Albiense

Reconstrución de Anhanguera blittersdorffi, pterosauro fósil do Brasil, do albiense.

O albiense ou albiano é, na escala de tempo xeolóxico, a sexta e última idade ou piso do cretáceo inferior.

Descrición

Este piso estendeuse desde hai 113,0 até hai 100,5 millóns de anos aproximadamente.

Debe o seu nome ao río Aube (que deriva de Albion, despois Alba, nome latino do río), nome do que deriva tamén o topónimo Aube, departamento francés atravesado por este río.

Sucede ao aptiense e é anterior ao cenomaniense, do cretáceo superior.

O termo albiense foi proposto en 1842 por Alcide d'Orbigny para este piso do sistema cretáceo.

Algúns afloramentos representativos da idade albiana son dignos de mención: as capas fosfáticas e de limolitas de Argonne e Bray en Francia; o Flammenmergel do norte de Alemaña, os lignitos de Utrillas en España; as areíscas superiores de Nubia e as capas de Fredericksburg de Norteamérica.

Véxase tamén

Bibliografía

• d'Orbigny, Alcide (1842): Paléontologie française: Terrains crétacés, vol. II.
• Gradstein, F. M.; Ogg, J. G. & Smith, A. G. (2004): A Geologic Time Scale 2004, Cambridge University Press.
• Kennedy, W. J.; Gale, A. S.; Lees, J. A. & Caron, M. (2004): The Global Boundary Stratotype Section and Point (GSSP) for the base of the Cenomanian Stage, Mont Risou, Hautes-Alpes, France, Episodes 27, pp. 21–32.

Outros artigos

• Cretáceo

Ligazóns externas

• GeoWhen Database - Albian
• Albian Stage, Cretaceous Period in Hampshire

---

Este artigo sobre xeoloxía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---