Communitas Valentina

Communitas Valentina (Valentine Comunitat Valenciana ; Hispanice Comunidad valenciana) est regio autonoma Hispaniae, in Media et Austrorientali Paeninsula Hiberica sita, cuius caput et maxima urbs est Valentia. Regio divisa est in provincias tres: Lucentum (Castaliam, Valentiam) et in triginta-quattuor commarcas. Administrative Occidente Castellae-Manicae Aragoniaeque, Meridie Murciae et Septemtrione Catalauniae finitima est.

Circa 518 chiliometrorum Mediterranei litoris habet, et 23 259 chiliometrorum quadratorum terrae cum 5.02 millionibus incolarum (anno 2008) tegit. Eius fines plerumque historici Regni Valentiae eos reddit.

Praesens versio Valentiani Statuti Autonomiae Regionem Valentiae velut nationalitatem enuntiat. Linguae publicae Hispanica et Valentina (velut lingua Catalana hac in terra cognoscitur) sunt.

Nomina

Publicum nomen Valentine est Comunitat Valenciana, ambo versa in Latinam velut Communitas Valentina. Hispanicum nomen, Comunidad Valenciana, coofficiale^? per primum Statutum Autonomiae anno 1982 fuit.

Quamquam "Communitas Valentina" (Valentine Comunitat Valenciana, Hispanice Comunidad Valenciana), extra publicam considerationem, est nomen quo maxime utimur et unum ex eis quae publice consecrata sunt, duo competentia nomina simul quando Valentianum Statutum Autonomiae fabricabatur fuerunt. Quidem "Natio Valentina" sive "Regio Valentina" (Valentine País Valencià, Hispanice País Valenciano), primum saeculo duodevicensimo relatum est, sed eius usus solum e decennio 197 et prorsum notabilis factus est cum sinistristico^? aut Valentini nationalismi subtextu qui per Transitionem Hispanicam in democratiam exeunti decennio 198 et ineunti decennio 199 incepit. Huius usus exemplum "Consilii Praeautonomici Regionis Valentinae" (Valentine Consell pre-autonòmic del País Valencià), hodiernae Generalitatis Valentinae (Valentine Generalitat) praecursorii, eius anno 1978 est et hoc vocabulum in Statutorum Autonomiae praeambulo relatum est.

Ad solvendam lacunam inter duo competentia nomina—vetere Regnum Valentiae et coaetaneum Regio sive Natio Valentina—compromissi neologismus, Communitas Valentina, creatus est (verbum communitas e communitate autonoma, quae publicum nomen Hispanicarum regionum velut politicarum autonomicarum entitatum^? constitutarum est).

Omni modo, genericum Valentiae nomen ad Urbem Valentinam, provinciam Valentiam aut Communitatem Valentinam referre potest.

Historia

Locus archaeologicus Tumuli Manisensis (Valentiane *Tossal de Manises*), antiqua Hiberica-Carthaginensis-Romana urbs Acrae Leuces sive Lucentum.

Praesentis Valentiae origines ab antiquo Regno Valentiae trahuntur, quod saeculo tredecimo surrexit. Iacobus I Aragoniae exsistentium Islamicarum taifarum Christianam Recuperationem et colonizationem cum Aragoniensibus et Catalaunis anno 1208 duxit et Regnum Valentiae velut tertiam liberam regionem intra Coronam Aragonensem anno 1238 condidit.

Anno 1707, in Belli de Successione Hispanica contextu et ope Decretorum Novi Propositi, rex Philippus V Hispaniae Regnum Valentiae et relictas regiones ad antiquam Coronae Aragoniensis, quae aliquod autonomiae retinuerant, pertinentes Regni Castellae structurae, eius legibus et moribus subiecit. Ex hoc statu, instituta et leges e Foris Valentinis creatae abrogatae sunt et linguae Valentinae usus in publicis iurisdictionibus et educatio prohibitus est. Eapropter, cum Domo Burbonica, novum Regnum Hispanicum formatum est perficiendo centralizatione^? gubernationem tam antiquam quam Domum Habsburgensem Hispania.

Primus conatus attingendae autogubernationis Regioni Valentinae in praesenti Hispania per Secundam Rempublicam Hispanicam, anno 1936, fuit, sed Bellum Civile erupit et autonomisticum inceptum interruptum est. Anno 1977, post Francisci Franco dictatura, Valentia partim autonoma cum Consilii Praeautonomici Regionis Valentianae (Valentine Consell Pre-autonòmic del País Valencià) creatione esse coepit, et anno 1982 autogubernatio denique cum Statuto Autonomiae quod complura autogubernativa instituta sub Generalitate Valentina (Valentine Generalitat Valenciana) creavit ampliata est.

Valentina Statuta Autonomiae clarum fecerunt Valentiam habere propositum hodiernae notionis de Regionis Valentinae autogubernatione e primis autonomisticis motibus (autogubernatione) per Secundam Rempublicam Hispanicam, sed etiam uniendo ea veteri notioni de Valentina identitate^? ut veteris Regni Valentini (fororum) successor sit. Profecto, post Valentiani Statuti Autonomiae emendationem a duabus factionibus anno 2006 fautam, lex civilis foralis colligitur, utendo veteris regni notione, et cetera, Valentia velut nationalitas, secundum hodiernam notionem, quoque agnoscitur.

Demographia

Valentini secundum mores veteres in locis cum fertili cultura et in cultus terris inferioribus iuxta maximi ponderis flumina (Sucronem, Turiam, Taderem, Vinaloponem), etiam in portuariis urbibus ponderis agriculturali commercio densatur.

Maximi ponderis incolararum sedes, per Romanum tempus, Saguntum aut Dianum, postea in historia, Valentia, Lucentum, Saetabis, Aurariola, Illici, Gandia aut Villa Regia esse solebant, atque nuperrime Saetabicula et Castalia.

Spissitudo incolaria, quae maior in media meridionalique regionibus et minor in septemtrionali et intestina est, ex vetere populi distributione deducitur quae ex orographicis Valentianae terrae proprietatibus et e possibilitate^? obtinendae agriculturalis irrigatae terrae orta est. Demographia magna industriali activitate,^? fortasse supra allatae distributionis exceptione, et commercio agriculturaliter deductorum fructuum per saeculum vicensimum in haud litoralibus urbibus velut Alcodio, Ellone, Pago Untiniano, Petrario, Villena, et Valle Solis quoque afficitur.

Ultimis in annis, incolarum densatio in magnis capitibus et eorum territoriis urbanis considerabiliter crevit (v.gr. Torrens, Mislata, Paterniana, Burgus Saltus, Sanctus Vincentius Raspeigensis, etc.) praesertim in omnibus litoralibus urbibus vicisque. Sic, traditionaliter parvuli vici velut Benidormensis^[1] aut Turris Vetus considerabile incolarum incrementum (adhuc notabilius per aestivum tempus) propter temporariam periegetarum migrationem passi sunt.

Ideoque, Valentiae demographia in praesenti clare urbana et litoralis est, temporaria periegesi quoque affecta.

Communitas Valentina 4 692 449 incolarum anno 2005 habebat. Inferiori in tabula urbani nuclei cum amplius 50 000 incolarum eodem in anno sunt:

#	Urbs Latine	Urbs Hispanice	Urbs Valentiane	Numerus incolarum
1	Valentia	Valencia	València	796 549
2	Lucentum	Alicante	Alacant	319 380
3	Illici	Elche	Elx	215 137
4	Castalia^[2]	Castellón de la Plana	Castelló de la Plana	167 455
5	Turris Vetus	Torrevieja	Torrevella	84 348
6	Aurariola	Orihuela	Oriola	75 009
7	Torrens	Torrente	Torrent	72 660
8	Gandia	Gandía	Gandia	71 429
9	Urbs Benidormensis^[1]	Benidorm	Benidorm	67 492
10	Saguntum	Sagunto	Sagunt	61 823
11	Alcodium	Alcoy	Alcoi	60 931
12	Ello	Elda	Elda	55 571
13	Paterniana^[3]	Paterna	Paterna	54 560

Geographia

Prominentia

Intestina terrae pars montana est, maximis culminibus in Valentina et Castaliensi provinciis Montium Hibericorum partem formantibus. Lucentinae provinciae montes rursus Iugi Subbaetici pars sunt. Regio Valentiae parvulas insulas Colubrarias (Valentine Els Columbrets, Hispanice Islas Columbretes) et litoralem parvam insulam Novam Tabarcam (Valentine Nova Tabarca, Hispanice Isla de Tabarca) administrat.

Emblematicissimus mons Pennagolosa (Valentine Penyagolosa, Hispanice Peñagolosa) in Alcalatenensi commarca est. Culmen maximum, 1813 metrorum altum, esse valde putatur, sed est, re vera, maximum culmen Tumulus Calderonensis sive Collis Casarum (Valentine et Hispanice Cerro Calderón sive Alto de las Barracas), 1839 metrorum altus et in Angulo Ademusensi, Valentiana exclavatura cum tribus culminibus amplius 1500 metrorum altis, situs. Emblematicissimus^? mons in meridiona terrae parte Aitana est 1558 metrorum altus.

Tenuissima litoralis lacinia fertillima planities plerumque insignium montium libera, eis circum Promunturii Dianii et Castaliensis Paeninsulae (Valentine Peníscola, Hispanice Peñíscola) regionibus exceptis, est. Huius litoralis regionis typici terrae madidae et uligines velut Amoenum Stagnum ^[4] (Valentine L'Albufera, Hispanice La Albufera) prope Valentiam, Cavea Nivum (Valentine El Fondó de les Neus, Hispanice El Hondón de las Nieves) prope Illicos, Palus (Valentine et Hispanice Marjal) prope Pegum (Valentine et Hispanice Pego) et Pratum (Valentine et Hispanice El Prat) prope Ildum (Valentine et Hispanice Cabanes) sunt, et quoque antiquae terrae humidae et salinae in Portus Illicitani (Valentine et Hispanice Santa Pola) et Turris Veteris regionibus sunt. Omnes ei Rampsarenses decretorii loci sunt qui Valentiam maximi ponderis tum migratoriis tum assiduis marinis aquaticisque avibus faciunt.

Multae ponderis litorales moles harenosae in Salarii (Valentine et Hispanice El Saler) regio prope Amoenum Stagnum et in Alones ^[2] (Valentine et Hispanice Guardamar) regio sunt, ubi in ambibus per saeculum undevicensimum milia arborum inserta sunt ut moles harenosae figerentur, sic adhuc protectas insignis oecologici valoris redgiones formantes.

Clima

Valentia generatim mite clima habet, valde vicino Mari Mediterraneo affectum. Etiamnunc, ponderis dissimilitudines inter regiones sunt:

Rectum clima Mediterraneum fere iuxta litorales planities e Septemtrionallimis limitibus trans urbis Benidormensis (Valentine et Hispanice Benidorm) regionem panditur, quod inter alias urbes Castaliam, Gandiam, et Valentiam quoque comprehendit. Variis gradibus inferiores interiores regiones tegit. Hac in regione, hiemes frigidae sunt, aestates longae, siccae et calidae; pluviae praesertim per ver et autumnum accidunt, plerumque circiter 600 millimetra attingentes cum singulariter madidiore microclimate in Marinae Superioris et Saforis commarcis sic Septemtrione Promunturii Dianii, quod amplius 1000 mm. mediam propter sublationis orographicae phaenomenon accumulat.

Zona transitionis ex Mediterraneo in clima continentale in interiores terras et in aliquibus locis prope mare sed altissimis panditur, quod inter alias Alcodium, Castra Aelia, Urcesa et Villena includit. Eius hiemes inter fridigulas et frigidas (aliquot dierum cum nive solent), aestates inter placidas et calidas et pluviae trans annum distributiores sunt.

Zona transitionis ex Mediterraneo in clima semiaridum iuxta litoralem planitiem ex Alone per Meridionallimos regionis limites panditur, quod inter alias urbes Lucentum, Illicos, Aurariolam et Turrim Veterem includit. Aestates longissimae inter calidas et calidissimas et valde siccae sunt, hiemes inter fridigulas et placidas sunt et eius praecipua nota exiguissima praecipitatio, typice infra 300 millimetra quotannis est, quae verisimillime per ver et autumnum accidit. Praecipitationis carentiae causa notus umbrae imbricae effectus est qui collibus Lucentinae provinciae septemtrione (et, minore gradu, eis septemtrionali in parte provinciae quae, vicissim, inversum sublationis orographicae effectum circum Promunturium Dianium cumulant) causatur.

Hydrographia

Solum duo praecipua flumina sunt: Tader in Lucentina provincia (cuius fons in Vandalitia est) et Sucro in Valentina provincia (cuius fons in Castella-Manica est), ambo intensissimae humanae regulationi ad urbes, industrias et praesertim agriculturalem consumptionem subiiciuntur. Turia flumen (Valentine Túria, Hispanice Turia) tertium maximum et suus fons in Aragonia est. Flumina in regione, velut Vinalopo (Valentine et Hispanice Vinalopó, plerumque brevia sunt et paucum fluxus (propter agriculturalem usum, climaticis causis aut ambibus) habent et saepe omnino sicca aestate sunt.

Oeconomia

Valentia elongata terra cum satis abrupta et inconstans orographia conformat, quae communicationes et agriculturam difficiles semper fecit, quamquam solum praecipue fertile in litorali planitie est. Hic litoralis axis faciliores conexiones cum Europa, tum per mare trans Mediterraneum tum per terram trans Catalauniam, fecit.

Naturales Valentini terrae opes parvae sunt, respectu mineralibus, excepta ponderis marmorearum lapicidinarum industria in Lucentina provincia.

Respectu hydrologicis opibus (vide supra Geographiam) superius aquae quaesitum quam oblatum est, cum hoc inaequilibrio praeprimis gravi in Lucentina provincia. Annis specialiter siccis, problema mitigatur si opus est cum occasionalibus nocturnis restrictionibus aestate et subterraneae aquae depositorum usu. Quod de hydrologicis opibus severae controversiae fons cum vicinis communitatibus velut Castella-Manica et Catalaunia est.

Propter secundarii et tertiarii camporum prosperitatem per miraculi Hispanici tempus in decennio 197, agriculturalis campus suum relativum^? pondus per tempus reduci (non ergo absolutos numeros) vidit, sed huic—sub citricae culturae modo ad exportatorium mercatum—adhuc confiditur, e primo flore oeconomico, exeunte saeculo undevicensimo, post paucae evolutionis, nisi decadentiae, saecula. Castaliensis et Valentina provinciae ceterum milia hectarearum arbustorum citrum producentium habent et adhuc praecipuus redituum fons ex agro est. In Lucentina provincia, citrus quoque adest sed agricultura diversificatior cum maiore holeris praesentia, praesertim in Tadere Inferiore commarca, est.

Magnus interclusionis index et praecipue stabilis tempestas, quae aestate aquae oblato tum agriculturali tum humanae comsumptioni minari potest, conversim periegesin praecipuam oeconomicam industriam esse sinunt cum magna residentialium habitationum spissitudine iuxta litus quae a localibus et ab homines ex intestina Hispania exque aliis Unionis Europaeae nationibus (praesertim e Britanniarum Regno, Germania, Belgia, et Norvegia) occupantur, quod temporarie incolarum numerum (et hydrologicum quaesitum) aestate auget.

Anno 2002, Communitas Valentina 10.5 centesimae Hispanici PDG genuit. De humanis opibus, operis vacationis index circiter 10.5 centesimas, maior inter feminas, erat et activitatis^? index 56.8 centesimas anno 2002 attigit. Usitata Valentiana negotia medianae aut parvae familiares societates sunt, quamquam aliquae multinationales sunt.

Praeter periegesin, Valentina oeconomia notabili exportatoria indole pingitur et secunda Hispanica exportatoria communitas autonoma est, 12 centesimae civitatis totius constituens. Praecipuae exportationes agriculturalia artificia, ceramicae tesserae, marmorea manufacta et autocineta (Ford catenam instructoriam in Almussafibus habet) inter alia sunt quod Valentiae portum negotiosissimum in Hispania facit.

Anno 2004, Valentinus PDG 93.9 centesimae Unionis Europaeae mediae erat, quamquam hic numerus positive a ponderis adventiciorum habitatorum praesentia ex aliis Europae regionibus aut ab oeconomicis immigrantibus adfici potest qui in publicis censibus non recte repraesentantur. Incrementi indices post annum 2004 significativum relate ad totam Hispaniam fuit et additionalis progressus e praesentibus numeris continuat ex anno 2007.

Educatio

Civitatis educatio gratuita et obligatoria e sex annis in sedecim annos aetatis est. Praesens educativum systema "Lex Ordinationis Generalis Systematis Educativi" (Hispanice LOGSE, ex Ley de Ordenación General del Sistema Educativo nuncupatur.

Gradus

E tribus annis in sex annos (schola praeparatoria)
E sex in duodecim annos (ludus litterarius)
E duodecim in sedecim annos (schola secundaria obligatoria), anni e primo in quartum
E sedecim in septendecim annos (baccalaureatus, Hispanice bachillerato, sive schola post-obligatoria), anni e primo in secundum

Pueri e tribus in quinque annos aetatis in Hispania optionem praescholari gradui (Hispanice infantil, vulgo preescolar) interesse habent, qui nec obligatorius nec gratuitus aliis studentibus est. pro integrali educativi systematis parte cum infantilibus classibus in fere omnibus scholis primariis habetur. Aliquae separatae brephotrophicae scholae sunt.

Hispanici studentes e sex in sedecim annos ludo litterario (Hispanice colegio) et scholae secundariae (Hispanice instituto) intersunt, qui obligatorii et gratuiti sunt. Studentes cum successu educationis secundariae diploma datur, quod opus est ad intrandum ulteriorem (optionalem) educationem velut Baccalaureatum Universitati aut Formationem Professionalem (Hispanice Formación Profesional, scilicet, studia vocationalia). A studentibus Baccalaureatu finito, ei Examina Accessus ad Universitatem (Hispanice Pruebas de Acceso a la Universidad, vulgo Selectividad), inter dissimiles communitates valde differentia , facere possunt.

Secundariae educationis phasis usitate per suas primas litteras refertur, scilicet, E.S.O. pro Educación Secundaria Obligatoria, Educatione Secundaria Obligatoria.

Universitates

Communitas Valentina hospitio acclamatarum universitatum numerum accipit inter quas Universitas Valentiae, anno 1499 condita. Ad Iacobi I postulatum, Papa Innocentius IV anno 1246 per bullam apostolicam studiorum generalium (Valentine estudis generals) statutionem Valentiae auctorizavit. Statuta Universitatis a municipalibus Valentiae magistratibus die 30 Aprilis anni 1499 sanctum est; quod Universitatis "conditum" putatum est. Anno 1501, Papa Alexander VI chartam approbationis obsignavit et unum annum postea Ferdinandus II regale privilegium clamavit. Solum exiguissima schedula e practicis universitatis laboribus servata est. E conditionis tempore cursus inclusi linguae Latina, Graeca, Hebraica, Arabica, philosophia, mathematica et physica, theologia, ius Canonicum, et medicina sunt.

Aliae universitates Universitas CEU Cardinalis Herrera, Universitas Polytechnica Valentiae, Universitas Michaelis Hernández Illicitana, Universitas Iacobi I et Universitas Lucentina sunt.

Linguae

Valentina et Hispanica sunt publicae Valentiae linguae. Hispanica Hispanici Civitatis publica lingua dum Valentina lingua pro lingua propria (Valentine llengua pròpia) secundum Statutum Autonomiae habetur. Valentine loquitur non modo Comunitas Valentina, sed etiam Catalaunia et Baliares insulae, ubi lingua Catalana nominatur. Litorales regiones potius Valentine loquuntur quam intestinae ubi amplae regionis Hispanicam pro vetere lingua habent, et etiam eae regionis in Lucentinam et Valentinam provincias eius creatione anno 1833 incorporatae quae historici Regni Valentiae partem non formabant. Eapropter, lex anni 1984 "De linguae Valentinae usu et doctrina" quaedam communia velut "praecipue Hispanophonica" definit, et eis aliquas paucas optionales exceptiones de publicae Valentinae usu sinit, quamquam pro iure Valentine utendi et accipiendae educationis Statutum Autonomiae (articulus 6.2) passim in Valentia spondet.

Civilitas

Gubernationis instituta: generalitas

In ratione per quam democratia in Hispania inter annos 1975 et 1978 redintegrata est, Nationalisticae et Regionalisticae factiones ad adspicendae autogubernationem aliquibus Hispanicis territoriis pressere. Anni 1978, constitutio viam legitimam communitatibus autonomis aperuit ut se e provinciis cum communibus historicis culturalibusque vinculis formarent. Congruenter Communitatis Valentinae agnitioni velut Hispanicae historicae nationalitati, et consentanee secundo Constitutionis Hispanicae articulo, pro autonomia "nationalitatibis et regionibus" Hispanicam nationem comprehendentibus spondente, Valentiae autogubernatio concessa est et se communitatem autonomam anno 1982 constituit, promulgato suo primo Statuto Autonomiae, basica organica lege et postea a Hispanicis Cohortibus Generalibus probata.

Omnes communitates autonomae politice intra systema parlamentarium, scilicet exsecutivum gubernationis ramum, ordinatae sunt; praeses (Valentine president) a potestatis legisferae favore pendet, quarum socii eum per maioritatem eligunt.

Novum Statutum Autonomiae anno 2006 promulgatum est. Communitatis Valentianae (officialiter solum velut Communitat Valenciana tum Valentine tum Hispanice relatam) gubernatio a Generalitate Valentina (Valentine Generalitat Valenciana, statutorie simpliciter velut La Generalitat relata) repraesentatur, quae a tribus institutis constituitur:

Cohortes Valentianae (Valentine Corts Valencianes), potestas legisfera, quae a 92 deputatorum (Valentine diputats) minimo complentur qui per suffragium universale per repraesentationem proportionalem quadriennio eliguntur;

Praeses Generalitatis (Valentine President de la Generalitat) a Cohortibus electus e quibus ei suffragium fidei obtinendum est; praesens Praeses Franciscus Camps est;

Consilium Generalitatis Valentianae (Valentine Consell de la Generalitat Valenciana), collegiatum institutum cum potestatibus exsecutivis, ab ipso Praeside et consilii ministris ab eo nominatis completum.

Generalitas ab institutis compleri potest quae Cohortes Valentianae creent. Cohortes Syndici Querellarum (Diamesolabetam), Syndicaturae Computorum (Graphei Publici Inspectionis Rationum), Consilii Valentini Culturae, Academiae Valentinae Linguae, Consilii Consultativi et Iuridici et Consilii Socialis et Oeconomici creationem probavere.

Valentiana symbola

Officiale Valentinum carmen Hymnus Expositionis Regionalis anni 1909 est, in cuius compositione antiquus urbis Valentinae saeculi sexti decimi hymnus comprehenditur. Generalitatis Valentinae emblema sigillum regis Petri IV Aragoniae, historicum Regnum Valentiae repraesentantis, includit, cuius scutum dextrorsum clivum est cum quattuor rubris seris.

Vexillum publicum, Signaria Coronata (Valentine Senyera Coronada), idem ac Valentiae urbis vexillum est, quod, vicissim, est historica derivatione Signariae, heraldici Coronae Aragoniensis symboli, qua hodie cum paucis variationibus omnia antiqua Regna et Comitatus utuntur quae huius Coronae pars erant. Etiam Valentianarum privatarum et civilium entitatum numerus, inter quas syndicatus, culturales consociationes aut politicae factiones, sunt qui simpliciter "Signaria" velut Valentiano vexillo utitur

Valentiana societas aliis symbolis in dissimilibus planis utitur, inter quae heraldica animalia velut rattus pennatus (Valentine rat-penat, chiropterum) et draco alatus (Valentine drac alat, draco qui regis Iacobi I emblema erat aut musica sicut muixeranga, inter alia.

Vectura

Aerea vectura

Communitati Valentianae duo internationales aeroportus serviunt: Aeroportus Lucentinus, praecipue ad periegesin versus, et minor Aeriportus Valentinus, plurem negotiosum transitum baiulans.

Ferrivia

Communitas Valentiana sat extensam ferriviarium systema praecipuas urbes cum relicta natione conectens habet, velut tramen Euromed versus Catalauniam et tramen Alaris versus Matritum, ambo ab Hispanica societate ferriviaria RENFE gesta.

Communitas Valentina anno 2009 ad tramina magnae velocitatis ex omnino deditis tramitibus ferriviariis lucrari expectatur quae, "Andron Orientalis AVE" nuncupata, Matritensem urbem cum Arcum Mediterraneum conectent. Hic trames Matritum cum Valentia, Lucento, Vergilia et Portu Magno connectet.

Ferrivia commeans et ferrivia metropolitana

Cercanías-Rodalies Valencia ferriviae commeantis diaconia omnibus tribus Communitatis Valentianae provinciis et suis territoriis urbanis serviens est. A societate Cercanías Renfe, ferriviae commeantis divisione societatis RENFE, geritur. Alia societas, Ferrocarrils de la Generalitat Valenciana, tramitem inter Lucentum, Urbem Benidormensem et Dianum gerit. Etiam urbana stratariae et metropolitanae ferriviarium systemata Valentiae (MetroValencia) et Lucenti (TRAM Metropolità d'Alacant) gerit.

Portus Maritimi

Legenda
Portus commercialis
	Portus gestatorius
	Portus piscatorius

Ecce catalogus portuum Communitatis Valentinae, qui omnes Mare Mediterraneum vident:

Provincia Lucentina

Portus

Altea

Portus Alteae

Portus La Galera (Alteae)

Portus L'Olla d'Altea (Alteae)

Portus Marina Greenwich (Alteae)

Aurariola

Portus Dehesa Campoamor (Aurariolae)

Portus Cabo Roig (Aurariolae)

Portus Torre de la Horadada (in Thiare)
Portus Portus Illicitani
Portus Turris Veteris
Portus Alonis

Calpe

Portus Calpis

Portus Port Blanco (in Calpe)

Portus La illeta (Campelli)

Dianum

Portus Diani

Portus classiarius Diani (in constructione)

Portus classiarius De Las Dunas (in Alone)

Lucentum

Portus Lucentinus

Portus Costa blanca (Lucenti)

Portus Varadero R.Club de Regatas (Lucenti)

Portus Novae Tabarcae

Portus Les Bassetes (Benissae)
Portus Benidormensis

Xabia

Portus Xabiae

Portus Nou Fontana (Xabiae)

Portus Morairae (Teuladae)

Coetus Nautici

Regius Coetus Nauticus Diani
Regius Coetus Velificus Lucentinus

Situs publicus

Provincia Castaliensis

Portus

Portus Benicarlonis
Portus Burgi Anae
Portus Castaliae
Portus Las Fuentes
Portus Orpesae
Portus Paeninsulae
Portus Vinarosi

Coetus Nautici

Regius Coetus Nauticus Castaliensis.

Créé en 1933.Situs publicus

Provincia Valentina

Portus

Portus Sucronis
Portus Gandiae
Portus La goleta (urbis Ad Statuas^[2])
Portus Fernalis
Portus Siles (in Caneto Berenguerensi)
Portus Port Saplaya (Alboraiae)
Portus Valentiae
Portus Sagunti

Coetus Nautici

Regius Coetus Nauticus Valentiae

Gastronomia

Valentiana gastronomia magnae varietatis est, quamquam eius internationalissimi cibi oryza fundatur, velut universe nota Valentina oryzae patella (Valentiane paella). Oryza basicum elementum in multis typicis cibis est, inter quos oryza seclusa, oryza in petra, oryza nigra, oryza cum crusta, oryza cum iure (Valentine arròs a banda, arròs a la pedra, arròs negre, arròs amb costra et arròs caldós, respective) inter alios.

Valentianum clima Mediterraneum citricorum fructuum et holerum cultui favet, inter quos citri Sinensis cultus forsan maximi ponderis velut typicus Valentianae agriculturae fructus est.

Potus

Hordeata cuius usitatus elaborationis nucleus Alboraia est, typicus potu est, quam farcimina (Valentine fartons) comitantur. Etiam traditionalis liquoris cafearii (Alcodii typici) et mixtellae (Valentine et Hispanice mistela, in Marina Inferiori et Fovea Bullionis) productio est.

Tragemata

Maxima usitatorum Communitatis Valentianae tragematorum pars suam originem in Arabica temporis habet et praecipuo munere in locorum festivis celebratonibus fungitur. Aliquae internationaliter praeclara sunt. Sexona (Hispanice Jijona, Valentine Xixona) traditionalis turronis, blandi nucati) fabricationis locus est, qui per Christi Natalem in Hispania et relicto Hispanico mundo consumitur. In Casinis Hispanice et Valentine Casinos) etiam turro typicus est sed maximi ponderis fabricatio in vico dulciola sunt. In Saetabe, arnadinus (Hispanice et Valentine arnadí), tragema elaboratum cum pepone, conficitur. Et Aurariolae (Hispanice Orihuela, Valentine Oriola) et in regione eius almugabbănae (Hispanice almojábenas) conficiuntur.

Ludi

Pediludium est ludus amplissime notus. Turmae in omnibus vicis et urbibus sunt, e quarum duae, Valencia CF et Villarreal CF, in praesenti in praecipuo Campionatu Pediludico Hispanico (Hispanice La Liga) ludunt. Multae magnae turmae passim sunt, inter quas Levante UD, CD Alcoyano, CD Castellón, Elche CF aut Hércules CF.

Professionale canistriludium ab una turma, Valencia BC in praecipua liga, ACB, repraesentatur. Ros Casares Valencia feminea turma canistriludica est, praesens Ligae Femineae Hispanicae campio et extrema Euroligae Femineae victrix.

Birotarum automatariarum certamen valde popularissima est, velut Circuitus Ricardi Tormo catadromus, qui hospitio Grande Praemium Communitatis Valentianae accipit.

Autochthonicus Valentianus ludus pila Valentiana (Hispanice pelota Valenciana, Valentine pilota Valenciana) est, quae professionalem Turmam Valentianam Pilae internationalibus certaminibus cum cognatis ludis pilae per totum orbem terrarum habet. Hic artes athleticas plurimas varietates habet, quae in viis sive in specialibus campis velut trinqueto (Valentine trinquet) ludi possunt. A turmis aut in individuali contentione ludi potest. Mira huius artis athleticae nota ut spectatores valde prope aut etiam medio in campo considere queant est. Etiam dum certamen in cursu est, peridoseopractores sponsiones de "rubris" aut "caeruleis" capiunt, quia sunt hi colores qui lusoribus induendi sunt, cum rubro fortissimae turmae aut lusori fortissimo. Pila Valentina indagari ad saeculum quintum decimum queunt, sed hodierna per tempora relicta est, contra cuius occasum emissiones televisificae pugnant, dum nova constructa collegia campos et novam professionalium lusorum consociationem, Valnet, habent.

Alius ponderis ludus columbicultura est, cum autochthonicis cursibus exercitarum columbarum, gutturatarum Valentianarum (gavatxut valencià).

Globorum ludus (Hispanice et Valentine petanca) et sua varietas calitzum sive tzitum (Valentine calitx, Hispanice chito) quoque sunt traditionales artes athleticae, praesertim in vicis et apud seniores.

Quod ad quotidianas artes athleticas femineas, Valentinum manufollium Hispanicam "divisionis honoris" ligam cum amplius dimidio turmarum regit, inter quas Astroc Sagunt, Orsan Elda Prestigio, et Cementos La Unión Ribaroja.

Provinciae

Traditionaliter territorium in commarcas (Valentine comarques) divisum est, et anno 1833, iuxta cum relicta Hispanica, in provincia secundum ministri Xaverii Burgos decretum divisum est. Sunt 32 commarcae et tres provinciae; Castalia, Valentia et Lucentum.

Inferius aliquarum praecipuarum urbium catalogus:

Valentia, cum 796 549 incolarum, homonymae provinciae caput, iuxta flumen Turiam. Praeclara Facularum (Hispanice Fallas, Valentine Falles) festivalia die 19 Martii.
Lucentum, cum 319 380 incolarum, homonymae provinciae caput, iuxta Mediterraneum litus. Praeclarum ob durum turronem et ob actas Postiguet, Albufereta et San Joan. Clara Festorum Sancti Iohannis Ignium (Hispanice Hogueras de San Juan, Valentine Fogueres de Sant Joan) festivalia Iunio sunt. Eius buleuterium et Castellum Sanctae Barbarae historica monumenta sunt.
Illici, cum 215 137 incolarum, praeclari propter Palmetum Illicitanum (Hispanice Palmeral de Elche, Valentine Palmerar d'Elx) et propter Mysterium Illicitanum (Valentine Misteri d'Elx), festivalium biduum ubi canitur et in via drama de Assumptione Virginis Mariae ponitur, Orale Humanitatis Patrimonium a Societate Educativa, Scientifica, et Culturali Consocietatis Nationum enuntiatum.
Castalia, cum 167 455 incolarum, homonymae provinciae caput.
Turris Vetus (Hispanice Torrevieja, Valentine Torrevella), cum 84 348 incolarum, meridie, ponderis periegeticum locus cum plurimis xenodochiis, insulis, et periegeticis habitationibus; ubi acta La Mata.
Gandia (Hispanice Gandía, Valentine Gandia), cum 77 943 incolarum, alius ponderi periegeticum locus, iuxta Litore Floris Citri (Hispanice Costa del Azahar, Valentine Costa dels Tarongers) situm.
Aurariola (Hispanice Orihuela, Valentine Oriola), cum 75 009 incolarum, iuxta Taderem flumen, historica urbs cum regiis, ecclesiis et cathedralem, in Ripa Inferiore, magnopere productiva commarca ruralibus fructibus inter quos citri Sinenses, limones et alii citrici.
Urbs Benidormensis^[1] (Hispanice et Valentine Benidorm), cum 67 492 incolarum, praecipuum feriarum deverticulum, Hispanice Beniyork (referens ad Nueva York, scilicet Novum Eboracum) ob plurima caeliscalpia cognominatum, inter quae in Hispania altissimum caeliscalpium, cum quinquaginta-duabus tabulatis, Gran Hotel Bali.
Alcodium, cum 60 590 incolarum, ponderis industrialis regio textilibus manufactis, cum characterisiticis saeculi undevicensimi Modernisticis aedificationibus et cum praeclarissimis Maurorum et Christianorum saecularibus feriis.
Ello (Hispanice et Valentine Elda), cum 55 571 incolarum, ponderis productionis locus calceis et vino in regione Vinaloponensi.
Villena, cum 34 000 incolarum, ponderis productionis locus calceis et vino, cum plurimis veteribus monumentalibusque salutationibus. Praeterea, Maurorum et Christianorum feriae, una maximi ponderis in communitate.
Villa Regia (Hispanice Villarreal, Valentiane Vila-real), cum 46 696 incolarum, ponderis productoria urbs fictilium et laterum.

Notae

↑ ^1.0 ^1.1 ^1.2 Confer binomen "Eoclavatorella benidormensis".
↑ ^2.0 ^2.1 ^2.2 J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3
↑ Hofmann, Johann Jacob (1635-1706): Lexicon Universale, Historiam Sacram Et Profanam Omnis aevi, omniumque Gentium; Chronologiam Ad Haec Usque Tempora; Geographiam Et Veteris Et Novi Orbis; Principum Per Omnes Terras Familiarum (...) Genealogiam; Tum Mythologiam, Ritus, Caerimonias, Omnemque Veterum Antiquitatem (...); Virorum (...) Celebrium Enarrationem (...); Praeterea Animalium, Plantarum, Metallorum, Lapidum, Gemmarum, Nomina, Naturas, Vires Explanans. - Editio Absolutissima (...) Auctior (...). - Leiden: Jacob. Hackius, Cornel. Boutesteyn, Petr. Vander Aa, & Jord. Luchtmans, 1698. 2-¦ - T. 1: Literas A, B, C, continens. (6) Bl., 1072 S.; Kupfertit. - T. 2: Literas D, E, F, G, H, I, K, L, continens. (1) Bl., 900 S. - T. 3: Literas M, N, O, P, Q, continens. (1) Bl., 994 S. - T. 4: Literas R, S, T, V, X, Y, Z, continens. (1) Bl., CXXVI, 743, 116 S.- Satzspiegel 32,1 x 17,3 cm - Signatur: XN 9739 apud www.uni-mannheim.de
↑ Hofmann, Johann Jacob (1635-1706): Lexicon Universale, Historiam Sacram Et Profanam Omnis aevi, omniumque Gentium; Chronologiam Ad Haec Usque Tempora; Geographiam Et Veteris Et Novi Orbis; Principum Per Omnes Terras Familiarum (...) Genealogiam; Tum Mythologiam, Ritus, Caerimonias, Omnemque Veterum Antiquitatem (...); Virorum (...) Celebrium Enarrationem [. . .; Praeterea Animalium, Plantarum, Metallorum, Lapidum, Gemmarum, Nomina, Naturas, Vires Explanans. - Editio Absolutissima [. . .] Auctior. - Leiden: Jacob. Hackius, Cornel. Boutesteyn, Petr. Vander Aa, & Jord. Luchtmans, 1698. 2-¦ - T. 1: Literas A, B, C, continens. (6) Bl., 1072 S.; Kupfertit. - T. 2: Literas D, E, F, G, H, I, K, L, continens. (1) Bl., 900 S. - T. 3: Literas M, N, O, P, Q, continens. (1) Bl., 994 S. - T. 4: Literas R, S, T, V, X, Y, Z, continens. (1) Bl., CXXVI, 743, 116 S.- Satzspiegel 32,1 x 17,3 cm - Signatur: XN 9739 apud www.uni-mannheim.de.]

Nexus interni

Eliana

[Benidorm-1] 1.0 ^1.1 ^1.2 Confer binomen "Eoclavatorella benidormensis".

[gbp-2] 2.0 ^2.1 ^2.2 J. G. Th. Graesse, Orbis Latinus (Dresdae: Schönfeld, 1861; 1909. Brunsvici, 1972, 3 voll.) 1 2 3

[3] Hofmann, Johann Jacob (1635-1706): Lexicon Universale, Historiam Sacram Et Profanam Omnis aevi, omniumque Gentium; Chronologiam Ad Haec Usque Tempora; Geographiam Et Veteris Et Novi Orbis; Principum Per Omnes Terras Familiarum (...) Genealogiam; Tum Mythologiam, Ritus, Caerimonias, Omnemque Veterum Antiquitatem (...); Virorum (...) Celebrium Enarrationem (...); Praeterea Animalium, Plantarum, Metallorum, Lapidum, Gemmarum, Nomina, Naturas, Vires Explanans. - Editio Absolutissima (...) Auctior (...). - Leiden: Jacob. Hackius, Cornel. Boutesteyn, Petr. Vander Aa, & Jord. Luchtmans, 1698. 2-¦ - T. 1: Literas A, B, C, continens. (6) Bl., 1072 S.; Kupfertit. - T. 2: Literas D, E, F, G, H, I, K, L, continens. (1) Bl., 900 S. - T. 3: Literas M, N, O, P, Q, continens. (1) Bl., 994 S. - T. 4: Literas R, S, T, V, X, Y, Z, continens. (1) Bl., CXXVI, 743, 116 S.- Satzspiegel 32,1 x 17,3 cm - Signatur: XN 9739 apud www.uni-mannheim.de

[4] Hofmann, Johann Jacob (1635-1706): Lexicon Universale, Historiam Sacram Et Profanam Omnis aevi, omniumque Gentium; Chronologiam Ad Haec Usque Tempora; Geographiam Et Veteris Et Novi Orbis; Principum Per Omnes Terras Familiarum (...) Genealogiam; Tum Mythologiam, Ritus, Caerimonias, Omnemque Veterum Antiquitatem (...); Virorum (...) Celebrium Enarrationem [. . .; Praeterea Animalium, Plantarum, Metallorum, Lapidum, Gemmarum, Nomina, Naturas, Vires Explanans. - Editio Absolutissima [. . .] Auctior. - Leiden: Jacob. Hackius, Cornel. Boutesteyn, Petr. Vander Aa, & Jord. Luchtmans, 1698. 2-¦ - T. 1: Literas A, B, C, continens. (6) Bl., 1072 S.; Kupfertit. - T. 2: Literas D, E, F, G, H, I, K, L, continens. (1) Bl., 900 S. - T. 3: Literas M, N, O, P, Q, continens. (1) Bl., 994 S. - T. 4: Literas R, S, T, V, X, Y, Z, continens. (1) Bl., CXXVI, 743, 116 S.- Satzspiegel 32,1 x 17,3 cm - Signatur: XN 9739 apud www.uni-mannheim.de.]

[1]

[2]

[3]

[4]