Malu Dreyer

Maria Luise Anna „Malu“ Dreyer es un feminin politica de Germania del Socialdemocratic Partise de Germania. Ella nascet li 6-im de februar 1961 in Neustadt an der Weinstraße e es desde li annu 2013 prim-ministre del país federal Rheinland-Palatinia.

Personal e professional vive

Malu Dreyer studiat jurisprudentie in Mainz. Inter 1989 e 1991 ella laborat al universitá de Mainz quam scientific assistente. In li annu 1991 Dreyer laborat quam procurator in Bad Kreuznach.

Desde li 2004 Malu Dreyer es maritat con li politico Klaus Jensen. Dreyer have desde li annu li osse-maladie multible-sclerose.

Political cariera

1994 Malu Dreyer devenit membre del Socialdemocratic Partise de Germania.
1995-1997 Borgomastro de Bad Kreuznach.
1997-2002 Malu Dreyer laborat in li administration del cité Mainz quam decernente.
2002-2006 Ministra de Rheinland-Palatinia por labore, social aferes, families e sanitá in li guvernament de Kurt Beck.
2005-2013 Presidente del Socialdemocratic Partise de Germania in Trier.
2006 Malu Dreyer es electet in li parlament del país federal Rheinland-Palatinia.
2006-2011 Ministra de Rheinland-Palatinia por labore, social aferes, sanitá, families e féminas in li guvernament de Kurt Beck.
2011-2013 Ministra de Rheinland-Palatinia por social aferes, labore, sanitá e demografie in li guvernament de Kurt Beck.
2013 In li januar 2013 Malu Dreyer devenit quam unesim fémina prim-ministre del país federal Rheinland-Palatinia.
2017 Malu Dreyer es electet quam vice-presidente del Socialdemocratic Partise de Germania li 7-im de decembre 2017 e in li junio 2017 ella esset electet quam presidente del consilie del administration del german statal television ZDF.