Paul Tortelier

Paul Tortelier
Profesiono:	muzikisto
Lando:	Francia
Naskodato:	21 di marto 1914
Nasko-loko:	Paris
Mortodato:	18 di decembro 1990
Morto-loko:	Chaussy, Francia

Paul Tortelier (n. ye la 21ma di marto 1914 til la 18ma di decembro 1990) esis Franca violoncelisto.

Ilu naskis en Paris. Ilua patro, di Bretoniana origino, esis menuzisto ed amatore pleis violino e mandolino; il e lua spozino, elqua prizis la violoncelo, kurajigis yuna Paul pri pleado di violoncelo. Evante 12 yari Paul eniris la konservatorio di Paris, ube, evante 16 yari, il ganis la unesma premio por ta instrumento. De 1931 il pleis kun orkestri en Francia; dum ta yari il unesmafoye pleis kom soloisto, en la koncerto-peco da Edouard Lalo. De 1937 til 1940 il esis unesma violoncelisto di la simfoniala orkestro di Boston, Usa, ube il anke havis kariero kom soloisto. De 1956 il esis muzikala profesoro en la konservatorio ye Paris, e pose esis akademiano ye altra Europana instituti. Il inventis la pique Tortelier, hokoza stango ye la bazo di la violoncelo per qua on povas tenar la instrumento preske horizontale.