Indu jerovia

Indu jerovia niko upe jeroviakatu imba'echaéva ha iguasuvéva Índia retãme, ha Nepal retãme avei. Oreko hína amo su sua jeroviahára opa yvy ári rupi, Indu jerovia, upe Hesu rape ha islã jerovia rire, ha'e niko upe jeroviakatu guasuvéva mbohapyha.

Shiva hína peteĩva ijeroviaha guasu oĩva Trimurti-pe.

Tetã Índia-me, indu jeroviahára hína amo 80,5 % opaite tapicha kuéra oikóva ku tetãme.

Iñepyrũme, ko ñe'ẽ indu ou péysiañe'ẽ pegua, upéicha umi tapicha Péysia-gua ombohéra upe ysyry guasu Sindhu (ko'ãga, ysyry Indo).

Heta karai ñemoaranduhára ohecha Indu jerovia peteĩ joparáicha heta Índia pegua tavarandu mba'éva, orekóva heta jerovia rape ambuéva ha ndorekói moñepyrũhára. Ko indu jerovia jopara oñepyrũ amo ary 500 Kirito mboyve térã 300 Kirito rire.

Yvy kuarahyreiképe ojeikuaaporã upe mbohapy ysaja Indu jerovia pegua, oñembohérava avei Trimurti (‘mbohapy ysaja [jeroviaha pegua]’: umi jeroviaha kuimba'e Brahmá, Visnu ha Shiva), hákatu ndaipóri indu jeroviahára omomba'eguasúnte ko "Trimurti".

Ehecha avei

• Mantra
• Om namah shivaia