Arnoldus van Gennep

Arnoldus van Gennep, nomen pro auctoritate habitum Charles-Arnold Kurr van Gennep, fuit ethnographus et folklorista Francicus, qui operibus ritus transitorios tractantibus commentariisque de eruditione vulgari Francica hodierna innotuit. Conditor agnoscitur studiorum eruditionis vulgaris in Francia.

Ab 1912 ad 1915 sedem ethnographiae in Universitate Novicastrensi in Helvetia obtinebat, sed exardescente primo bello mundano ob neutralitatem Helveticam dubitatam expulsus est. Ibi museum denuo constituit, primumque colloquium ethnographicum anno 1914 instituit. Anno 1922 per Civitates Foederatas iter fecit.

Liber eius notissimus est Les rites de passage ('Ritus transitorii') anno 1909 editus, quo caerimonias rituum transitoriorum in tres vicissitudines digessit, quae sunt preliminaire, liminaire ('liminaritas', gradus a Victore Turner multum investigatus), et postliminaire ('postliminaritas'). Eius magnum opus eruditionis vulgaris est Le Manuel de folklore français contemporain ('enchiridion eruditionis vulgaris Francicae hodiernae', 1937–1958).

Opera

1904. Tabou et Totemisme a Madagascar Etude Descriptive et Theorique. Lutetiae.
1916. Le Tissage aux Cartons et son utilisation décorative dans l'Egypte Ancienne. Novicastri: Delachaux & Niestlé. Coauctor Gustave Jeqier. ¶ Liber Anglice versus: Cardweaving in Ancient Egypt, conv. Barbara Shapiro (Franciscopoli: 2010).
1922. Traité comparatif des nationalités. Lutetiae: Payot.
1908. Essai d’une théorie des langues spéciales. Lutetiae.
Le folklore français.
1909. Les rites de passage: étude systématique. Lutetiae: E. Nourry. Reimpressus 1981. ¶ 1960. The Rites of Passage. Sicagi: University of Chicago Press.

Bibliographia

Belmont, Nicole. 1979. Arnold van Gennep: The Creator of French Ethnography. Conv. Derek Coltman. Sicagi: University of Chicago Press. ISBN 0226042162.

Nexus interni

Nexus externi

De Arnoldo van Gennep, unjobs.org