Vikram Samvat

Vikrama Samvat é o nome dun dos varios calendarios hindús, dado que na India existen moitos calendarios en uso:

Vikrama Samvat: lunar e sideral solar por anos.
Shaka Samvat (tradicional): lunar e solar tropical.
Calendario Bangla: solar tropical por anos.
Tamilnadu/Kerala: solar tropical por anos como o calendario Malayalam.
Bikram Sambat Nepalés: solar tropical por anos.

A maioría das festas na India están baseadas nos dous primeiros calendarios. Algúns baséanse no ciclo solar como o Sankranti (solar sideral) e o Baisakhi (solar tropical).

Meses e correspondencias aproximadas

Máis abaixo aparece unha listaxe dos meses na India. Shaka e Chaitradi Vikram (UP, Rajasthan e outros) comezan con Chaitra; Kartikadi Vikram (Gujarat, Maharashtra) comezan con Kartika.

#	Hindú	Gregoriano
1	Chaitra	Marzo-abril
2	Vaisākha	Abril-maio
3	Jyeshta	Maio-xuño
4	Āshāda	Xuño-xullo
5	Srāvana	Xullo-agosto
6	Bhādrapada	Agosto-setembro
7	Ashwina	Setembro-outubro
8	Kārtika	Outubro-novembro
9	Mārgasirsa (Agrahayana)	Novembro-decembro
10	Pausha	Decembro-xaneiro
11	Māgha	Xaneiro-febreiro
12	Phālguna	Febreiro-marzo

Os Nakshatras son divisións de ciclos onde cada 13° 20' comezan desde 0° Aries. O purnima de cada mes está sincronizado cun nakshatra.

Ciclos na India

Os ciclos do tempo na India son os seguintes:

Ciclo de 60 anos.
O ano.
As seis estacións do ano.
Cerca de 60 días (2 meses) nunha estación.
O mes (lunar).
2 pakshas nun mes, shukla (crecente) e krishna (escuro).
15 tithis nun paksha (1-14, ou XV é purnima ou amavasya).
60 ghatikas (ou 30 muhurtas ou 8 praharas) nun período de 24 horas (ahoratra).
Algúns períodos máis a completar.

Os anos están sincronizados co ano solar sideral a través da adición ou subtracción de meses.

Conversión de datas

Converter unha data dun calendario hindú a unha era común aproximada require unha complexa operación matemática:

Chaitradi Vikram (pasado): Chaitra-Pausha: subtraer 57; Pausha-Phalguna: subtraer 56.
Shaka: sumar 78-79.
Kalachuri: sumar 248-249.
Gupta/Valabhi: sumar 319-320.
Bangla: sumar 593-594.
Vira Nirvana: subtraer 527-526.

Variacións

En UP/Rajasthan, os meses son purnimanta. En Gujarat/Maharashtra, son amanta.
En inscricións, os anos deben ser gata (antigos) ou correntes.

Véxase tamén

Notas

Rai Bahadur Pandit Gaurishankar Hirachand Ojha, 'The Paleography of India', 2 ed., Ajmer, 1918, reprinted Manshuram Manoharlal publishers, 1993.