Petroleo
Petroleo[1] es un substantia liquide, natural, fossile, trovate in le subsolo, usate pro energia e pro synthetisar multe productos industrial. Le recerca, le exploration, le exploitation e le industrialisation del petroleo involve multe disciplinas e specialitates.
| Petroleo |
|---|
| instantia de: product[*], nonmineral[*], mixture[*], commodity[*] |
| subclasse de: organic non-mineral compound[*], Combustibile fossile |
|
|
|
| Commons: Petroleum |
Le petroleo es composite de multe substantias organic, principalmente hydrocarbonos. Illo es trovate in grande quantitate in le subsolo e es usate como combustibile pro mover automobiles e como materia prime in le industria chimic pro le fabrication de multe productos medicinal, alimentari, de construction, etc. Le composition chimic del oleo es principalmente hydrocarbonos. Parve quantitates de compositos continente sulfure e oxygeno es trovate equalmente.
Le rheologia del petroleo monstra que illo pote presentar se como un fluido Newtonian e plus rarmente como un fluido non-Newtonian. Un date petroleo pote esser classificate como paraffinic, si le hydrocarbonos predominante es de catena aperte e saturate (alcanos), aromatic si le hydrocarbonos predominante es le derivatos del benzeno, e naphtenic se le hydrocarbonos predominante es catenas claudite e saturate (cycloalcanos). Normalmente, le petroleo es un mixtura de iste typos extreme.
Le recerca per le petroleo in le campo, appellate exploration, es facite per le geophysico e le geologo. Post le discoperta del oleo, un cavo debe esser perforate. Hic entra le ingeniero de petroleo, qui, insimul con le geologo, face le cavo, studia le jacimento e exploita le petroleo.
Le concenso del scientistas de climate es que le uso de petroleo e altere combustibiles fossile necessita cessar proque illo es le causa del calefaction global que hodie menacia le mundo.[1]
Vide etiam
modificarDisciplinas relationate
modificarGeologia de petroleo, Ingenieria de petroleo, Ingenieria de reservoir, Ingenieria de perforation, Ingenieria de completion, Ingenieria de production, Simulation de reservoir, Stimulation
Parolas e themas relationate
modificarTurre de sondage, Technologia de punctos, Sondage directional, Ingenieria de fluidos de perforation, Porositate, Permeabilitate, Saturation de fluidos, Fluxo in le medio porose, Curva de IPR, GasLift, Plunger lift, Pumpage mechanic