Begolohan( stund up comedy sasak )

NAMA : RENDI SAPUTRA

UTUSAN : SDN 3 SANDUBAYA
NOMOR : 022A
Assalamualaikum warohmatullohiwabarokaaatuh…(tunggu dulu orang jawab
salam )
( yooh.. tadah lemah bE pede njawab salam te )
Manek panggang LE katas botu…? Assalamualaikum
warohmatullohiwabarokaaatuh…( tunggu lagi orang jawab salam…)
( Nooh..papah te sebutang side pede manek panggang jak..cigaaah so side
pede njawab salam te…)
….( popuk alung le katas sempere…? kederean doang gawekne sik popuk alung
ino taek tipak atas sempere…, loun nggerapak so ye,sere sere doang.
Keh…te lanjutwah…
Kenalang aranku lek Rendi…oku te utus sik presiden ngewakilin SDN telu
sandubeye,oku asli lekan nooooooh…jaooooook…REBAN TEBU ISLEND arane
Oku anak kedue lekan 2 besemeton,oku tekakayan,sementere ine gagahan oku
sekejik sik odingku,luE’an ye…pedasang bE ruangku…gagah oku ndi…? ( tunggu
jawab dulu )…no kan apajak ongkatku…
Terus arak cerita inE…
Jori Gen Ku lalo mataram bareng amangku… pas klem ino, ngenE ongkat
amangku…!
Rendi…lema an isik mEk pidem klem inE,jmak kLEmak te aneng paman mEk
LEk mataram ongkatne…wokEEEh amaq gagah ongkatku…
Terus lalo oku ngEndEng izin sugul belenje semendek, ku lalo mbeli antimo,
loguk ndeku ulak mbadak amangku angkunku mbeli antimo,soalne ndeku smel
girangku mabok ngutek mun ku bemobil, ampok nooo jaooooook taok ku
mouk mbeli antimo…
Ampok tulak tulak oku sik mbeli antimo ino gitak ku bE lek warung bakso,
dengan sik belenje mbeli bakso ino kenyingkene ngEkEk mangkok dagang
bakso ino,yoooh ongkatku,ne ngumbE’ dirikne te dengan ino, penasaran bE
oku..bejulu julu oku tun Dengan BonEng kenyingkene nonon oik bakso ne…
marak ruana sik ngEkE mangkok ino bonuan aduuuuh…bese jak wah klem doit
wah ngantok oku jori salak penggitakku…huhhh
Terus sampai sampai baLe langsung ku istirahat,lanjut sik uras suboh marak
biasa,wuduk sembahyang…jerak sembahyang terus inemku antimo ino terus
mondik rous doit siapang tas kence kelombi sik ku gen jouk…
Ampok tibe2 tekeLek oku sik amangku…! Rendi…teh te berangkat…okE siap
amaq imut ongkatku…!
Sugul-sugul oku kenyingkene manasang montor amangku, taget bE
oku,knangku te ngodu mobil..wah jak lalo bE oku jaok jaok mbeli antimo klem
ino ku inem agen ndak ku mabok mobil…loguk ndekne ngumbE ngumbE,sik
penting berangkaaaat ongkatku…
Naaah…ternyete te ngodu montor ino endah asik..lebih bebas ite nggitek
pemandangan kiri kanan julu mudinte…arak manek sik kenyingkene rapat
endah gitakku ye bareng batur batur padan manek ne…arak gitaku dengan lalo
ngingson dedagangan ne endah sompik ngecok, ngenE angkune ( contohkan
gaya ngingson ),doit lueeeeeeek endah sik loin pokokne seruu…ampok taok
anehne endah ndi, bilang komi beseLEwanan sik montor honde kanso ne
ngenE doang ongkat klakson ne…kredit… kredit…! + kredit… kredit…!...leeeh
ongkatku..sang LuEk dengan pede ngredit monto ndir..terus lamun montor
amangku jak ngenE ongkatne…nonggak…nonggak…! + nonggak…
nonggak…!...eneeh pire bulante wayah nE nonggak montor sik taekin ku inE
ongkat angenku…
Naaah terus singket cerite…sampailah komi lek baLen paman ino…sampE
sampE tono lapar oku,mELEngku sugul belanja ongkatku…ampok beketoan oku
lek pamanku,paman… mbE taok dagang tEnE paman…menE mEk sugul sekejik
lek gang ini gitak mEk so kios ngene…
Sugul lah oku,tetu ku ndoit kios..sampai sampai tono,bketoan oku lek EpEn
kios ino,de njual ye kE inE pak jeje inE…? ante so…mesek ku majang ye doang
ngene…! Bonuan kE sekejik ruan dagangan de…
Ampok tibe tibe erek dengan bajang dateng,ngodu singLEt..ye bideng leteng
kurus,betatok lek betek ne gambar ulet bulu…ampok tatok lek dedene kE
JAGAL ngene…leehhh leger oku..tukang gorok wah inE ongkat ku dalem
angenku, ampok tibe tibe ngeNE ongkatne…! Bayar ngenE…! Apaaa ongkatku
sompiku leger, menE taok ku belanja,kan ku bebayar lek side ongkatku…!
Ampok ngenE ongkatne,oku inE prEman LEk tEnE ongkatne…! Ndeku roni
ampok sadEk ku so iye 5000 terus ku nyedi…
Sampai lek paman ino,becerita oku kejadian sik beruk ino,ampok ngENE ongkat
paman ino : mosi doang lek preman ngengek ino girang nggonggu
dengan..terus langsung so telpon nePOLMAS sik pamanku,ampok terus bou ne
lah ye sik POLMAS,LuEEEEEk komi manto ye kence warge sik Lek tono…ketoan
ne iye sik pak POLMAS : tatok apa LEK betek mEk ini ngene..? uLet bulu inE
ngene,jemak mune beLEk berubah ye jori neGe inE ngene…! Terus LEk dede
MEk ini jak apa te…? ndEk ne mELE mbukak singLEt ne, tedok ye ndah preman
inE…ampokne awEk jamak bukak singLEt ne sik Pak POLMAS…selun selun gitak
komi Tatokne sik LEK dede ne ino…JAGALAH KEBERSIHAN LINGKUNGAN
ngene….Leeeh ruene doang serem ternyete…ore…ku taok taok jak ku juang bE
ye manek anggene tongkEt uLet bulu sik LEk betekne ino…sampengne
nDekman beLEk…
Terus ceritene uLEk wah komi Lekan mataram…sampai sampai bALE langsung
komi berangkat tipak Jakarta, tEnak na oku ampok sik amangku…arak te urus
ongkat amangku…milu anta ngene…yaaa mELE ndEk mELE harus berangkat
kanjak perintah dengan toakte…tumben ampok ni ku taEk pesawat deit tipak
jakarta, leeh knangku ndEkne ngEnE idap pesawat..ternyete nderek idapne…
Pas gen turun lekan pesawat,mosi ku ngilat tangga pesawat ino beruk sekEk…
ampok tibe-tibe
Rendi…Rendi…ooooo Rendi ongkat inangku…uras anta wah asar inE…
sembahyang ito ngenE…!
Leeeh bureng oku nggitek Kota Jakarta…
Oku Rendi…terimakasih
Assalamualaikum warohmatullohiwabarokaaatuh