Python

Python (IPA менен: [ˈpʌɪθ(ə)n]; питон аталышы жайылган) - иштеп чыгуучунун өндүрүмдүүлүгүнө жана коддун окумдуу болушуна багытталган жогорку даражалуу, жалпы милдеттерди аткарууга арналган программалоо тили. Python өзөгүнүн синтаксиси - минималдаштырылган. Ошол эле учурда, стандарттуу китепканасы көптөгөн пайдалуу функцияларды камтыйт.

Python бир нече программалоо парадигмаларын колдойт. Алардын ичинде структуралык, функционалдык, императивдик, объектиге жана аспектиге багытталган парадигмалар да бар. Негизги архитектуралык өзгөчөлүктөрү - динамикалык типтештирүү, автоматтык эс башкаруу, толук интроспекция, бөтөнчөлүктөрдү иштетүү механизми, көп агымдык эсептөөнү колдоо жана жогорку даражалуу маалымат структуралары. Python'до коддор модул болуп бириге алчу иш-милдеттер жана класстар болуп уюшулат. (модулдар өз кезегинде пакет болуп бириге алышат).

Python'дун үлгүлүү колдонулушу - жигердүү колдонулган көпчүлүк платформаларга шайкеш келген CPython интерпретатор болуп саналат. Бул проприетардык жана башка бардык колдонмолордо колдонууга жол берген Python Software Foundation эркин лицензиясы менен тарайт. JVM (компиляция мүмкүндүгү менен), MSIL (компиляция мүмкүндүгү менен), LLVM ж.б. үчүн сунушталган чечмелөөчүлөр бар. PyPy долбоору Python'ду JIT-компиляция менен ишке ашырууну сунуш кылат. Мында Python-программаларды аткаруунун ылдамдыгы кыйла жогорулайт.

Python - жигердүү өнүгүп жаткан (тилдик өзгөчөлүктөрүн кошуп/өзгөртүп турган) программалоо тили. Жаңы версиялары болжол менен эки жарым жылда бир чыгып турат. Мунун жана башка себептердин жыйынтыгында Python'дун ANSI, ISO жана башка расмий стандарттары жок. Булардын милдетин CPython аткарат.

Тарыхы

1990-жылы жакшыртуу үчүн Guido van Rossum тарабынан Амстердамда башталган. Элдик ишенимге жылан каршы келген Guido van Rossumдун жактырган Monty Python аттуу алты кишилик британиялык комедия тобу Monty Python’s Flying Circus шоу аттуу көрсөтүүсүнөн алынган экен. Бүгүнкү күндө, бул Python Software Foundation ыктыярчылардын күчүн чогултуу менен уланууда жана күчөөдө. Python 1.0 версиясына 1994-жылы январда жеткен. Акыркы туруктуу версиясы 2.х сериясында Python 2.7 жана 3.х сериясында Python 3.5.2 чыккан. 2008-жылы 3 – декабрдан баштап 3.х сериясы сатыка чыгып жайылып баштаган агадейре 3.х сериясы 2.х сериясы менен шайкеш келбейт.

  Python версияларынын мөөнөттөрү
  1989-жылы декабрьда  ишке ашыруу башталды 
  1990-жылы CWI  версиясы
  1991-жылы февраль 0.9.0 (alt.sources берүү)
  1991-жылы февраль 0.9.1
  1991-жылы күзүндө 0.9.2
   24-декабрь, 1991-жыл 0.9.4
   1992 – жылы 2 – январь 0.9.5 (жалгыз Macintosh)
   6-апрель, 1992-жыл 0.9.6
   Белгисиз 1992 - жылы 0.9.7beta
   9 - январь 1993 - жылы 0.9.8
  1993 – жылы 29 – июль 0.9.9
  1994 – жылы 26 – январь 1.0.0
  1994 – жылы 15 – февраль 1.0.2
  1994 – жылы 4 – май 1.0.3
  1994 – жылы 14 – июль 1.0.4
  1994 – жылы 11 – октябрь 1.1
  1994 – жылы 10 – ноябрь 1.1.1
  1995 – жылы 13 – апрель 1.2
  1995 – жылы 13 – октябрь 1.3
  1996 – жылы 25 – октябрь 1.4
  1998 – жылы 3 – январь 1.5
  1998 – жылы 31 – октябрь 1.5.1
  1999 – жылы 13 – апрель 1.5.2
  2000 – жылы 5 – сентябрь 1.6
  2000 – жылы 16 – октябрь 2.0
  2001 – жылы 17 – апрель 2.1
  2001 – жылы 21 – декабрь 2.2
  2003 – жылы 29 – июль 2.3
  2004 – жылы 30 – ноябрь 2.4
  2006 – жылы 16 – сентябрь 2.5
  2008 – жылы 1 – октябрь 2.6
  2008 – жылы 3 – декабрь 3.0 
  2009 – жылы 13 – февраль 3.0.1

Макала "tr:Python (programlama dili)" сайттынан алынып которолду. Которгон Нурсултан Алибаев

= Шилте