Kusuviru'ũ
Kusuviru'ũ ha'e yvytu puku ha pochy oipeju hatã vaíva, peteĩ ijapýra opoko yvýre ha ijapýra yvatevéva ojoaju araíre yvágape. Jepémo ndahi'aréi ha ndaituichaitéi, kóva niko yvytu mbaretevéva ojepoíva yvy ape ári ha jerekuévo ohundipa.[1] Hetave kusuviru'ũ ohupyty amo 65 térã 180 km/h oipejúvo, ha ituichakue amo 75 metro, ikatu ohasa heta kilómetro rupi oguete mboyve. Umi ipochyvéva ikatu ohupyty 450 km/h térã hetave, ituichakue amo 2 km ha opoko yvýre amo 100 km pukukuévo.
Ohasávo kusuviru'ũ, oitypa ogakuéra ha ikatu ohundipa peteĩ táva. Ko yvytu pochy ikatu ojehecha oparupi, tuichaitépe Amérika Retãvorekuéra Joaju mbytépe ha Ñemby Amérika vorekue ojeheróva Pasillo de los Tornados térã Corredor dos tornados (kusuviru'ũ hasaha'i, karaiñe'ẽme ha peroñe'ẽme), ojepysóva yvate ha mbyte Arahentína, ñemby kuarahyreike Brasil, ñemby Paraguái ha Uruguái rehe.
Mandu'apy
[jehaijey | emoambue kuatia reñoiha]- ↑ "Glossary of Meteorology, 2nd ed." American Meteorological Society: 2000. Nuoroda tikrinta 2006-11-17.