Hellas Planitia
| Hellas Planitia | |
|---|---|
 | |
| Eegenschaften | |
| Regioun | Hellas Planitia |
| Breet | -42,4 |
| Längt | 70,5 |
| Duerchmiesser | 2200 km |
| Déift | 7152 m |
| Alter | ongeféier 3,9 bis 3,5 Mrd. Joer |
| Entdecker | |
| Genannt no | Hellas, dem Eegennumm vu Griicheland |
Den Hellas Planitia, ass de gréissten Impaktkrater um Planéit Mars an nom Südpol-Aitken-Becken um Äerdmound warscheinlech den zweetgréissten an eisem Sonnesystem. Hie gouf no Hellas, dem eegenen Numm fir Griicheland genannt.
Beschreiwung
[änneren | Quelltext änneren]De Marskrater ass op der südlecher Hemisphär vum Planéit. Hien huet eng elliptesch Form mat enger Gréisst vun ongeféier 2.200 × 1.600 km an ass mat enger Déift vu bis zu 9 km déi déifst Regioun um Mars. Ëm de Krater verleeft e Rank aus opgeworfenem Material vu ronn 2 km Héicht.
Nordëstlech vum Hellas Planitia läit de Vulkan Hadriacus Mons. D'Hadriaca Patera, déi 66 km grouss Caldera vum Vulkan, läit bei 30° 12′ S, 92° 47′ O. Um südlechen Hank vum Vulkan fänkt de Stroumdall vum 794 km laange Dao Vallis (37° 37′ S, 88° 53′ O) un a reecht bis zum ëstleche Grond vum Marskrater. Den Dao Vallis gëtt duerch dat 360 km laangt Niger Vallis (34° 58′ S, 92° 34′ O), dat um südëstlechen Hank vum Vulkan ufänkt, verläengert. Ëstlech vum Hellas Planitia fänkt de 527 km laange Stroumdall Harmakhis Vallis (40° 59′ S, 90° 4′ O) un, deen och bis zum ëstleche Grond vum Marskrater verleeft.
Entwécklung
[änneren | Quelltext änneren]Den Hellas Planitia entstoung warscheinlech viru ronn 3,9 bis 3,5 Mrd. Joer, an der Noachescher Period, duerch den Aschlag vun engem kilometergroussen Asteroid.
Kuckt och
[änneren | Quelltext änneren]
Um Spaweck
[änneren | Quelltext änneren]| Commons: Hellas Planitia – Biller, Videoen oder Audiodateien |
