Syzygium malaccense
Ordo : Myrtales
Familia : Myrtaceae
Subfamilia : Myrtoideae
Tribus : Syzygieae
Genus : Syzygium
Species : S. malaccense
(L.) Merr. & L.M.Perry
Jambosa domestica Blume
Syzygium malaccense, vel Eugenia malaccensis, vel Jambosa domestica (Indonesiane: jambu bol 'globus guava'; Anglice: Malay apple, mountain apple, plum rose, pomarosa, et pommerac; Havaiane: ʻohiʻa ʻai; Samoane et Tongane: nonu fiʻafiʻa), est gravis familiae Myrtacearum planta florens, in Malaysia nata, sed per zonas tropicales ab hominibus introducta, praecipue in insulas Oceaniae et Maris Caribici.
Planta est arbor quae in caelis tropicis viget quibus pluvia est annua plus quam 152 cm. Crescit in altitudinibus variis, a maris aequo ad 2740 metra. Arbores altitudinem a duodecim ad duodeviginti metra attingunt. Aestate ineunte florescunt, et fructus ferunt tres menses post. Fructus est oblongus et plerumque atrosanguineus, sed aliquibus varietatibus est pellis alba vel rosea. Caro est alba, et magnum semen cingit.
In Insulis Cook, Samoa, et Tonga, homines infusionem foliorum contusorum corticisve rasi ad inflammationes oris curandas parant; etiam folia mandunt iusque sorbent, vel ius per os infantis stillant (Whistler 1996:84).
Bibliographia
- Fontes antiquiores
- Georgius Everhardus Rumphius, Herbarium Amboinense (Amstelaedami: Chanquion, 1741-1750) vol. 1 pp. 121 et 125, tab. 37-38; cf. E. D. Merrill, An Interpretation of Rumphius's Herbarium Amboinense. Manilae: Department of Agriculture and Natural Resources, Bureau of Science, 1917 p. 398
- Eruditio recentior
- Fruit-bearing Forest Trees: technical notes. (FAO Forestry Paper, 34.) Romae: Food and Agriculture Organization, 1982. Textus
- Whistler, W. Arthur. 1996. Samoan Herbal Medicine. Honolulu: Isla Botanica. ISBN 0-9645426-2-5.
Nexus externi
- ""Canoe Plants" Havaiorum Antiquorum: 'OHI'A 'AI"
- "Malay Apple Syzygium malaccense "a.k.a. Mountain Apple""
- "Malay Apple"
- "Imago ex carribeanedu.com"
- "SYZYGIUM MALACCENSE - MALAY APPLE"
 |