Unesma Bulgara imperio

L'unesma Bulgara imperio esis Mezepokala stato qua existis de la 7ma til la 11ma yarcenti. Ol fondesis en 680 o 681 da Asparuh, chefo di Bulgari, tribuo qua originis en central Azia, qua movis adsude til la nordo di Balkania. Li asekuris lia dominaco en la regiono kande li vinkis - posible helpita da lokala Slava tribui - Bizancana armeo komandita da Konstantinos la 4ma di Bizanco. L'imperio divenis importanta spiritala e kulturala centro por Slava populi dum Mezepoko.

Unesma Bulgara imperio en 850.

Bulgari e lokala tribui gradope intermariajis, ed adoptis la linguo dil Slavi. To gradope formacis la kulturo Bulgara, de la 7ma til la 10ma yarcenti. Li adoptis kristanismo e plusolidigis lia kulturo per literaturo, komence skribita per Glagolitik-alfabeto e pose per Kirila alfabeto. La developo dil Anciena Slavoniana linguo, uzita en la literaturo ed en eklezial aferi, preventis l'asimilo di sudala Slavi da vicina kulturi.

Dum la fino di la 9ma e komenco di la 10ma yarcenti, Simeon la 1ma di Bulgaria obtenis serio di vinki kontre Bizancani, ed agnoskesis kun la titulo "imperiestro". Pos exterminir Bizancana armeo dum la batalio di Anchialus en 917, Bizancani siejis Konstantinoplo en 923 e 924. Tamen, Bizancani pose rekuperis su, e vinkis Bulgari en 1014 e fine en 1018, kande la lasta fortifikaji Bulgara kapitulacis a Bizancani.