მზესუმზირის ზეთი

მზესუმზირის ზეთი

მზესუმზირის ზეთი, მცენარეული ზეთი, მიღებული მზესუმზირას თესლისაგან. აქვს სასიამოვნო სუნი და გემო. სიმკვრივე 920-927 კგ/მ³ (10 °C). მზესუმზირის ზეთში შემავალ ცხიმოვან მჟავათა საშუალო მოლეკულური მასაა 275-286. ფოსფატიდების, ტოკოფეროლებისა და ცვილის შემცველობა მზესუმზირის ზეთში დამოკიდებულია მისი გამოყოფისა და დამუშავების ხარისხზე. მზესუმზირის ზეთი ერთ-ერთი მნიშვნელოვანი მცენარეული ზეთია, რომელსაც ფართო გამოყენება აქვს სახალხო მეურნეობაში: კვების, ლაქსაღებავების მრეწველობაში, საპნის წარმოებაში და სხვაგან.

ლიტერატურა

• ქართული საბჭოთა ენციკლოპედია, ტ. 6, თბ., 1983. — გვ. 657.