Modification de Libya (section)

==Historia==
Libya es divise in tres regiones principal: Tripolitania, a saper le lttoral del west, que include le capital de [[Tripole]] e le maxime concentration del population; Cyrenaica, i.e. le est, con alcun considerabile citates como [[Benghazi]] e [[El Beida]]; e le Fezzan, le interior occidental e central. Le major parte del Fezzan es deserto pauc o non habitate; mesmo le regiones litoral, a contrasto con cellos de [[Tunisia]] o [[Algeria]], son largemente deserte. 

Un ancian colonia [[italia]]n, annexate per le [[fascismo|fascistas]] e passate post le [[Secunde Guerra Mundial]] sub tutela [[Regno Unite|anglo]]-[[Francia|francese]], Libya ganiava independentia in 1951 como un [[rege|regno]] sub le rege [[Idris de Libya|Idris]]. Quando iste recipeva tractamento medical in [[Turchia]] in 1969, le colonnello [[Muammar Gaddafi]] ha prise controlo in un colpo de stato. Gaddafi reorientava le stato verso nationalismo pan-arabe e pan-african.

Gaddafi ha governate Libya secundo su proprie ideas de organisation del Stato: post 1977, le pais esseva nominate non un [[republica]] (''jumhūriyyah'') ma un ''jamāhīriyyah'', o «stato del massas», un neologismo libyc trovate in le ''Libro Verde'' in le qual Gaddafi elabora su theorias politic. Theoricamente, le Libya de Gaddafi esseva un [[democratia]] directe, sin partitos politic, in qual [[sharia]] esseva un fonte importante del lege. Nonobstante, il restava un «sector revolutionari» del stato libyc, includente le Dirigente del Revolution (Gaddafi ipse), un Consilio al Commando Revolutionari de 12 membros non electe, e committees revolutionari; gratias al influentia omnipresente de iste sector revolutionari, le stato esseva in practica un [[dictatura]]. In 2010, Libya esseva al grado de 51,5 sur 100 secundo le Indice Ibrahim,<ref>{{cite web|url=http://www.moibrahimfoundation.org/pt/section/the-ibrahim-index|title=O Índice Ibrahim |accessdate=28 de februario 2011}} {{pt}}</ref> «non libere» secundo ''Freedom in the World'',<ref>{{cite web |url=http://www.freedomhouse.org/uploads/fiw10/FIW_2010_Tables_and_Graphs.pdf |title=Freedom in the World |date=2010 |author=Freedom House |accessdate=28 de februario 2011 |archiveurl=https://web.archive.org/web/20100215035840/http://www.freedomhouse.org/uploads/fiw10/FIW_2010_Tables_and_Graphs.pdf |archivedate=2010-02-15 }} {{en}}</ref> e «autoritari» secundo le Indice de Democratia.<ref>{{cite web|url=http://graphics.eiu.com/PDF/Democracy_Index_2010_web.pdf |title=Democracy Index, 2010 |accessdate= 28 de februario 2011 |author=''The Economist'' Intelligence Unit}} {{en}}</ref> In februario [[2011]], post 42 annos del dominio de Gaddafi, un movimento popular ha misse fin a su controlo in grande partes del pais, comenciante in le urbe de Benghazi. Post un violente repression, le revolta ha devenite general in Cyrenaica e ha attingite Tripolitania. Un avantiamento rebelle in augusto 2011 resultava in le liberation del capital, Tripole. [[Muammar Gaddafi]] esseva capturate e occise le [[20 de octobre]] 2011.

[[File:Leptis Magna Arch of Septimus Severus.jpg|left|thumb|Arco de [[Septimio Severo]] a [[Leptis Magne]].]]
Libya tene un longissime historia. Ante su colonisation per le arabes in 647, Libya esseva un partito del [[Imperio Roman]], le location de colonias [[Carthagine|carthaginese]] e [[Grecia antique|grec antique]], un zona de excambio [[Cypro|cypriota]] e [[Egypto|egyptian]], e un focar del populationes berbere e punic. Le sitos archeologic de [[Cyrene]] (Jebel Akhdar), [[Leptis Magne]] (Khums) e [[Sabratha]] (Zawiya) son sitos del [[Patrimonio Mundial]] del [[UNESCO]], assi como le ancian citate de [[Ghadames]] (antiquissime urbe berbere) e [[Tadrart Acaco]] (pro su picturas neolithic sur petra).