Darès
Aksara Latin
|
| Darès Kalamangsa: Paleosen Akhir – Saiki | |
|---|---|
| |
| Northern Spotted Owl Strix occidentalis caurina | |
| Klasifikasi ngèlmiah | |
| Karajan: | Animalia |
| Filum: | Chordata |
| Klas: | Aves |
| Subklas: | Neornithes |
| Infraklas: | Neognathae |
| Superordho: | Neoaves |
| Ordho: | Strigiformes Wagler, 1830 |
| Famili | |
|
Strigidae | |
| Sinonim | |
|
Strigidae sensu Sibley & Ahlquist | |
Darès, beluk, utawa guweg ya iku manuk kang kalebu anggota ordho Strigiformes.[1] Manuk iki éwoning manuk kang galak (karnivora, panganane daging) lan kelebu kéwan wengi (nokturnal).[1] Sakabèhané, ana kira-kira 222 spésiès kang wis dingertèni, kang nyebar ing donya kajaba Antartika, sapérangan Grunlan, lan pulo-pulo kapencil.[2]
Manuk darès kaloka amarga mripaté sing gedhé lan madhep ngarep, ora kaya manuk-manuk liyané kang mripaté madhep miring.[1] Cucuké manuk darès béngkong tur landhep kaya cucuké manuk garudha.[1] Wulu ing sirahé maujud buderan rai. Rainé manuk darès katon apik banget, nanging kerep katon medèni.[1] Apa manèh guluné manuk darès iki bisa diputer nganti 180 drajat mamburi.[1] Lumrahé manuk darès wuluné lurik, warnané rada soklat utawa klawu ana bercak-bercak ireng lan putih.[1] Buntuté lumrahé mung cekak, nanging swiwiné gedhé lan amba.[1] Ambané swiwiné bisa nganti ping teluné dawané awaké.[1]
Lumrahé manuk darès golèk pangan ing wayah wengi. Golèk pangané nalika wektu subuh lan soré krepuskular.[2] Kajaba iku ana uga manuk darès kang golèk pangan ing wektu awan.[2] Manuk darès panganané macem-mecem kéwan, kaya ta gegremet, kodok, tikus, lan liya-liyané.[2] Manuk darès iku kagolong kéwan karnivora, pakanané daging utawa kéwan urip. Pagawéyané ya mbadhog kéwan-kéwan cilik, kaya ta: tikus, kadal, truwèlu lan sabanjuré.
Ing Donya Kulon (Éropa), kéwan iki diarani kéwan sing wicaksana. Nanging ing donya wétan, (Asia), kéwan iki kaanggep pratandhaning mala, kasripahan utawa lelayu. Mulaning basa Malayu kéwan ini diarani Burung Hantu utawa manuk pati. Tembung hantu iku ing basa Jawa Kuna uga ana lan tegesé pati.
Jinising manuk darès
besutOrdho Strigiformes kapérang dadi 2 kulawarga (familia), ya iku suku manuk serak utawa burung-hantu gudang (Tytonidae) lan manuk darès sajati (Strigidae). Akèh ing antarané manuk iki kang kalebu jinis èndemik (anané mung ing laladan cilik lan ora tinemu ing laladan liya) ing Indonésia, mligi saka marga Tyto, Otus, lan Ninox.
Conto-contoné:
Tytonidae
besut- Serak Jawa (Tyto alba)
- Serak bukit (Phodilus badius)
ew
Strigidae
besut- Celepuk reban (Otus lempiji)
- Beluk jampuk (Bubo sumatranus)
- Beluk ketupa (Ketupa ketupu)
- Punggok coklat (Ninox scutulata)
- Kokok darès (Strix leptogrammica)
Cathetan suku
besut
| Artikel iki minangka artikel rintisan. Kowé bisa ngéwangi Wikipédia ngembangaké. |