Carolo II de Anglaterra
Carolo II de Anglaterra (in anglese Charles II, 29 maio 1630 – 6 februario 1685) esseva le rege de Scotia ab 1649 usque su disthronar in 1651, e rege de Anglaterra, Scotia e Irlanda, ab le restauration del monarchia de 1660 usque su morte.
_-_Charles_II_(1630-1685)_-_RCIN_405672_-_Royal_Collection.jpg)
_-_Charles_II_(1630=25E2=2580=25931685)_-_BHC2609_-_Royal_Museums_Greenwich.jpg)
Carolo esseva le filio plus vetere de Carolo I. Quand su patre esseva executate in 1649, ille deveniva le rege de Scotia, ma in Anglaterra le Parlamento declarava que le pais esserea un republica. Carolo tentava invader Anglaterra con un armea scotese. Ille esseva disfacite per Oliver Cromwell al Battalia de Worcester in 1651. Ille debeva fugir a Francia. Ille habitava in Francia e le Pais Basse durante novem annos. In 1660, un nove Parlamento de Anglaterra invitava Carolo a devenir le rege, a cause de instabilitate post le morte de Cromwell. Lege declarava retroactivemente que Carolo habeva regite desde 1649.
In general, le restauration retornava le institutiones del regnos a lor conditiones ante le guerra. Carolo prefereva le tolerantia religiose, ma ille consentiva a qualque lege anti-catholic, a causa del pression del Parlamento. In su reger il habeva le final grosse epidemia del peste e le grande incendio de London. Le evento plus importante in su politica extere del 1660s esseva le secunde guerra anglo-nederlandese. In 1670, ille constitueva un alliantia con Ludovico XIV de Francia. Ludovico promitteva adjutar le in le tertie guerra anglo-nederlandese e Carolo promitteva secretemente converter al catholicismo. Le alliantia con Francia esseva impopular e Carolo debeva finiva le guerra.
Carolo habeva nulle infantes ligitime (ma al minus dece-duo infantes illigitime). Durante le final annos de su reger, il habeva un crise political proque Jacobo, Duce de York, su fratre e hereditario, esseva catholic. Parlamento esseva dividite con le faction Whig (contra Jacobo) e Tory (pro Jacobo), le precursores al partitos political. Carolo appoiava le Torys. Post le contriar del Complot de Rye House contra Carolo e Jacobo, alcun chefes del Whiges esseva executate o exiliate. Carolo rege sin le Parlamento ab 1681. Quand ille moriva, ille converteva al catholicismo.
Carolo esseva popular e esseva cognoscite como le Merry Monarch (monarcha allegre). Isto refeva su reputation pro le vivacitate, contra Oliver Cromwell e le puritanos. Ille appoiava le artes, scientificos e le architecto Christopher Wren. Su reputation academic non es bon como su reputation popular, ma il es recognoscite que su regno resultiva in stabilitate.
Linguas fonte
modificar| Lingua | Nomine |
|---|---|
| anglese (en) | Charles II of England |
| francese (fr) | Charles II (roi d'Angleterre) |
| espaniol (es) | Carlos II de Inglaterra |
| portugese (pt) | Carlos II de Inglaterra |
| italiano (it) | Carlo II d'Inghilterra |
| germano (de) | Karl II. (England) |
| russo (ru) | Карл II (король Англии) |
| latino (la) | Carolus II (rex Angliae) |