Union Mundial pro Interlingua
Le Union Mundial pro Interlingua (UMI) es un entitate sin scopo lucrative que se dedica a promover le cognoscentia e le uso de Interlingua in le mundo.
| Union Mundial pro Interlingua | |
|---|---|
| Abbreviation | UMI |
| Motto | Communication sin frontieras |
| Formation | 28 de julio 1955 |
| Typo | Association loi de 1901 |
| Centro | Francia |
| Region servite | Tote le mundo |
| Linguas official | Interlingua |
| Organo principal | Consilio Executive e Consilio General |
| Pagina web | www.interlingua.com |
| Observationes | Revista official: Panorama in Interlingua |
Le UMI es un institution pro cooperation international concernente le promotion del uso de Interlingua pro communication international in situationes adequate, le information super iste lingua, le edition de manuales, dictionarios e altere publicationes de Interlingua.
Le UMI ha membros, representantes e representationes in cinque continentes. Un consilio executive con un presidente, un secretario general, un vice-secretario e un administrator custodia le activitates quotidian del UMI. Un consilio general con al maximo duo representantes ab cata pais, in le qual il ha un representation national de interlingua, discute le lineas plus longe.
Le UMI edita le magazin bimensual, Panorama in Interlingua, con informationes international in interlingua pro un publico global: jornalismo, novas, reportages, interviews, recensiones de libros, e con foco special al diffusion de interlingua e novas de interlingua globalmente.
Historia
modificarLe UMI esseva fundate le 28 de julio 1955 al Hôtel de Ville in Tours, Francia per Ric Berger. Su historic prime presidente esseva desde 1955 al su morte 1970 Alexander Gode, su prime secretario general André Schild.[1]
Le conferentias international occurreva in:
Le UMI esseva registrate juridicamente per le autoritates francese (le subprefecto del departimento Essonne in Étampes) le 3 de augusto 2006 como association numero 0911004931.
Referentias
modificar- ↑ Interlingua e su promotion durante 50 annos, p. 253, 261, 265 Ingvar Stenström, SSI, 2008, 270 pp
- ↑ 19-24 de septembre, panorama in Interlingua, anno 28 (2015) numero 5 p. 2 a 9, 11 a 13