Estado Bolívar

Estado Bolívar
	Bandeira Brasón
Himno	Bolívar State Anthem (en)
Epónimo	Simón Bolívar
Localización
	5°57′N 63°20′O / 5.95, -63.33
Estado	Venezuela
Capital	Ciudad Bolívar
Contén a división administrativa	Municipio Angostura ; Municipio Caroní (pt) ; Municipio Cedeño (pt) ; Municipio El Callao (pt) ; Municipio Gran Sabana (pt) ; Municipio Heres (pt) ; Municipio Padre Pedro Chién (pt) ; Municipio Piar (pt) ; Municipio Roscio (pt) ; Municipio Sifontes (pt) ; Municipio Sucre (pt)
Poboación
Poboación	2.069.064 (2015) (8,6 hab./km²)
Lingua usada	Língua sanumá (pt) ; Língua ianam (pt) ; Lingua guahibo ; Língua sapé (pt) ; Lingua pemón ; Língua hodi (pt) ; Lingua yekuana ; Língua yaruro (pt) ; Lingua piaroa ; Língua macuxi (pt) ; Língua panare (pt) ; Língua arutani (pt) ; Lingua kali'na ; Lingua akawaio ; Mapoyo (en)
Xeografía
Superficie	240.528 km²
Comparte fronteira con	Delta Amacuro (pt) ; Roraima ; Cuyuni-Mazaruni (pt) ; Barima-Waini ; Apure ; Vichada ; Anzoátegui ; Guárico (pt) ; Monagas (pt) ; Amazonas
Creación	1864
Organización política
Órgano lexislativo	Legislative Council of Bolívar (en) ,
Identificador descritivo
Fuso horario	UTC−04:00
ISO 3166-2	VE-F
Sitio web	e-bolivar.gob.ve

Para outras páxinas con títulos homónimos véxase: Bolívar.

O Estado Bolívar é unha das 24 entidades federais de Venezuela, situada na Rexión Güiana, ao sueste do país.

Ten unha extensión xeográfica de 238800 km², o que representa o 25,96 % do territorio nacional, o que o fai o estado máis grande de Venezuela.

O seu territorio está ocupado case na súa totalidade polo macizo güianés.

Ten, segundo a estimación do Instituto Nacional de Estatística de Venezuela para o ano 2015, unha poboación de 1.824.190 de habitantes,^[1] o que o converte no 7º estado máis poboado de Venezuela.

Limita ao norte cos estados de Guárico, Anzoátegui, Monagas e Delta Amacuro, ao sur co Brasil, ao leste coa Güiana Esequiba, en disputa coa República Cooperativa de Güiana, e ao oeste cos estados de Apure e Amazonas.

A súa capital é Ciudad Bolívar, e comprende 11 municipios autónomos con 47 parroquias. As súas principais cidades son, ademais da capital, Ciudad Guayana (a máis poboada do estado), Upata e Caicara del Orinoco.

Historia

Durante a colonia, formou parte da provincia de Nueva Andalucía e, máis tarde, uniuse coa provincia de Güiana, a partir de 1777 cando o rei Carlos III de España creou a Capitanía Xeneral de Venezuela.

En 1821, durante a existencia da Gran Colombia), pasou a ser o departamento de Orinoco, coa maior extensión da época (cuxa capital era Santo Tomé de la Nueva Guayana de la Angostura del Orinoco ou, máis brevemnente, Angostura).

Cando se disolveu a Gran Colombia, o territorio cambiou a provincia de Güiana até 1854, cando pasou a ser provincia de Orinoco (cuxa capital era Ciudad Bolívar).

Despois da separación, en 1856 do daquela chamado Territorio Federal Amazonas, a provincia de Güiana pasou, no aoo 1864, a chamarse estado Güiana, unha vez que na Guerra ou Revolución Federal chegou ao poder Juan Crisóstomo Falcón.

En 1881, converteuse nunha das nove entidades políticas en que se dividiu o país, recibindo o nome de Grande Estado Bolívar, conformado pola Güiana e Apure.

No ano 1887 segrégase do estado Güiana o actual estado Delta Amacuro.

En 1889 prodúcese a separación e o establecemento da autonomía dos estados Apure e Güiana, e é a partir da Constitución de 1901 cando se cambia o nome de estado Güiana por estado Bolívar, como homenaxe ao ibertador Simón Bolívar, quen establecera na cidade de Angostura, hoxe Ciudad Bolívar, as bases da acción que lle permitiu liberar de España as actuais nacións bolivarianas (Venezuela, Colombia, Panamá, Ecuador, Perú e Bolivia).

Organización político-territorial

O Estado Bolívar comprende 11 municipios, indicados a continuación, con 48 parrroquias:^[2]

Municipio	Capital	Superficie	Poboación
Angostura	Ciudad Piar	54.386 km²	30.062 hab. (2001)
Caroní	Ciudad Guayana	1.612 km²	706.736 hab. (2011)
Cedeño	Caicara del Orinoco	46.020 km²	98.000 hab. (2005)
Chien	El Palmar	2.275 km²	18.000 hab.
El Callao	El Callao	2.223 km²	17.410 hab. (2001)
Gran Sabana	Santa Elena de Uairén	32.990 km²	48.000 hab. (2006)
Heres	Ciudad Bolívar	209,52 km²	344.275 hab. (2011)
Piar	Upata	18.175 km²	109.355 hab (2008)
Roscio	Guasipati	6.182 km²	18.831 hab. (2001)
Sifontes	Tumeremo	24.393 km²	26.947 hab. (2001)
Sucre	Maripa	48.694 km²	13.481 hab. (2001)

Galería de imaxes

Salto Angel, a fervenza máis alta do mundo.
Centro de Ciudad Bolívar, a capital do estado.
Monte Roraima, no sueste de Bolívar, na zona en que Venezuela fai fronteira co Brasil e ca Güiana.
Parque Nacional de Canaima, no sueste de Bolívar.

Notas

↑ "Instituto Nacional de Estadistica - Censo 2011" (PDF). Arquivado dende o orixinal (PDF) o 24 de setembro de 2015. Consultado o 27 de abril de 2015.
↑ "Copia arquivada" (PDF). Arquivado dende o orixinal (PDF) o 02 de outubro de 2022. Consultado o 27 de abril de 2015.

Véxase tamén

Bibliografía

Gil Fortoul, José (1954): Historia Constitucional de Venezuela. Caracas: Ministerio de Educación. 3 volumes.
Siso Martínez, J. M. (1956): Historia de Venezuela. Editorial Yokoima. Venezuela – México
Aguado, Pedro (1987): Recopilación Historial de Venezuela. Caracas: Biblioteca de la Academia Nacional de Historia. 2 volumes.
Hernández Caballero, Serafín, ed. (1998): Gran Enciclopedia de Venezuela. Caracas: Editorial Globe. 10 volumes. ISBN 980-6427-00-9 ISBN 980-6427-10-6.

Outros artigos

Ligazóns externas

Datos históricos e xeográficos do Estado Bolívar (en castelán)
Páxina oficial da Gobernación de Bolívar Arquivado 06 de xullo de 2006 en Wayback Machine. (en castelán)

[1] "Instituto Nacional de Estadistica - Censo 2011" (PDF). Arquivado dende o orixinal (PDF) o 24 de setembro de 2015. Consultado o 27 de abril de 2015.

[2] "Copia arquivada" (PDF). Arquivado dende o orixinal (PDF) o 02 de outubro de 2022. Consultado o 27 de abril de 2015.

[1]

[2]