Samoa
Le Stato Independente de Samoa (previemente le Samoa Occidental, in contrasto al Samoa Statounitese) es un pais que comprende le parte occidental del Insulas Samoan in le Oceano Pacific del Sud. Iste ancian colonia german e neozelandese deveniva independente in 1962. Le insulas principal son Upolu e Savai‘i. Le capital, Apia, es situate sur Upolu, assi como le aeroporto international de Faleolo.
| Samoa | |||
|
|
|||
|
|||
| Hymno: The Banner of Freedom | |||
 _(Polynesia_centered).svg)
|
|||
| Nomine native | Malo Sa’oloto Tuto’atasi o Samoa, Independent State of Samoa, Sāmoa | ||
|---|---|---|---|
| Classe | stato soveran[*], stato insular, pais | ||
| Pais | Samoa | ||
| Capital | Apia[*] | ||
| Population | 200 010 | ||
| Area | 2 842 km²  |
||
| Coordinatas | 13°44'42"S, 172°13'3"W | ||
| Linguas official | anglese, Samoan[*] | ||
| Citates gemine | Auckland[*] | ||
| Fuso horari | UTC+13:00[*], Pacific/Apia[*] | ||
| Codice telephonic | +685 | ||
| Valuta | Samoan Tālā[*], Western Samoan pound[*] | ||
| Dominio de Internet | .ws[*] | ||
| ISO 3166-1 alpha-2 | WS | ||
| ISO 3166-1 alpha-3 | WSM | ||
| ISO 3166-1 numeric | 882 | ||
| Codice IOC | SAM | ||
| Geonames ID | 4034894 | ||
| Sito web: http://www.samoagovt.ws/ | |||
| Wikimedia Commons Category Samoa | |||
Exploratores europee denominava le Insulas Samoan «Insulas del Navigatores» gratias al habilitate del samoanos como nautas. Un tratado international, concluse a Berlin in 1889, garantiva le independentia del regno samoan, ma dece annos plus tarde, Germania e le Statos Unite compartiva le archipelago in lor colonias respective.
Le samoanos constitue, post le Māori de Nove Zelanda, le populo polynesian le plus numerose. Christianismo es le religion de 99% del samoanos; un ecclesia presbyterian (le Ecclesia Christian Congregational de Samoa) comprendeva 36% del population, le Ecclesia Catholic 20%, le methodistas 15%, le Ecclesia de Jesus Christo del Sanctos del Ultime Dies 13%, e Assembleas de Deo (pentecostal) 11%. Samoa es dotate de un del septe casas de adoration bahá'í in le mundo.
Coco e bananas son recoltas importante del insulas primarimente agrari.
Rugby a 15 es extrememente popular in Samoa. Le equipa national, appellate Manu Samoa, ha actualmente le grado le plus alte del secunde classe de nationes de rugby, mesmo ante Italia (un nation del prime classe).[1] Altere sports popular in Samoa son kirikiti, un adaptation local de cricket, e netball.
Referentias
modificar- ↑ International Rugby Board (11 de julio 2011). IRB World Rankings (anglese). Archivo del original create le 2011-08-10. Recuperate le 17 de julio 2011.