Sniaul
Sniaul | |||
![]() Sniaul - y slieau s'yrjey ayns Mannin | |||
---|---|---|---|
Yrjid: | 620 m | ||
Boayl: | ![]() | ||
Kaart boayl-oaylleeagh: | OS Landranger 95 | ||
Sorçh: | Marilyn | ||
Ingagh OS: | SC397881 |
Ta Sniaul (ny Sniaull ny y Slieau Mooar; Baarle: Snaefell) y slieau s'yrjey as yn un vullagh ny s'yrjey na 2,000 trieghyn (610 m) ayns Mannin as eh 620 m (2,034 tr) er yrjid. Ec mullagh y clieau ta stashoon traenagh, thie ooree, as kuse dy chroanyn çhellinsh ry-gheddyn.
Reayrtyn
reaghTa shennockle ry-chlashtyn ayns Mannin graa dy vel shey reeriaghtyn ry-akin veih mullagh Sniaul er laa glen: Mannin, Sostyn, Nerin, Nalbin, Bretyn as Niau.[1] Ta lhiegganyn ennagh cur shiaghtoo reeriaght lesh y çhennockle: Reeriaght Manannán, (ny yn Vooir).[2]
Ta leac er y vullagh taishbyney soiaghey conastagh queig buill veih Sniaul as nyn voddeeaghtyn:
- 31 veeiley (50 km) gys Kione ny Meayllagh (Nalbin)
- 51 veeiley (82 km) gys Scafell (Sostyn)
- 66 meeilaghyn (106 km) gys Na Beanna Boirche (Nerin Hwoaie)
- 85 meeilaghyn (137 km) gys Lerphoyll (Sostyn)
- 97 meeilaghyn (156 km) gys Divlyn (Nerin).
Drappal y slieau
reaghShe Raad-Yiarn Sniaul y çhirveish tram lectragh imbee, veih Mee Averil gys Mee Yerrey Fouyir, ta drappal ny kiare meeilaghyn veih Laksaa gys y vullagh.
Ta'n A18 (Raad Volley) goll harrish liargee Sniaul, as t'eh ny rheynn s'yrjey jeh Coorse y Clieau, cooid jeh Ratçhyn TT Ellan Vannin. Dy mennick ta shooilleyderyn jannoo ymmyd jeh'n charrlann er y raad shoh faggys da stashoon traenagh y Vungalow (y stashoon traenagh jerrinagh roish y vullagh). Ta cassan garroo goll veih'n voayl shoh gys y vullagh. Ta rheynnyn dy gharvel, dy chlaghyn sclate, dy faiyr, as dy chreg er y vollagh. Ga dy vel y bollagh girree ny s'eaynee er gerrey da'n vullagh, cha nel greienys drappal er lheh ry-laccal. Ansherbee, ta arrey goll er laccal er ny rheynnyn s'eaynee myr dy mennick ta ny rheynnyn faiyragh, creggagh, as crayee feer shliawinagh. Foddee yn drappeyder drappal y slieau er cassan çhirrym ayns 45 minnidyn dy meanagh.
Ta cowrey geodesagh, ta jeenysit 'syn obeel choncraidagh veg, taishbyney feer vullagh y clieau. Ta'n leac fysseree gleiyit er baare y charn creggagh ry-laue.
Imraaghyn
reagh- ↑ Isle of Man guide
- ↑ "Manx Notebook". Er ny hashtey veih yn lhieggan bunneydagh er 2008-05-14. Feddynit magh er 2010-09-13.
Galleree
reagh-
Entreilys coshey faggys da Stashoon y Vungalow ta ymmydit dy mennick son dy ghrappal Sniaul.
-
Raad-Yiarn Sniaul, lesh traen drappal y slieau.
-
Shenn thie oast (barrey bee nish) faggys da'n vullagh.
-
Mullagh Sniaul lesh cowrey geodesagh as y carn lesh y leac ry-laue.
-
Y leac ta taishbyney soiaghey cowraghyn thallooin as nyn voddeeaghtyn veih'n vullagh.