Unión Deportiva Las Palmas

Las Palmas
Las Palmas
Nome	Unión Deportiva Las Palmas, SAD
Alcume(s)	Amarillos
Fundación	22 de agosto de 1949 (75 anos)
Estadio	Gran Canaria,; As Palmas, España
Inauguración	2003
Capacidade	32.400
Presidente	Miguel Ángel Ramírez
Adestrador	Luis Carrión
Liga	Primeira División
2022–23	2.º
Na rede
	http://www.udlaspalmas.es/
Titular	Alternativo

Para outras páxinas con títulos homónimos véxase: Las Palmas.

A Unión Deportiva Las Palmas, SAD é un club de fútbol español da cidade das Palmas de Gran Canaria, na illa de Gran Canaria, que xoga actualmente na Primeira división española. Estivo 35 tempadas en Primeira División e ostenta a 19.ª posición na Clasificación histórica da Primeira División. O equipo foi subcampión na tempada 1968/69 e xogou a Copa da UEFA en tres ocasións.

O club conta con 11.364 socios^[1] e ten 38 peñas oficiais.^[2]

A Unión Deportiva Las Palmas fundouse o 22 de agosto de 1949 ó fusionarse 5 equipos locais: o Club Deportivo Gran Canaria, o Atlético Club, o Real Club Victoria, o Arenas Club e o Marino F.C.

Himno

O club tivo dous himnos oficiais, sendo o segundo o que máis éxito popular obtivo. O primeiro foi composto por José Trunchado e levaba por título "Arriba de ellos". Gonzalo Monasterio (letra) e Peón Real (música) crearon o actual himno da Unión Deportiva Las Palmas, himno que desde un primeiro momento foi ben acollido pola afección amarela. Este himno gañou en Barcelona o terceiro posto no Festival da Canción Deportiva.^[3]

Escudo

O escudo ten como base un fondo de zafiro, no centro o escudo da cidade orlado cos escudos dos cinco equipos fundadores. Entre a coroa e o escudo da cidade unha cinta amarela que leva o nome da entidade, a cidade e o arquipélago ao que representa. Entre a orla dos escudos dos cinco clubs fundadores e o escudo da cidade atópase nunha cinta branca o lema "segura ten a palma".

A Unión Deportiva Las Palmas posúe no seu escudo unha coroa e con todo, non é "real", isto débese a que a coroa foi herdada do Real Club Victoria, club fundador.

Uniforme

O uniforme da Unión Deportiva Las Palmas, quedou establecido desde o inicio da historia do club, coas cores representativas da illa de Gran Canaria, o amarelo e o azul, que fan alusión á "area loura das praias e ao azul ao océano Atlántico".

Uniforme titular: Camiseta amarela, pantalón azul, medias amarelas.
Uniforme alternativo: Camiseta vermella, pantalón branco e medias vermellas e negras, en homenaxe ao centenario do club fundador Arenas CF.
Terceiro uniforme: Camiseta cor azul con detalles amarelos, pantalón azul e medias azuis e amarelas.

Instalacións

Estadio

Artigo principal: Estadio de Gran Canaria.

España - Irlanda do Norte, Estadio de Gran Canaria, 21 de novembro de 2007.

As Palmas xoga todos os seus partidos oficiais no Estadio de Gran Canaria desde a tempada 2003/04. É o sucesor do Estadio Insular, onde xogou os seus partidos o equipo ata a tempada anterior.

Este campo de xogo, situado no barrio de Siete Palmas, ten unha capacidade de 32.665 espectadores, conta con pistas de atletismo e foi inaugurado o 8 de maio de 2003 cun partido que enfrontou á Unión Deportiva Las Palmas co RSC Anderlecht de Bélxica. O encontro terminou co resultado de 2-1 favorable aos amarelos, con goles de Rubén Castro e Alain Nkong.

Outras instalacións

As instalacións de Barranco Seco son o lugar habitual de adestramento do primeiro persoal. É un complexo provisto con dous terreos de xogo, un de céspede natural e outro de terra.

Datos do club

Tempadas en 1ª: 35 (Incluída a 2023/24)
Tempadas en 2ª: 33
Tempadas en 2ªB: 6
Tempadas en 3ª: 1
Posto na Clasificación histórica de primeira División: 19º
Mellor posto en 1ª: 2º (tempada 1968-69)
Peor posto en 1ª: 20º (tempada 1987-88)
Mellor posto en 2ª: 1º (tempadas 1953-54, 1963-64, 1984-85 e 1999-00)
Peor posto en 2ª: 20º (tempada 2003-04)
Partidos en 1ª : 1020.
Puntos en 1ª : 937.
Vitorias en 1ª : 345.
Empates en 1ª : 225.
Derrotas en 1ª : 450.
Maiores goleadas conseguidas:
- En 1ª: UD As Palmas 6-0 Hércules (02-10-1955)
- En Copa do Rei: UD As Palmas 11-1 Lalín (25-11-1985)
Maior goleada encaixada: Atlético de Madrid 9-0 UD As Palmas (20-10-1957)
Máximo goleador: Germán Dévora (119 goles)
Participación internacional: 3 veces na Copa da UEFA: (1968/69 na Copa de Feiras, 1972/1973 e 1977/1978)
Trofeo Pichichi: 2003-2004, Rubén Castro (Segunda División). 2006-2007, Marcos Márquez (Segunda División).
Trofeo Zamora: 1998-1999, Zeljko Cicovic (Segunda División)
Trofeo Zarra: 2006-2007, Marcos Márquez (Segunda División).

Xogadores

Categoría principal: Xogadores do UD Las Palmas.

Cadro actual

Nº	Posto	Xogador
1	POR	Mariano Barbosa
3	DEF	Timothée Atouba
4	MED	Vicente Gómez
5	DEF	David García
6	DEF	Ángel López
7	MED	Nauzet Alemán
8	DIA	Tato
9	DIA	Macauley Chrisantus
11	MED	Momo
12	DEF	Aythami
13	POR	Raúl Lizoain
14	MED	Hernán

Nº	Posto	Xogador
15	DEF	Deivid
17	DIA	Máyor
18	MED	Javi Castellano
20	DEF	Xabi Castillo
21	MED	Juan Carlos Valerón
22	DIA	Spas Delev
23	MED	Dani Castellano
26	DEF	Carlos Gutiérrez
30	POR	Alex Martín
	MED	Sergio Suárez
	MED	Francis Suárez

Palmarés

Torneos nacionais

Segunda División (4): 1953–54, 1963–64, 1984–85, 1999–00
Segunda División B (2): 1992–93, 1995–96
Subcampión da Primeira División (1): 1968–69
Subcampión da Copa do Rei (1): 1978
Semifinalista da Copa do Rei: 1974, 1984, 1997
Subcampión da Copa da Liga de Segunda División: 1983–84
Copa do Rei de xuvenís: 1972–73
Subcampión da Copa do Rei de xuvenís: 1969–70

Torneos amigábeis

Trofeo Ciudad de Las Palmas de Gran Canaria (5): 2000, 2001, 2002, 2006, 2009.
Torneo de San Ginés (7): 1989, 1993, 1995, 1996, 2005, 2008, 2010, 2011.
Trofeo Teide (2): 1987, 2006
Trofeo Ciudad de Almería (2): 1977, 1978
Trofeo Concepción Arenal (1): 1976
Memorial Carlos Fuentes (2): 2007, 2010
Torneo Internacional de Maspalomas (1): 2008
Torneo Internacional Ciudad de Melilla (1): 1989
Trofeo Diputación de Córdoba (1): 2009
Trofeo Ciutat de Tarragona (1): 2011

Filiais

Las Palmas Atlético

Artigo principal: UD Las Palmas Atlético.

Fundado en 1977. Tras o logro conseguido na tempada 2007-08 ascendendo á Segunda B, na temporada 2008-09 descendeu a Terceira División, onde xoga actualmente.

Ata 2010 existiu tamén un segundo filial, o Las Palmas C.

Notas

↑ A campaña de abonados cérrase con 11.364 abonados Arquivado 12 de decembro de 2009 en Wayback Machine. en UDLP.es
↑ Peñas Arquivado 08 de xaneiro de 2010 en Wayback Machine. en UDLP.es
↑ Himno Arquivado 12 de decembro de 2009 en Wayback Machine. en UDLP.es

Véxase tamén

Ligazóns externas

[1] A campaña de abonados cérrase con 11.364 abonados Arquivado 12 de decembro de 2009 en Wayback Machine. en UDLP.es

[2] Peñas Arquivado 08 de xaneiro de 2010 en Wayback Machine. en UDLP.es

[3] Himno Arquivado 12 de decembro de 2009 en Wayback Machine. en UDLP.es

[1]

[2]

[3]