Kodhok
| Kodhok Kalamangsa: Jura - Saiki | |
|---|---|
.jpg)
| |
| Dendropsophus microcephalus | |
| Klasifikasi ngèlmiah | |
| Karajan: | Animalia |
| Filum: | Chordata |
| Klas: | Amphibia |
| Ordho: | Anura Merrem, 1820 |
| Subordo | |
|
Archaeobatrachia | |
Kodhok (basa Inggris: frog) lan bangkong (b. Inggris: toad) (anake disebut percil) iku kéwan amfibi sing paling ditepungi wong ing Indonésia.[1]Amphi kang artiné rangkep loro lan Bios artiné urip utawa kéwan kang duwé balung mburi (vertebrata) bisa uripé ana ing loro alam, saengga kodhok uga bisa ngalamimetamorfosis ya iku semangsa urip ing banyu ngunakake kepet/ingsan.[1] Ambegan nganggo ingsan uga langi karo kepet buntuté.[1] Ing mangsa diwasa kodhok bisa ambegan karo paru-paru lan mlaku nganggo sikil ana ing lemah.[1] Kulawarga kéwan iki kagolong kodhok kang ora duwé buntut (anura) lang bangsa (apoda) uga kagolong amfibi kang duwé buntut lan sikil ya iku kabèh kalebu ing suku salamander (caudata/urodela).[1] Bocah-bocah biasané seneng karo kodhok amarga wanguné lucu, kerep mlumpat-mlumpat, ora tau nyokot lan ora mbebayani.[1] Mung wong diwasa sing kerep rumangsa jijik utawa wedi sing ora ana alasané marang kodhok.[1]
Awaké kodhok cendhèk, lemu utawa kuru, gegeré rada wungkuk, sikilé papat lan ora ana buntuté (anura: a ora, ura buntut).[1] Kodhok umumé duwé kulit alus, lembab, kanthi sikil mburi sing dawa.[1] Suwaliké bangkong kulité kasar mawa bintil-bintil nganti mbingkul-mbingkul, asring garing, lan sikil mburiné asring mung cendhak waé, saéngga akèh-akèhé kurang pinter mlumpat adoh.[1]
Punah
Presidén Perkumpulan Kebun Binatang se-Asia Tenggara (SEAZA) Drs Jansen Manansang M.Sc nerangaké yèn kurang luwuh 10 èwu nganti 600 èwu spesies kodhok punah.[2] Kahanan iki mrelokaké rékomendasi kanggo anané upaya konsérvasi amphibia ing Indonésia.[2]
Indonésia nduwèni spesiés kodhok kang paling akèh ing Asia lan nomer loro sadonya sawisé Brasil.[2] Ananging spesies kodhok ing Indonésia uga akèh sing punah.[2]
Ana spesies kodhok kang wis angél ditemokaké, kayata kodhok sawah kang urip ing sawah.[2] Kodhok sawah akèh sing mati amarga akèh pari kang disemprot péstisida saéngga kodhok padha keracunan lan ora gelem urip ing sawah.[2]
Saliayané iku éfék pemanasan global kang marakaké inféksi jamur clyrid uga ing méh kabéh tlatah ing donya uga ndadékaké satwa khususé amphibia dadi punah.[2]
Panalitén Global Amphibian Assessment nerangaké yèn saka 5.918 spesies amphibi , 35 spesies dipestéké punah, 1.896 spesies ing kondisi kang kritis lan 2604 spesies méh punah.[2]
Spesies anyar
Ing Panama ditemokaké spésiés kodhok anyar.[3] Ana rong spésiés anyar kang ditemokaké.[3] Kodhok kang sikilé ngglembung iki nduwèni jeneng ilmiah Pristimantis educatoris.[3] Para paneliti kang ketuané herpetologis saka University of Maryland, Amérika Sarékat Karen Lips nemokaké spésiés anyar iki ing El Cope, ya iku sawijining laladan ing njeroné Taman Nasional Omar Torrijos, Panama.[3] Kodhok iki ukura awaké cilik banget.[3] Dawane mung 0,8 nganti 1,6 inci utawa 2 nganti 4 centiméter.[3] Werna matané gabungan antarané werna abang lan kuning rada oranyé.[3]
Ana manéh spésiés anyar kang ditemokaké ing Cerro Piña, Propinsi Darien, Panama, ya iku tapal wates Kolombia.[3] Kodhok spesies anyar iki nduwèni jeneng ilmiah Pristimantis adnus.[3] Padha kaya kodhok kang ditemokaké sepisanan mau, kodhok iki uga nduwèni ukuran awak kang cilik, dawané 0,8 inci utawa rong centimeter.[3] Kulité awerna ijo kanthi motif garis-garis klawu.[3]
Saliyané iku ana uga spésiés-spésiés anyar kang ditemokaké nalika ékspédisi kang dipimpin déning herpetologis saka Konservasi Internasional lan Ahli Ornitologi saka Ecotropico Foundation ing pegunungan Kolombia laladan Tacarcuna Darien, ing tapal wates Panama.[3] Spésiés anyar iki kurang luwih ana 10 spesiés, kalebu kodhok kang kulité ana eriné lan ana telu variétas kodhok kang kulité transparan kang ditemokaké ing kawasan pegunungan ing Kolumbia.[3]
Ing wektu kurang luwih 3 minggu, para ilmuwan ngidéntifikasi kira-kira 60 spésiés amfibi, 20 réptil lan 120 spésiés manuk kang jarang ditemokaké.[3]
Saka 60 amfibi kang wis ditemokaké, ana spesies anyar kang bisa kagolongaké dadi telung kelas ya iku Nymphargus, Cochranella, lan Centrolene.[3] Kodhok beracun saka famili Dendrobatidae (genus Colostethus, Ranitomeya, lan Anomaloglossus)ya iku kodhok saka jinis Atelopus kang cacahe siji, lan kodhok saka spesies kodhok hujan saka genus Pristimantis lan siji salamander jinis Bolitoglossa.[4]
Murup
Para panaliti nemokaké yèn ana spesies kodhok kang awaké bisa murup.[5] Spesies iki trakhir ditemokaké ing India kurang luwih seabad kapungkur.[5] Saka kahanan iki bisa disimpulaké yèn kéwan iki bisa urip sajroné krisis global kang nyebabaké akèh kéwan amfibi kang mati.[6] Robin Moore, ahli ngenani kéwan amfibi ing Conservation International, nerangaké yèn kéwan iki ulet lan bisa tahan karo penyakit kang mbebayani.[5] Panyebabé bisa amarga daya tahan génetiké utawa spesies kang bisa murup iki pancén nduwèni baktéri kang bisa nglawan penyakit.[5]
Ing India, katemokaké limang spesies kang nduwèni keragaman hayati Ghats Barat.[5] Tuladhané spesies Chalazodes Bubble-nest frog, kang bisa murup.[5] Kamangka spesies iki terakhir katemokaké ing taun pada 1874.[5] SD Biju saka University of Delhi nerangaké yèn kodhok iki urip ing sangisoré alang-alang nalika wayah awan.[5]
Jinise kodhok
Sapérangan jinis kodhok sing umum antarané:
- bangkong mawa sungu (Megophrys montana), ing gunung-gunung
- bangkong serasah (Leptobrachium hasseltii), ing alas
- bangkong kali (Bufo asper), ing sekitar kali
- bangkong kolong (B. melanostictus), ing lingkungan omah
- belentung (Kaloula baleata)
- kongkang blumbang (Rana chalconota), ing sekitar blumbang, saluran banyu lan kali
- kongkang gadhing (Rana erythraea), ing blumbang lan tlaga
- bancèt ijo (Occidozyga lima), ing sawah-sawah
- kodhok tegalan (Fejervarya limnocharis), ing sawah lan tegalan
- kodhok sawah (Fejervarya cancrivora), ing sawah lan galengan
- kodhok watu (Limnonectes macrodon), ing sekitar kali lan saluran banyu ing kebon
- kadhok-wit mawa garis (Polypedates leucomystax), ing cerak blumbang lan jugangan banyu ing kebon
- precil jawa (Microhyla achatina)
Kodhok alas:
- kongkang racun (Rana hosii), ing alas pedalaman
- kodok-puru alas (Ingerophrynus biporcatus)
- kodhok ndhas-pipih kalimantan (Barbourula kalimantanensis), statusé kaancam punah, siji-sijiné kodhok sing ora duwé paru-paru
- bangkong tuli (Limnonectes kuhlii), ing pinggir kali utawa ilènan banyu
Ing ngisor iki sapérangan jinis kodhok sing statusé kritis lan kaancam ing Indonésia.
- kodhok abang (Leptophryne cruentata), statusé kritis, endhemik Jawa Kulon
- kodhok wit ungaran (Philautus jacobsoni), kritis, endhemik alas Jawa Tengah
- kongkang jeram (Hula masonii), statusé rentan, endhemik Taman Nasional Gunung Halimun
- kodhok wit mutiara (Nytixalus margaritifer), rentan, endhemik Taman Nasional Gunung Halimun
- kodhok wit sikil putih (Philautus pallidipes), rentan, endhemik Taman Nasional Gunung Halimun
- kodhok wit jawa (Rhacophorus javanus), rentan, endhemik Taman Nasional Gunung Halimun
Pranala njaba
| Wikimedia Commons duwé médhia ngenani Kodhok . |
| Wikispecies duwé tetélan sing gegayutan: Anura |
- The Whole Frog Project - Virtual frog dissection and anatomy
- Disappearance of toads, frogs has some scientists worried - San Francisco Chronicle, April 20, 1992
- Xenbase - A Xenopus laevis and tropicalis Web Resource
- Amphibia Web
- Time-lapse video showing the egg's development until hatching
- Frog calls - short video clips of calling frogs and interviews with scientists about frog issues, including declining and malformed frog causes
- Frog calls - Canada
- eastern United States Frog calls - eastern United States
- Record UK Frogspawn sightings here - Springwatch 2006
- Frogwatch USA volunteer frog and toad monitoring program by National Wildlife Federation and USGS, includes links to frog calls of the United States
- Amphibian photo gallery by scientific name - features many unusual frogs
- Scientific American: Researchers Pinpoint Source of Poison Frogs' Deadly Defenses
Cathetan suku
- ↑ a b c d e f g h i j http://berita.liputan6.com(dipunundhuh tanggal 11 Mei 2011)
- ↑ a b c d e f g h http://www.antaranews.com(dipunundhuh tanggal 11 Mei 2011)
- ↑ a b c d e f g h i j k l m n o http://www.tempointeraktif.com(dipunundhuh tanggal 11 Mei 2011)
- ↑ http://sains.kompas.com(dipunundhuh tanggal 11 Mei 2011)
- ↑ a b c d e f g h http://www.republika.co.id(dipunundhuh tanggal 11 Mei 2011)
- ↑ http://www.greenradio.fm(dipunundhuh tanggal 11 Mei 2011)
Galeri
-
kodhok leopard -
kecebong -
kodhok isih ana buntute -
kodhok ing suketan -
Dendrobates azureus -
Micrixalus -
kodhok ijo -
anatomi kodhok -
kodhok benclok -
kodhok Pacman
.JPG)