Tour de Francia 2014
O Tour de Francia 2014 foi a 101ª edición da carreira ciclista máis importante do mundo. O seu percorrido comezou o 5 de xullo na cidade inglesa de Leeds e rematou o 27 de xullo en París. Os equipos participantes foron 22, 18 deles de categoría UCI ProTour (primeira división do ciclismo) e os outros 4 de categoría UCI Profesional Continental, convidados pola organización da carreira. O número de ciclistas participantes foi polo tanto de 198 (9 por equipo).
.jpg)
A carreira presentou as ausencias salientables de Nairo Quintana que viña de gañar o Giro de Italia, e Bradley Wiggins que estaba a preparar a Vuelta a España. Ningún ciclista galego participou nesta edición. Os principais favoritos eran Chris Froome e Alberto Contador, que viñan de gañar a meirande parte das carreiras anteriores nas que competiran. Tamén salientables eran as presenzas de Vincenzo Nibali e Alejandro Valverde na carreira, así como as de Joaquim Rodríguez e Andy Schleck que non chegaban cunha boa preparación. Non obstante, as caídas dos dous grandes favoritos (Froome e Contador) na primeira semana de carreira supuxo o seu abandono e que a disputa pola clasificación xeral quedase en mans doutros corredores.
A vitoria final foi para o italiano Vincenzo Nibali que aproveitou a súa ocasión dominando a clasificación xeral con moita vantaxe, gañando 4 etapas, e vestindo o Maillot jaune (amarelo) en 18 das 21 etapas do Tour. Esta vitoria supuxo que Nibali entrase nun pequeno grupo de corredores que ó longo da historia gañaron a tres grandes voltas (Giro de Italia, Tour de Francia e Vuelta a España), composto por Jacques Anquetil, Felice Gimondi, Eddy Merckx, Bernard Hinault e Alberto Contador. O resto das clasificacións foron gañadas por:
- Maillot vert (verde) da clasificación por puntos: Foi para o eslovaco Peter Sagan, que dominou esta clasificación durante toda a carreira malia non gañar ningunha etapa.
- Maillot à pois rouges (a puntos vermellos) da clasificación da montaña: Foi para o polaco Rafal Majka, seguido de preto polo líder da clasificación xeral Vincenzo Nibali, que chegou a liderar esta clasificación nunha das etapas dos Pireneos.
- Maillot blanc (branco) da clasificación dos xoves: Foi para o francés Thibaut Pinot, terceiro da clasificación xeral, despois de que o tamén francés Romain Bardet o levase posto durante a primeira metade da carreira.
- Clasificación por equipos: Venceu o equipo francés AG2R La Mondiale.
- Premio da combatividade: Foi para Alessandro de Marchi pola súa frecuente presenza en escapadas.
O alemán Marcel Kittel tamén tivo unha actuación moi salientable acadando catro triunfos parciais en chegadas ao sprint, unha delas en París, e sendo o primeiro líder da carreira.
Etapas
editar| Etapa | Data | Percorrido | km | Gañador | Líder |
| 1.ª | 5 de xullo |  Leeds- Harrogate |
191 |  Marcel Kittel |
Marcel Kittel
|
| 2.ª | 6 de xullo | York- Sheffield  |
201 |  Vincenzo Nibali |
Vincenzo Nibali
|
| 3.ª | 7 de xullo | Cambridge- Londres |
155 | Marcel Kittel |
Vincenzo Nibali
|
| 4.ª | 8 de xullo | Le Touquet-Paris-Plage-Villeneuve-d'Ascq | 164 | Marcel Kittel |
Vincenzo Nibali
|
| 5.ª | 9 de xullo |  Ypres-Arenberg Porte du Hainaut |
152,5 |  Lars Boom |
Vincenzo Nibali
|
| 6.ª | 10 de xullo | Arrás-Reims | 194 | André Greipel |
Vincenzo Nibali
|
| 7.ª | 11 de xullo | Épernay-Nancy | 233 | Matteo Trentin |
Vincenzo Nibali
|
| 8.ª | 12 de xullo | Tomblaine-Gérardmer La Mauselaine |
161 |  Blel Kadri |
Vincenzo Nibali
|
| 9.ª | 13 de xullo | Gérardmer-Mulhouse |
166 | Tony Martin |
Tony Gallopin
|
| 10.ª | 14 de xullo | Mulhouse-Planche des Belles Filles  |
161 | Vincenzo Nibali |
Vincenzo Nibali
|
| 11.ª | 16 de xullo | Besanzón-Oyonnax |
186 | Tony Gallopin |
Vincenzo Nibali
|
| 12.ª | 17 de xullo | Bourg-en-Bresse-Saint-Étienne | 183 |  Alexander Kristoff |
Vincenzo Nibali
|
| 13.ª | 18 de xullo | Saint-Étienne-Chamrousse |
200 | Vincenzo Nibali |
Vincenzo Nibali
|
| 14.ª | 19 de xullo | Grenoble-Risoul |
177 |  Rafal Majka |
Vincenzo Nibali
|
| 15.ª | 20 de xullo | Tallard-Nimes | 222 | Alexander Kristoff |
Vincenzo Nibali
|
| 16.ª | 22 de xullo | Carcasona-Bagnères-de-Luchon |
237 |  Michael Rogers |
Vincenzo Nibali
|
| 17.ª | 23 de xullo | Saint-Gaudens-Saint-Lary-Soulan |
125 | Rafal Majka |
Vincenzo Nibali
|
| 18.ª | 24 de xullo | Pau-Hautacam |
145 | Vincenzo Nibali |
Vincenzo Nibali
|
| 19.ª | 25 de xullo | Maubourguet Pays du Val d’Adour-Bergerac | 208 |  Ramunas Navardauskas |
Vincenzo Nibali
|
| 20.ª | 26 de xullo | Bergerac-Périgueux  |
54 (CRI) | Tony Martin |
Vincenzo Nibali
|
| 21.ª | 27 de xullo | Évry-París | 136 | Marcel Kittel |
Vincenzo Nibali
|
| Total | 3.663 | Vincenzo Nibali
| |||
|---|---|---|---|---|---|
Clasificación xeral
editarA seguinte táboa amosa as dez primeiras posicións da clásificación xeral trala última etapa do Tour 2014:
| Posición | Ciclista | Equipo | Tempo |
|---|---|---|---|
 |
Vincenzo Nibali |
Astana Pro Team | 89h 59' 06" |
| 2.º | Jean-Christophe Péraud |
Ag2r La Mondiale | + 07' 37" |
| 3.º | Thibaut Pinot |
FDJ.fr | + 08' 15" |
| 4.º |  Alejandro Valverde |
Movistar Team | + 09' 40" |
| 5.º |  Tejay van Garderen |
BMC Racing Team | + 11' 24" |
| 6.º | Romain Bardet |
Ag2r La Mondiale | + 11' 26" |
| 7.º |  Leopold Konig |
Team NetApp-Endura | + 14' 32" |
| 8.º | Haimar Zubeldia |
Trek Factory Racing | + 17' 57" |
| 9.º | Laurens ten Dam |
Belkin-Pro Cycling | + 18' 11" |
| 10.º | Bauke Mollema |
Belkin-Pro Cycling | + 21' 15" |