Fiz V, antipapa

Amedeo VIII proclamouse papa co nome de Fiz V

Amedeo VIII de Savoia (Chambéry, 4 de setembro de 1383 – Thonon-les-Bains, 6 de xaneiro de 1451) foi conde (1391-1416) e duque (1416-1440) de Savoia. De 1439 ao 1449 foi antipapa co nome de Fiz V.

Ao morrer seu pai, Amedeo VII de Savoia, o novo conde era moi novo polo que a súa nai Bona de Berry asumiu a rexencia pero foi apartada do poder por intrigas palacianas. Arredor de 1400 asumiu o poder, incrementou os seus dominios, casou con María de Borgoña en 1401, despois da morte da súa dona retirouse á vida monástica en 1434 e fundou a orde de San Mauricio e en 1439 un concilio contrario a Uxío IV elixiuno papa, a Igrexa Católica teno polo último dos antipapas históricos e no seu tempo tivo poucos seguidores. En 1449 ao morrer Uxío IV, Amedeo abdicou deseguido.