Eduard Suess

Eduard Suess
	; (1890)
Biografía
Nacemento	20 de agosto de 1831 ; Londres, Reino Unido
Morte	26 de abril de 1914 (82 anos); Viena, Austria
Lugar de sepultura	Marz (en)
Member of the Landtag of Lower Austria (en)
Member of Abgeordnetenhaus (en)
Datos persoais
Educación	Universidade Técnica de Viena
Actividade
Campo de traballo	Xeoloxía
Lugar de traballo	Viena
Ocupación	paleontólogo, profesor universitario, político, xeólogo
Empregador	Universidade de Viena
Partido político	Partido Liberal Alemão (pt)
Membro de	Accademia delle Scienze di Torino (1910–); Academia francesa das ciencias (membro asociado) (1900–); Academia Naciona de Ciencias dos Estados Unidos (asociado estranxeiro da Academia Nacional de Ciencias) (1898–); Real Academia das Ciencias de Suecia (1895–); Royal Society (1894–); Academia francesa das ciencias (membro correspondente) (1889–1900); Royal Physiographic Society in Lund (en) (1888–); Academia Prusiana das Ciencias ; Academia de Ciencias de Rusia ; Academia de Ciencias de Baviera ; Academia de Ciencias de Gotinga ; Academia Austríaca de Ciencias
Alumnos	Rudolf Hoernes (pt)
Familia
Fillos	Franz Eduard Suess
Irmáns	Friedrich Sueß
Premios
	(1903) Medalla Copley; (1896) Medalla Wollaston; (26 de abril de 1894) Membro estranxeiro da Royal Society; (1892) Hayden Memorial Geological Award (en) ; doutor honoris causa da Universidade Técnica de Viena ;
Descrito pola fonte	Nordisk familjebok; Grande Enciclopedia Soviética 1969-1978, (sec:Зюсс Эдуард); Pequeno Dicionario Enciclopédico de Brockhaus e Efron

Suess foi o o descubridor da existencia do bloque continental Gondwana.

Eduard Suess, nado en Londres, Reino Unido, o 20 de agosto de 1831 e finado Viena, Imperio Austrohúngaro, o 26 de abril de 1914, foi un xeólogo austríaco experto na xeografía dos Alpes.

É o responsábel do descubrimento de dúas signifidas características xeográficas xa perdidas, o supercontinente Gondwana (proposto en 1861) e o Océano Tetis (proposto en 1901).

Traxectoria

Nado en Londres, Inglaterra, era o fillo máis vello de Adolph Suess, un comerciante luterano de Saxonia^[1] e Eleonore Zdekauer. Aos tres anos a súa familia mudouse a Praga, e despois, cando Suess tiña 14 anos, a Viena. Interesado desde mozo na xeoloxía, publicou o seu primeiro traballo aos 19 anos sobre a xeoloxía de Karlsbad (hoxe Karlovy Vary, na República Checa).

En 1855 casou con Hermine Strauss, a filla dun prominente médico de Praga. No seu matrimonio tivo cinco fillos e unha filla.^[1]

Die Enststehung der Alpen

Suess tiña 44 anos cando publicou Die Enststehung der Alpen, en 1875. Dito libro só tiña 168 páxinas e ningunha ilustración. Baseásabase principalmente nas observacións que fixera en Bohemia (actual República Checa) e nos Alpes orientais. Os xeológos contemporanéos recoñeceron o seu valor e o libro efectivamente revolucionou o estudo da tectónica. Con Die Enststehung der Alpen Suess mostra que a estratigrafía e a xeoloxía estrutural poden empregarse para estudar a oroxénese. No libro tamén queda claro que as oroxenias son fenómenos que deben eternderse a unha escala global. O historiador da ciencia A. M. Celâl Şengör sinala que Suess resalta pola súa orixinalidade e gran capacidade de síntese no libro.^[2]

No libro rexeita a tese da elevación vertical das cordilleiras como resultado da elevación de "núcleos cristalinos". Respecto aos Alpes, Suess enfatiza a importancia dos movementos horizontais sobre os veriticais. Tamén se constata que as cordilleiras son asimétricas e a súa verxencia varía. En Die Enststehung der Alpen Suess postula que as cordilleiras fórmanse inicialmente pola aparición dunha falla ou pregamento perpendiculares á dirección da presión lateral terminando no cabalgamento dun lado sobre o outro, do que resulta unha asimetría.^[2]

En Die Enststehung der Alpen Suess mostra unha postura crítica sobre o uso de episodios de oroxénese como base para subdividir a historia xeolóxica en eras. En troques, suxire que as transgresións e regresións mariñas poden servir mellor para tal propósito.^[2]

Das Antlitz der Erde

Entre 1883 e 1909 Suess publicou os catro tomos da súa magna obra Das Antlitz der Erde (A Face da Terra). Nela postula que as oroxenias débense á contracción da Terra. A contracción non é uniforme, segundo Suess, así que as zonas que máis se contraen afundiron cara ao interior formado as enormes depresións que hoxe ocupan os océanos. Ao diminuír a zona da superficie terrestre xeraríanse movementos tanxenciais que, segundo Suess, explicarían a compresión reflectida nas oroxenias. Así e todo, no último tomo de Das Antlitz der Erde Suess recoñece que unha contracción do planeta non é suficiente para explicar a compresión vista nalgúns oróxenos.^[3]

Principais obras

Boehmische Graptolithen (Os graptólitos de Bohemia) (1852)
Über die Brachiopoden der Kössener Schichten (1854)
Der Boden der Stadt Wien (1862)
Ueber den Loess (1866)
Die Entstehung der Alpen (O nacemento dos Alpes) (1875)
Das Antlitz der Erde (A face da Terra) (1885–1909)
Die Zukunft des Silbers (1892)
Erinnerungen (1916)

Recoñecementos

Suess está considerado un dos primeiros expertos en ecoloxía.

Publicou de 1885 a 1901 unha síntese comprensiva das súas ideas co nome de Das Antlitz der Erde, obra que se converteu nun influente libro de texto durante varios anos.

Nos seus traballos Suess introduciu tamén o concepto de biosfera,^[4] que logo foi estendido por Vladimir Vernadskii en 1926.

Foi galardoado coa Medalla Copley da Royal Society en 1903.

O cráter lunar Suess,^[5] así como un cráter de impacto en Marte foron nomeados na súa honra.

Notas

↑ ^1,0 ^1,1 Kemp, J. F. (1914). "Science: Edward Suess". The Nation (en inglés) (Nova York: New York Evening Post) 98 (2553): 671. Consultado o 05-08-2016.
↑ ^2,0 ^2,1 ^2,2 Şengör, A. M. Celâl (1982). "Classical theories of orogenesis". En Miyashiro, Akiho; Aki, Keiiti; Şengör, A. M. Celâl. Orogeny. John Wiley & Sons. pp. 9-13. ISBN 0471103764.
↑ Şengör, A. M. Celâl (1982). "Classical theories of orogenesis". En Miyashiro, Akiho; Aki, Keiiti; Şengör, A. M. Celâl. Orogeny. John Wiley & Sons. pp. 17-18. ISBN 0471103764.
↑ Suess, Eduard (1875) Die Entstehung der Alpen. Viena: Wilhelm Braumüller. Páx. 159.
↑ Andersson, L. E.; Whitaker, E. A. (1982). NASA Catalogue of Lunar Nomenclature. NASA RP-1097.

Véxase tamén

Bibliografía

Schuchert, C (1914). "Eduard Suess". Science 39 (1017): 933–935. PMID 17812397. doi:10.1126/science.39.1017.933.
Laudan, R (xaneiro de 1983). "Geological Thought from Hutton to Suess". Science 219 (4582): 280. PMID 17798269. doi:10.1126/science.219.4582.280.

Outros artigos

Ligazóns externas

Plate Tectonics (Tectónica de placas) (en inglés).

[nation-1] 1,0 ^1,1 Kemp, J. F. (1914). "Science: Edward Suess". The Nation (en inglés) (Nova York: New York Evening Post) 98 (2553): 671. Consultado o 05-08-2016.

[Sengor9-13-2] 2,0 ^2,1 ^2,2 Şengör, A. M. Celâl (1982). "Classical theories of orogenesis". En Miyashiro, Akiho; Aki, Keiiti; Şengör, A. M. Celâl. Orogeny. John Wiley & Sons. pp. 9-13. ISBN 0471103764.

[Sengor17-18-3] Şengör, A. M. Celâl (1982). "Classical theories of orogenesis". En Miyashiro, Akiho; Aki, Keiiti; Şengör, A. M. Celâl. Orogeny. John Wiley & Sons. pp. 17-18. ISBN 0471103764.

[4] Suess, Eduard (1875) Die Entstehung der Alpen. Viena: Wilhelm Braumüller. Páx. 159.

[5] Andersson, L. E.; Whitaker, E. A. (1982). NASA Catalogue of Lunar Nomenclature. NASA RP-1097.

[1]

[2]

[3]

[4]

[5]