é coñecido como Arpitania, que abrangue en parte ou totalmente os seguintes estados e rexións:

• Francia
  • Ródano-Alpes
  • Franco Condado (na zona sur)
• Italia
  • Val de Aosta
  • Piemonte (nas zonas alpinas da Provincia de Turín)
  • Puglia (dous enclaves na Provincia de Foggia, ao sur de Italia)
• Suíza
  • Friburgo
  • Neuchâtel
  • Valais (no oeste do cantón)
  • Vaud
  • Xenebra

Comparación entre o francoprovenzal e outras linguas románicas

Latín	Galego	Franco-Provenzal	Francés	Catalán	Occitano	Italiano
clave(m)	chave	claf	clef / clé	clau	clau	chiave
cantare	cantar	chantar	chanter	cantar	cantar	cantare
capra	cabra	chiévra	chèvre	cabra	cabra	capra
lingua	lingua	lengva	langue	llengua	lenga / lengua	lingua
nocte(m)	noite	noit	nuit	nit	nuèit / nuèch	notte
sapis	xabón	savon	savon	sabó	sabon	sapone
sudare	suar	suar	suer	suar	susar	sudare
vita	vida	vía	vie	vida	vida	vita
pacare	pagar	payer	payer	pagar	pagar	pagare
platea	praza	placi	place	plaça	plaça	piazza
ecclesia	igrexa	eggleisi	église	església	glèisa	chiesa
caseo (formaticum)	queixo	formadgeo / toma	fromage	formatge	formatge	formaggio

Véxase tamén

Outros artigos

• Wikipedia en francoprovenzal

Ligazóns externas

• A lingua francoprovenzal en Arpitania.eu
• Lingua franco-provenzal en Ethnologue.